ZEKARIA 13:7 - Biblia Ilagho Jiboie Kwa Wandu Wose

⁷ BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

ZEKARIA 13:7 Խաչաձեւ Հղումներ

MARKO 14:27

Jesu ukawizera wanughi wake, “Inyo mmbose muchanisigha, angu yaandikwa, ‘Nichamkaba mlisha na ng'ondi richasaghisika.’

MATHAYO 26:31

Nao Jesu ukawizera, “Kio ichi cheni inyo mmbose mchakimbia munisighe niekeri, angu yaandikilo; ‘Nichamkaba mlisha, na ng'ondi richasaghisika.’

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

JOHANE 16:32

Ngelo iacha, nayo yameria kuvika, inyo mmbose mchasaghiswa kula mundu ughende andu kwake; na ini nichasigharika niekeri. Ela siko niekeri anduangi, kwa kukaia Aba oko andwamweri nani.

MARKO 14:50

Aho wanughi wose wikamsigha, wikakimbia.

EZEKIELI 37:24

“Mdumiki wapo Daudi uchakaia mzuri wawo, na wose wichakaia na mlisha umweri. Wichanugha memu yapo, na kuritala sharia rapo.

ZEKARIA 11:7

Awo wandu wereghueghe na kuuza ng'ondi wikaniandika kazi; ngawuya mlisha wa ng'ondi riendaabwaghwa. Ngawada vangu viwi; chimu ngachiwanga “Mvono” na chimu ngachiwanga “Wumweri.” Ngalisha ng'ondi.

MIKA 5:2

BWANA waghamba, “Bethlehemu Efrata, koko mtini putu aghadi ya mizi yose ya Juda; ela nichawusira m'bonyi nguma kufuma kwako, nao uchakaia m'bonyi nguma wa Israeli ufumagha kwa kichuku icheni cha kala.”

WUFUNUO 1:8

“Ini ne Alfa na Omega” waghamba Bwana Mlungu uo uko, nao orekoghe, na nuo uchagha; Uo Uwadie Ndighi Rose.

JEREMIA 47:6

Mwaghamba, ‘Ai! E lufu lwa BWANA, ni lii kuchaaleka kudema? Wuya kiwonyi kwako, kuhore kima.’

1 PETRO 5:4

Na iji Mlisha M'baa wa ng'ondi wawoneka, mchapata kirumbu cha wubaa chisesiagha anduangi.

1 PETRO 3:18

Angu Kristo wori orefueghe kwa wundu ghwa kaung'a indo jimweri tua; mundu wa hachi, kwa wundu ghwa wandu wiseko na hachi; eri upate kudireda kwa Mlungu; mumbi ghukabwaghwa, ela roho ikakaishwa moyo.

WAEBRANIA 13:20

Idana uo Mlungu wa sere, nao nuo oremrukishireghe Bwana odu Jesu kufuma kwa wafu, uo uko Mlisha M'baa wa ng'ondi, kwa bagha ya ilaghano ja kala na kala,

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

WAROMA 4:25

nao orebwaghiloghe kwa wundu ghwa mawiwi ghedu, na kurukishwa kwa wundu ghwa kutalwa kukaia na hachi kodu.

JOHANE 10:30

Ini na Aba ni umweri.”

MATHAYO 11:27

Aba waninekie vilambo vose. Hata ndekuwadie ungi ummanyagha Mwana ela Aba, sena ndekuwadie mndungi ummanyagha Aba ela Mwana, na uo ose Mwana uchaakunda kumfunukuya.

ZEKARIA 11:4

BWANA Mlungu wapo wanizerie, “Lisha ng'ondi riendaabwaghwa.

MIKA 5:4

Ngelo uchagha, uchawibonyera nguma wandu wake kwa ndighi ra BWANA, na kwa nguma ya BWANA Mlungu moni. Wandu wake wichakaia banana, kwa kukaia wandu wose wurumwengunyi wichaghutala wubaa ghwake.

JOHANE 16:15

Vose viko na Aba ni vapo, niko namzera angu Uo Roho uchawusa ghapo, na kumghoria inyo.

JOHANE 14:23

Jesu ukamtumbulia, “Mundu ukanikunda, uchajiwadia Ilagho japo, na Aba uchamkunda, nesi dichacha na kukaia andwamweri nao.

JOHANE 14:1

Niko Jesu ukawizera, “Msakeja wasi ngolonyi konyu; mrumirienyi Mlungu, nirumirienyi na ini wori.

JOHANE 10:38

ela ikakaia naribonya, hata ngera mwalegha kunirumiria, kumangu mwarirumiria iro kazi reni, mpate kumanya angu Aba oko andenyi kwapo, na ini andenyi kwake.”

JOHANE 8:58

Jesu ukawizera, “Namghoria loli, imbiri ya Abrahamu kukaia, ‘Ini Neko.’”

JOHANE 5:23

wose wipate kum'bonyera ishima Mwana, sa iji koni wim'bonyeragha ishima uja Aba wori. Uhu usem'bonyeragha uja Mwana ishima, ndem'bonyeragha ishima uja Aba oremdumieghe wori.

MATHAYO 10:42

Na uo ose uchaamneka umu wa awa watini hata kikombe cha machi gha mbeo, angu wakaia mnughi wapo, ndechaasowa mafungu ghake anduangi.”

