ZEKARIA 13:9 - Biblia Ilagho Jiboie Kwa Wandu Wose

⁹ Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

ZEKARIA 13:9 Խաչաձեւ Հղումներ

2 SAMUELI 7:24

Na oho kwawimangishire wandu wako Israeli wikaie wandu wako kwa kala na kala; na oho ee BWANA kwawurie Mlungu wawo.

AYUBU 23:10

Elaima Mlungu waichi mighendo yapo; ukameria kunitima, nichawoneka nielie sa dhahabu.

AYUBU 28:1

“Loli veko vina vekota feza, na koko andu koeleshera dhahabu.

ZABURI 144:15

Warasimilwa awo wandu wipatagha agho marasimio; warasimilwa awo wandu BWANA uko Mlungu wawo.

ZABURI 43:4

Niko nichaghenda madhabahunyi kwako ee Mlungu, oho kuko kuboilwa kwapo kubaa; nani nichakukasa kwa kinubi, ee Mlungu, Mlungu wapo.

ZABURI 50:15

Kuniwange ituku kwapatwa ni wasi, nani nichakukira na oho kuchanikasa.”

ZABURI 91:15

Wikaniwanga, nichawidika; wikangia wasinyi, nichakanya nawo; nichawivuvua na kuwibonyera ishima.

MAKATANISHO 17:3

Feza na dhahabu radatimwa kwa modo; ngolo radatimwa ni BWANA.

LUMBO 2:16

Mkundwa ni wapo, na ini ne wake; wadalisha iranu jake aghadi ya mboi.

ISAYA 43:2

Hata ngera kwaida aghadi ya machi mengi, ini nichakaia andwamweri na oho. Kukaida aghadi ya meda ya machi mengi, ndegichaakudwa anduangi. Kukaida aghadi ya modo, ndekuchaahia; hata lumu lwa modo lukakuleta, ndekuchaalungua anduangi.

ISAYA 48:10

Ola nakuelesha ela si seji feza ieleshwagha, nakutima andenyi ya modo ghwa matiriro.

ISAYA 58:9

Niko aho kuchaniwanga ini BWANA, nani nichakudika, kuchanikemia nani nichaghamba: Neko aha. “Iji kwaleka kukoronga, na kuloda na chala kukideda kiwiwi,

JEREMIA 24:5

“BWANA, uo Mlungu wa Israeli waghamba huwu, Nichawitala wandu wa Juda awo niwibonyere widwalo wunyika cha isanga ja Wakaldayo, kukaia waboie kara kara na iri tini riboie.

JEREMIA 30:22

Nenyo mchakaia wandu wapo, na ini nichakaia Mlungu onyu.”

JEREMIA 31:33

Ela ilaghano nichaajibonya na wandu wa Israeli nyuma ya matuku ghaja nijo iji: Nichawika sharia yapo andenyi kwawo, nani nichaiandika aighu ya ngolo rawo; nichakaia Mlungu wawo nawo wichakaia wandu wapo.

JEREMIA 32:38

Nawo wichawuya wandu wapo, nani nichakaia Mlungu wawo.

JEREMIA 9:6

Ndewilekagha makorongo, na makalio. Nawo walegha kunimanya ini, waghamba BWANA.

EZEKIELI 11:20

eri wipate kunugha sharia rapo na kuiwadia memu yapo na kuikatisha; nawo wichakaia wandu wapo, nani nichakaia Mlungu wawo.

EZEKIELI 14:11

eri wandu wa Israeli wiselaghasho jingi kufuma kwapo; sena wisekulushe weni kwa makosa ghawo, ela wipate kukaia wandu wapo, na ini nikaie Mlungu wawo. Ini Bwana MLUNGU naghamba.”

EZEKIELI 20:38

Nichawiinja awo wandu wisesikiragha na awo winibonyeragha kaung'a, wifume aghadi konyu; nichawifunya isangenyi iji werejikaieghe kiwughenyi, ela ndewichaangia andenyi ya isanga ja Israeli. Aho niko mchaamanya kukaia ini ne BWANA.

EZEKIELI 36:28

Mchakaia andenyi ya isanga nerejinekieghe weke ndeyo, nenyo mchakaia wandu wapo na ini nichakaia Mlungu onyu.

EZEKIELI 37:27

Nichakaia aghadi kwawo, nani nichakaia Mlungu wawo, nawo wichakaia wandu wapo.

DANIELI 11:35

Wamu wa awo wiko na hikima wichabwaghwa; na ilagho ijo jichawibonya wielesho kuchumba; wiele cho, hata kukatia kwa ngelo ra kutua; angu ngelo iwikilo ndeivikie kande anduangi.

