ZEKARIA 3:1 - Biblia Ilagho Jiboie Kwa Wandu Wose

¹ BWANA ukaniwonyera Mkohani M'baa Joshua ukikaia kimusi imbiri ya malaika wa BWANA, na Shetani uko kimusi chia ya mkonu ghwake ghwa kiwomi upate kumshitakia.

ZEKARIA 3:1 Խաչաձեւ Հղումներ

KUZOYA 3:15

Nichawika wumaiza aghadi yako na uo muka, na aghadi ya kivalwa chako na kivalwa chake. Uo uchachibara chongo chako, na oho kuchamluma ghimbe yake.”

KUZOYA 48:16

na malaika uo orenikirieghe nisepato ni mawiwi; uwirasimie wana awa. Irina japo na marina gha weke aba Abrahamu na Isaaka, ndeghiduo andenyi kwawo. Nawo ndewizoghuo wive na kuchurikia ndoenyi kose.”

1 MALAGHO GHA NGELO 21:1

Nao Shetani ukawuka ukunde kulwa na Israeli, ukamngira Daudi ngolo ewitala wandu wa Israeli.

2 MALAGHO GHA NGELO 29:11

Idana wana wapo, msekaie msetalagha; BWANA wamsaghue mfukireghe marumba imbiri kwake, na kuwilongoza wandu wimtasagha uo.”

EZRA 10:18

Awa niwo wandu werelowueghe waka wa kighenyi, Wakohani kunughana na vichuku vawo; Kichuku cha Joshua na waruna wana wa Jehosadaki, Maaseia, Eliezeri, Jaribu na Gedalia.

EZRA 2:2

Vilongozi vawo werekoghe Zerubabeli, Jeshua, Nehemia, Seraia, Reelaia, Mordekai, Bilshani, Mispari, Bigvai, Rehumu, na Baana. Ughu nigho mtalo ghwa wandu wa womi wa wandu wa Israeli werewurieghe kufuma wubarishonyi.

EZRA 5:2

Niko Zerubabeli mwana wa Shealtieli na Jeshua mwana wa Jehosadaki wikawuya na kuzoya kuagha sena Hekalu iko Jerusalemu, na walodi waja wawi wikawitesia.

ZABURI 106:23

Mlungu ughamba uawitotesha wandu wake, Musa uo mdumiki wake usaghulo ukamkania; ukahoresha machu ghake usewitoteshe.

ZABURI 109:6

Saghuonyi mundu mmbiwi usimane nao; m'maiza wa uo mbiwi ndemshitakie.

JEREMIA 15:19

BWANA waghora huwu, “Kukahea nichakuwunja kupate kunidumikia. Kukadeda malagho mecha wulalo ghwa agho ghisena fwaida, kuchawuya mundu ojigora ilagho japo; wandu wichakunugha oho, hata ndekuchaawinugha awo anduangi.

EZEKIELI 44:11

Wichanidumikia Hekalunyi kwa kulindia mbenge, na kudumika kwa kazi ra Hekalu. Wichabwaghia wandu nyamandu ra vizongona vekora, na vizongona vizima na kuwidumikia.

EZEKIELI 44:15

“Ela wakohani wa Kilawi, icho kivalwa cha Zadoku, werelindirieghe Hekalu yapo ingelo wandu wa Israeli werenisighieghe na kunilegha, awo wichanisoghodera na kunidumikia; wichanichea na kunifunyira mavuda na bagha, Ini Bwana MLUNGU naghamba.

HAGAI 1:1

Mwaka ghwa kawi ghwa kubonya nguma kwa Mzuri Dario wa Pashia, ituku ja imbiri ja mori ghwa karandadu, BWANA oreghorieghe ukimtumia mlodi Hagai. Malagho ghedeeka aighu ya Zerubabeli mwana wa Shealtieli, m'baa wa Juda, na Mkohani m'baa Joshua mwana wa Jehosadaki.

HAGAI 1:12

Niko Zerubabeli na Joshua na wandu wose wiwurie kufuma wubarishonyi Babuloni, wikabonya seji BWANA Mlungu wawo oreghorieghe. Wereobueghe BWANA Mlungu na kumsikira mlodi Hagai mdumwa wa BWANA.

HAGAI 2:4

Ela idana mndungi onyu usefo ngolo. Bonyenyi kazi, angu ini nekwanye chiaimweri nenyo.

ZEKARIA 1:13

BWANA ukamtumbulia uo malaika kwa malagho gha mvono ghehoresha ngolo.

ZEKARIA 1:19

Ngamkotia uo malaika oreghoragha nani, “Iri mbembe kutambua kwaro niki?” Nao ukanitumbulia, “Uku ni kuja kudima kuko wurumwengunyi kusaghisire wandu wa Juda na Israeli na Jerusalemu.”

ZEKARIA 1:9

Niko ngamkotia, “Kutambua kwaro iri farasi niki BWANA wapo?” Ukatumbulia, “Nichakuwonyera kutambua kwaro.

ZEKARIA 2:3

Niko ngawona uo malaika oreghoragha nani ukicha imbiri, na malaika mzima ukacha kukwana nao.

ZEKARIA 3:8

Idana sikira ee Joshua Mkohani M'baa, chiaimweri na wambenyu mkwanye, wiko fwana ya maza ndicha richagha, nichamreda mdumiki wapo uwangwagha Lumbashu.

ZEKARIA 4:14

Niko ukaghamba, “Awa ni waja wandu wawi wishingilo mavuda wipate kumdumikia BWANA wa ndoenyi kose.”

ZEKARIA 6:11

Kubonye kirumbu cha feza na dhahabu kwariwusa kwawo, nao kumrushe Mkohani M'baa Joshua mwana wa Jehosadaki chongonyi kwake.

MALAKI 3:1

BWANA Uwadie-Ndighi-Rose watumbulia, “Nichamduma mdumwa wapo, upate kuboisa chia imbiri kwapo, na uo BWANA mwawuyamsuwiria uchacha ghafla andenyi ya Hekalu yake. Uo mdumwa mwawuyamsuwiria uchacha na kueresha ilaghano japo.”

LUKA 21:36

Ela chereshenyi ngelo rose mkilomba, mpate kukaia nandighi rekia maza iri rose richagha, sena mdime kukaia kimusi imbiri ya Mwana wa Mdamu.”

LUKA 22:31

“Simoni, Simoni! Ola Shetani wawusa rusa emtima inyo, na kumuela-ela sa iji ngano ielwagha.

WUKUMBUSO 10:8

Ngelo ija, BWANA oresaghueghe kichuku cha Lawi widukeghe Sanduku ya Ilaghano ja BWANA; widumikeghe imbiri ya BWANA, na kufunyagha irasimio kwa irina jake hata idime.

WUKUMBUSO 18:15

BWANA Mlungu onyu uchammbusiria mlodi ufumagha aghadi ya wanyinyu uko sa ini; mumsikire.

1 PETRO 5:8

Kaienyi na akili mchereshe. M'maiza onyu, uo Ibilisi, waawuyamara-mara sa shimba irurumagha ikimlola mndungi ipate kumja.

1 SAMUELI 6:20

Wandu wa Beth-shemeshi wikaghamba, “Nani udimagha kusimana na BWANA, uo Mlungu mweli? Dimuenja kwani udime kudiinjikia?”