MATHAYO 1:23

“Ola mwai uchakaia na kifu nao uchava mwana wa womi, nao uchawangwa Immanueli” (kutambua kwaro ni, “Mlungu andwamweri nesi”).

EZEKIELI 21:28

“Na oho ee mwana wa mdamu, funya wulodi kughambe, ‘Bwana MLUNGU waghamba huwu aighu ya Waamoni, na aighu ya agho madukano ghawo: Lufu, lufu lwakulwa lupate kubwagha; lwazughulo, lwaawuyaaka-aka na kung'ala-ng'ala sa luhehia.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

ZABURI 2:2

Wazuri, wa ndoenyi wakupanga, na wabonyi nguma wabonya njama chiaimweri aighu ya BWANA na aighu ya Msaghulwa wake.

WUFUNUO 21:6

Nao ukanizera, “Ghabonyeka! Ini ne Alfa na Omega, uko kuzoya na uko kutua. U mundu uomagha, nichamneka machi gha ndoria ya machi gha irangi duu.

WUFUNUO 13:8

Na wandu wose wikaiagha ndoenyi wichaitasa; awo, imbiri wurumwengu ghuseumbilo, marina ghawo ghisereandikiloghe andenyi ya chuo cha irangi cha Mwana wa Ng'ondi uo orebwaghiloghe.

WUFUNUO 2:23

sena nichawibwagha wanughi wake. Na makanisa ghose ghichamanya angu ni ini nirizighanagha ngolo na maghesho gha wandu; nani nichamlipa kula umu onyu karakara na kazi rake.

WUFUNUO 1:17

Nani iji neremmbonieghe, nereghueghe maghunyi kwake seji naafwa. Ela ukaniwikiria mkonu ghwake ghwa kiwomi ukaghamba, “Kusakeobua, ini nuo wa imbiri, na wa kutua;

WUFUNUO 1:11

lukighamba, “Agho kughiwonagha kughiandike chuonyi, na kughighenjera agho makanisa mfungade; Efeso, Simurna, Pergamo, Thuatira, Saridi, Filadelfia, na Laodikea.”

1 JOHANE 2:2

nao nuo wushano ghwa kaung'a redu; hata si kwa wundu ghwa kaung'a redu reni riekeri anduangi, ela na ra wurumwengu ghose wori.

WAFILIPI 2:6

Uo hata ngera orekoghe na fwana ya Mlungu, nderetalieghe kuja kukaia karakara na Mlungu wei ni kilambo chekakadia anduangi.

WAGALATIA 3:13

Kristo oredikombueghe kufuma kwa njowe ya Sharia, kwa kuwuya njowe uo moni; angu yaandikilo, “Ndewado ni njowe kula mundu unyonyoreshwagha mudinyi”,

WAROMA 8:32

Uo useremmbonieghe wughoma Mwana wake moni, ela ukamfunya kwa wundu ghodu isi diwose, uchalegha wada kudineka vindo vose andwamweri nao?

MABONYO GHA WADUMI 2:23

Uo Jesu, orefunyiroghe konyu kwa mpango tiki ghoremanyikieghe kwa Mlungu; nenyo mkamsulubisha na kum'bwagha kwa mikonu ya wandu wawiwi.

JOHANE 1:29

Nakesho yaro, Johane ukammbona Jesu ukimchea ukaghamba, “Zighanenyi Mwana wa ng'ondi wa Mlungu, uinjagha kaung'a ra wurumwengu.

LUKA 17:2

Yakaiagha nicha ngera odefungwa igho jesha singonyi kwake na kukumbwa baharinyi, kuchumba kumshekeria umu wa awa watini, ungie kaung'enyi.

LUKA 12:32

“Msakeobua inyo chagha kitini, angu yam'boie Ndeyo onyu kumneka ugho wuzuri.

MATHAYO 26:56

Ela agha ghakaia eri Maandiko gha walodi ghikatie.” Niko wanughi wose wikamsigha wikakimbia.

MATHAYO 18:14

Huwo koni Ndeyo onyu uko mlungunyi ndeboilwagha wei umu wa awa watini ulaghaye anduangi.

MATHAYO 18:10

“Mkulindie msemmenye ungi wa awa watini; angu namghoria, weke malaika wawo aho mlungunyi ngelo rose wadaghuzighana wushu ghwa Aba uko mlungunyi. [

ZEKARIA 11:11

Kwa huwo ijo ilaghano jikanonwa ijo ituku. Awo wereghuagha na kuuza ng'ondi werekoghe wikinizighanira, wikamanya angu BWANA orekoghe ukighora nani kwa agho nabonya.

ISAYA 27:1

Ngelo iyo, BWANA uchamkaba Leviathani, iyo choka ikimbiagha, kwa lufu lwake lukurie, lubaa, sena luwadie ndighi; uchamkaba Leviathani, iyo choka ighalaaghala, na kuibwagha iyo choka mbaa ikaiagha baharinyi.

ISAYA 1:25

Nichammbwada kwa mkonu ghwapo, na kumuoghosha sa chuma; nichamuelesha seji chuma chieleshwagha kwa modo; na kuinja wuwiwi ghonyu ghose.

EZEKIELI 7:6

Ola kutua kwameria kuvika, kwameria kuvika nako kukuredia wasi.

EZEKIELI 21:3

kujizere kukaia ini BWANA nichalwa najo; nichakua lufu lwapo kiwonyi kwaro, nani nicham'bwagha mhachi na mmbiwi.