ZEKARIA 2:6 - Biblia Ilagho Jiboie Kwa Wandu Wose

⁶ BWANA ukawizera wandu wake, “Choonyi! Choonyi! Kimbienyi mfume isanga ja kaskazinyi; kwa kukaia ni ini BWANA neremsaghisireghe kula andu.”

ZEKARIA 2:6 Խաչաձեւ Հղումներ

KUZOYA 19:17

Iji wameria kumfunya shighadi wikamzera, “Kimbienyi mkire marangi ghenyu, msezighane na nyuma, hata msemange andu kungi vololonyi; kimbirienyi mghondinyi msechetota.”

ZABURI 44:2

Korewingieghe mbari ra wandu kumoni, kukawiwika weke aba aho; korewitiririeghe awo wandu, kukawibonya weke aba wiwone mecha.

ISAYA 48:20

Fuma Babuloni shwa-shwa, kimbia kufume kwa Wakalidayo. Ghora agho malagho kwa kuboilwa, kughighore na kughighenja kutua kose kwa ndoenyi kukighamba, “BWANA wamkombue mdumiki wake Jakobo.”

ISAYA 55:1

BWANA waghamba, “Okenyi kula mundu uomagha ndeche machinyi; na uo usewadie pesa, ndeche ughuo uje. Choonyi mghuo divei na mariwa, kuseko na pesa angu zoghori.

JEREMIA 1:14

BWANA ukanizera, “Wuwiwi ghuchacha kufuma kaskazinyi kwa wandu wose wikaiagha iji isanga.

JEREMIA 15:4

Nani nichawibonya wishinikilo ni mawuzuri ghose gha ndoenyi kwa wundu ghwa agho ghibonyero aho Jerusalemu ni Manase mwana wa Hezekia, mzuri wa Juda.

JEREMIA 3:18

Matuku agho, mbari ya Juda ichawadana na mbari ya Israeli, nawo wose wichafuma isanga ja kaskazinyi na kuwuya ijo isanga nerejinekieghe weke ndee jikaie ifwa jawo.”

JEREMIA 31:10

BWANA waghamba, “Sikirenyi ilagho japo inyo mbari ra wandu, mghorie masanga gha pwani ghiko kula mghambe, ‘U orewisaghisireghe wandu wa Israeli, nao uchawitumbanya sena, seji mlisha ulindiagha chagha chake.’

JEREMIA 31:38

BWANA waghamba, “Ola matuku ghichacha, na muzi ghwa Jerusalemu ghuchaaghwa sena kwa wundu ghwapo; kufuma Mnara ghwa Hananeli hata Mbenge ya Mbembe.

JEREMIA 31:8

Olenyi nichawireda kufuma isanga ja kaskazinyi, na kuwikwanya kufuma masanga gha kula gha ndoenyi; vitungure na wakelemeri wichakaia aghadi kwawo, chiaimweri na muka uko na kifu, na uo ukumbagha lufu kwa kuva; wichawuya aha izungu ja wandu ibaa nandighi.

JEREMIA 50:8

“Inyo wandu wa Israeli, kimbienyi mfume Babuloni! Sighenyi ijo isanga ja Wababuloni! Kaienyi wa imbiri sa fwandi ilongozagha chagha!

JEREMIA 51:45

“Fumenyi ugho muzi inyo wandu wapo, kula mundu ndekire irangi jake na agho machu ghapo ghibirie.

JEREMIA 51:50

BWANA waghamba huwu kwa wandu wake wiko Babuloni, “Inyo wandu mfufunukie msebwaghilo ghendenyi, msedunge maghu; hata ngera moko kula na mzinyi, ela nikumbukenyi ini BWANA, mgheshe Jerusalemu.

JEREMIA 51:6

Kimbienyi mfume Babuloni, kula mundu ndekire irangi jake; msechebwaghwa andenyi ya ikabo jake; angu ihi niyo ngelo yapo ini BWANA elipia kisasi, agho malipo ghimfwanagha kulipilwa.

EZEKIELI 11:16

Kwa huwo kuwighorie ini Bwana MLUNGU naghora hata ngera nawifunyire na kuwighenja kula kwa iro mbari ra wandu na hata ngera nawisaghisire masangenyi, ela sena nichakaia andwamweri nawo kwa ngelo vui andenyi ya agho masanga wereghendieghe.

EZEKIELI 17:21

Na masikari ghake ghose ghiko mang'oni ghichabwaghwa wudenyi, na awo wisigharikagha, wichasaghisika kula andu; nenyo mchamanya kukaia ini BWANA najighora ilagho ijo.”

EZEKIELI 5:10

Nichawibonya weke aba wije wana wawo, na wana wije weke ndee aghadi konyu; nani nichareda kutanya aighu yenyu. Na wangi wenyu wichaasigharika, nichawisasara noko.

EZEKIELI 5:12

Ifungu jenyu ja kadadu, jichafwa kwa saka izamie na kumerelwa ni njala aghadi konyu; na ifungu jimu ja kadadu jichafwa kwa wuda ghwa lufu ghuchaammara chia rose; na ifungu jimu ja kadadu nichajisasara andu kose, na kuwinugha nyuma kwa wuda ghwa lufu.

DANIELI 11:4

Ngelo wamanga, wuzuri ghwake ghuchachika na kuwaghika mafungu ana ndoenyi kose, ela ndeghuchaangia kwa kivalwa chake, hata awo wazuri ndewichaabonya nguma sa iro orekoghe naro kwa wuzuri ghwake, kwa kukaia ghuchainjwa na kunekwa wazuri wazima.

AMOSI 9:9

“Nichafunya momu na kuwisughusa wandu wa Israeli aghadi ya iro mbari ra wandu seji wandu wichekechagha ngano na kichekecho. Nichawichekecha na kuinja wose wisefwanagha.

ZEKARIA 1:16

Kwa huwo naiwuria Jerusalemu nipate kuifuya wughoma, Hekalu yapo ichaaghwa, na mizi ichaaghwa.”

ZEKARIA 2:7

BWANA waghamba sena, “Choonyi inyo wandu wa Sioni, fumenyi inyo morekaiagha muzi ghwa Babuloni.

MATHAYO 24:31

nao uchawiduma weke malaika wake na lwaka lubaa lwa tarumbeta, kuwikwanya wasaghulwa wake kufuma mbembe inya ra wurumwengu, kufuma kutua uku hata kutua kuja kwa mlungunyi.

MARKO 13:27

Nao uchawiduma weke malaika uwikwanye andwamweri wasaghulwa wake kufuma mbembe inya ra ndoenyi, kufuma kuzoya kwaro ndoenyi hata kutua kwaro.”

WUKUMBUSO 28:64

Nao uchamsaghisa aghadi ya wandu wose ndoenyi ii chia na ii chia; na aho mchaidumikia milungu mizima ya midi na ya magho, iyo msereiichighi hata weke ndeyo.

WUFUNUO 18:4

Niko ngasikira lwaka luzima kufuma mlungunyi lukighamba, “Fumenyi kwake wandu wapo, msecheka ngara na kaung'a rake, mchekabwa sa uo moni;

RUTHU 4:1

Boazi ukaghenda hata andu kokwania mbengenyi ya muzi, ukasea kidombo aho. Nao uo mundu wa ifwa ja Elimeleki oremghoragha ukacha. Niko Boazi ukaghamba, “Ghaluka iichia mghenyi wapo kusee kidombo aha.” Ukaghaluka, ukasea kidombo.