ZEKARIA 2:12 - Biblia Ilagho Jiboie Kwa Wandu Wose

¹² Juda uchawuya ifungu ja BWANA aighu ya mghondi ghwake ghwa wueli, na Jerusalemu ichakaia muzi ghwake ghukundikie na andu kwake kokaia.

ZEKARIA 2:12 Խաչաձեւ Հղումներ

2 MALAGHO GHA NGELO 6:6

Ela namerie kusaghua Jerusalemu eri Irina japo jikaieghe aho, na Daudi ukaie aighu ya wandu wapo Israeli.’

ESTA 6:13

Ukamghoria mkake Zereshi na waghenyi wake wose agho malagho ghampata. Niko aho waghenyi wake wa hikima na mkake Zereshi wikamzera, “Ikakaia uhu Mordekai kwazoya kulaghasha wubaa ghwako kwake ni Myahudi, ndekuchaamdima; kwa loli uchakusima.”

ZABURI 105:15

Ukighamba, “Msewiadade Wasaghulwa wapo, msakewibonya walodi wapo ilagho jingi.”

ZABURI 132:13

BWANA wasaghue Sioni; ukunde ukaieghe aho ukighamba,

ZABURI 132:14

“Aha niko nichaadua kwa kala; nichakaia aha, angu niko nikukunde.

ZABURI 135:4

Wamsaghue Jakobo ukaie wake, wandu wa Israeli wikaie mali yake cheni.

ZABURI 33:12

Yarasimilwa iyo mbari im'bonyere BWANA ukaie Mlungu wawo; wandu uwisaghue wikaie ifwa jake.

ZABURI 82:8

Choo kughutanye wurumwengu ee Mlungu, angu wandu wose ni wako.

ISAYA 14:1

BWANA uchakaia na wughoma kwa wandu wa Israeli, na kuwisaghua sena; nao uchawiwunja isangenyi jawo jeni, na waghenyi wichacha kukaianya nawo.

ISAYA 17:14

Nakenyi wiaobosha, ela nakesho ndewiko anduangi. Ijo nijo ifungu ja wandu wididwagha wunyika, awo widisokagha mali redu.

ISAYA 41:9

Neremdwaeghe kufuma kutua kwa ndoenyi, ngammbanga kufuma kula ngimzera, ‘Inyo mo mdumiki wapo, neremsaghueghe hata seremleghieghe anduangi.’

JEREMIA 10:16

Mlungu, wa Jakobo, ndedimagha kufwanananishwa naro, kwa kukaia nuo moni uumbie ivo vilambo vose, na Israeli ni mbari ya ifwa jake; irina jake ni BWANA wa majeshi.

JEREMIA 30:16

Kwa huwo awo wimmilie wichamilwa, na wamaiza awo wose wichadwalwa wunyika awo wimkorongagha wichakorongwa, na awo wimmbingagha wichawingwa.

JEREMIA 51:19

Mlungu wa Jakobo ndeko sa iyo anduangi, angu uo nuo ubonyere vilambo vose; mbari ya Israeli niyo uisaghue ikaie ifwa jake, na irina jake ni BWANA wa majeshi.

ZEKARIA 1:17

Nao uo malaika ukanizera nighambe kukaia BWANA Uwadie-Ndighi-Rose waghamba, “Mizi yapo ichakaia nicha sena, na ini BWANA nichaghuhoresha Sioni na kughusaghua Jerusalemu sena ghukaie ghwapo.”

ZEKARIA 3:2

Malaika wa BWANA ukamzera Shetani, “BWANA ndekukemie ee Shetani! Uo BWANA uikunde Jerusalemu ndekukemie. Umundu ooka sa kilaya chafunywa modonyi.”

WUKUMBUSO 32:10

“Orewikueghe isanga ja kireti, andu kwa kireti kuomeshero ni mbeo ya kiremba. Ukawirighia na kuwilindia, ukadammbona sa mundu wa iriso jake.

WUKUMBUSO 32:9

ela kivalwa cha Jakobo orechisaghueghe, chikaie ifwa jake moni.