DANIELI 12:10

Wandu wengi wichakuelesha na kukaia wielie, nawo wichaela. Ela wawiwi, wichabonya kiwiwi; na mndungi wawo ndechaatambukilwa jingi. Awo wa hikima, wichatambukilwa.

JOELI 2:32

Ela uo uchaalomba wutesia ghwa BWANA uchakia. Na seji BWANA ughambie, ‘Weko wamu andenyi ya Jerusalemu wichaafufufunuka, awo niwisaghue wichakaia moyo.’”

WALAWI 26:12

Nichasela aghadi konyu, nani nichakaia Mlungu onyu, nenyo mchakaia wandu wapo.

ZEKARIA 10:6

“Nichawibonya wandu wa Juda wikaie na ndighi; nichawikira wandu wa Israeli. Nichakaia na wughoma nawo, na kuwiwunja wose mzawo. Wichakaia seji serewileghieghe jingi. Ini ne BWANA Mlungu wawo; nani nichatumbulia malombi ghawo.

ZEKARIA 12:10

“Nichawichura wandu wa nyumba ya Daudi na awo wikaiagha Jerusalemu roho ya wughoma na kulomba. Wichamzighana mundu were'bwahieghe kwa kumdunga na ndagha nawo wichamlilia mwana wa ititi; wichalila na ndighi seji mundu uliliagha mwana wake wa imbiri.

ZEKARIA 8:8

na kuwireda kufuma mashariki na magharibi wipate kukaia Jerusalemu. Wichakaia wandu wapo na ini nichakaia Mlungu wawo uwibonyeragha nguma kwa wuloli na kwa hachi.

MABONYO GHA WADUMI 2:21

Na aho ichakaia, uo ose uchaajiwangia irina ja Bwana uchakia.’

WAEBRANIA 8:10

Iji nijo ilaghano nichaajibonya na nyumba ya Israeli nyuma ya matuku agho, waghamba Bwana; Nichangira sharia rapo akilinyi kwawo, na kuriandika ngolonyi kwawo, nani nichakaia Mlungu wawo, nawo wichakaia wandu wapo.

JAKOBO 1:12

Mundu urumaghiagha matimo, ucharasimilwa; angu iji wasima ijo itimo, uchapata kirumbu cha irangi, icho Mlungu uwilaghirie awo wose wimkundagha.

1 PETRO 4:12

Wakundwa, msakeshinulwa ni agho matimo ghibirie ghawuyamchea kumtima, seji kuamba ni malagho gha kighenyi ghawuyabonyeka konyu.

WUFUNUO 21:7

U mundu usimagha, uchapata ifwa iji, nani nichakaia Mlungu wake, nao uchakaia mwana wapo.

WUFUNUO 8:10

Uo malaika wa kadadu ukaikaba tarumbeta yake, nyerinyeri mbaa nandighi ikapotoka kufuma mlungunyi ikiaka sa kilaya cha modo, ikapotokia ifungu ja kadadu ja meda, na ndoria ra machi.

WUFUNUO 8:11

Iyo nyerinyeri yawangwagha Kuwawa. Na ifungu ja kadadu ja machi jikawawa, na wandu wengi wikafwa kwa wundu ghwa agho machi, angu gherewawiroghe.

WUFUNUO 8:12

Uo malaika wa kana ukaikaba tarumbeta yake, ifungu ja kadadu ja iruwa, na ja mori, na ja nyerinyeri jikakabwa, hata ifungu ja kadadu ja miengere yaro jikawuya kira; na ifungu ja kadadu ja dime hata ja kio ndejeredimieghe kufunya miengere yaro anduangi.

WUFUNUO 8:7

Uo malaika wa imbiri ukaikaba tarumbeta yake, kukakaia na vua ya magho na modo, viranganyiro na bagha, na ifungu ja kadadu ja ndoenyi jikakorwa, ifungu ja kadadu ja midi jikakorwa, na nyasi mbishi rose rikakorwa.

WUFUNUO 8:8

Uo malaika wa kawi ukaikaba tarumbeta yake, na kilambo chimu chiko sa mghondi m'baa ghuakagha modo, chikakumbwa baharinyi;

WUFUNUO 8:9

na ifungu ja kadadu ja bahari jikawuya bagha, na ifungu ja kadadu ja ivo vose viumbilo viko moyo baharinyi vikafwa, na ifungu ja kadadu ja meli jikanonwa.