ZEKARIA 13:1 - Biblia Ilagho Jiboie Kwa Wandu Wose

¹ BWANA Uwadie-Ndighi-Rose waghamba, “Ituku ijo jikavika, ndoria ichafungulwa eelesha kivalwa cha Daudi na wandu wa Jerusalemu kaung'a na kutasa milimu kwawo.

ZEKARIA 13:1 Խաչաձեւ Հղումներ

ZABURI 51:2

Kunioghoshe kiwiwi chapo putu, kunieleshe kaung'a yapo.

1 WAKORINTHO 6:11

Nenyo wamu modeeka woruwo; ela mwaoghoshero, mkaeleshwa, mkabonywa wahachi kwa irina ja Bwana Jesu Kristo na kwa Roho wa Mlungu odu.

JOHANE 1:29

Nakesho yaro, Johane ukammbona Jesu ukimchea ukaghamba, “Zighanenyi Mwana wa ng'ondi wa Mlungu, uinjagha kaung'a ra wurumwengu.

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.

1 JOHANE 5:6

Jesu Kristo nuo orechieghe kwa machi na bagha; hata si kwa machi gheni ghiekeri anduangi, ela kwa machi na bagha.

1 JOHANE 1:7

Ela dikaghenda na mwengere, sa iji koni uo uko mwengerenyi, dichakaia na wungara diweni na diweni, na bagha ya Jesu Mwana wake, iadioghoshagha kaung'a rose.

JEREMIA 17:13

Ee BWANA oho kuko isuwirio ja Israeli, wose wikusighagha wichafushwa waya, na awo wikughalukiagha nambai, wichalaghaya sa marina ghiandikilo andonyi kwa kukaia wamsighie BWANA, uo ndoria ya machi ghiko moyo.

1 PETRO 1:19

ela kwa bagha ya zoghori mbaa ya Kristo, sa ya mwana wa ng'ondi usewadie ikosa hata iboli jingi.

ZEKARIA 12:3

Ituku ijo jikavika, nichaibonya Jerusalemu ikaie sa igho jilemere kwa wundu ghwa wandu wose; mbari ya wandu wangi wichaatima kujiwusira, wichashoghonoka nandighi. Na mbari ra wandu wose wurumwengunyi wichacha kulwa nayo.

ZABURI 51:7

Kunieleshe kwa hisopu, nani nichaela, nioghoshe, nani nichawuya wa chokwa kuchumba theluji.

EZEKIELI 36:29

Nichamfunya wuchafunyi ghonyu ghose, nani nichalaghira viro vichurikie konyu kwa wungi; hata njala ingi ndeichaakaia konyu sena anduangi.

EZEKIELI 36:17

“Mwana wa mdamu, iji wandu wa Israeli werekoghe andenyi ya isanga jawo jeni, werejilushireghe kwa wundu ghwa mighendo yawo, na mabonyo ghawo ghizamie. Tabia rawo imbiri kwapo redeeka sa wuchafu ghwa muka uko merinyi.

ISAYA 4:4

ingelo BWANA uchaaoghosha wuchafu ghwa wandu wa Sioni, na bagha idikie Jerusalemu kwa roho ya kutanya, na roho ya modo.

JEREMIA 2:13

kwa kukaia wandu wapo wabonyere makosa awi: wanisighie ini ndoria ya machi ghiko moyo, na kukukotera weni visima vawo vibarikie visedimagha kuwadia machi.

JEREMIA 29:26

BWANA wakubonyere kukaie mkohani wulalo ghwa mkohani Jehoiada, kupate kukaie mzighaniri wa Hekalu ya BWANA, na kumfunga kula mundu wa isu, uo ukubonyagha moni kukaia mlodi kwa kilingo na izango ja chuma singonyi kwake.

JEREMIA 33:8

Nani nichawielesha wuwiwi ghwa kaung'a yawo yose winibonyere, na kuwifuya wughoma kaung'a rawo rose na kuja kunilegha kwawo.

EZEKIELI 47:1

Uja mundu ukanidwa na kuniwunja mnyangonyi ghwa Hekalu, ngawona machi ghikisea nandonyi ya kizingiti cha Hekalu, na kughenda cha mashariki andu Hekalu ilangayagha. Machi agho gherekoghe ghikisea kufuma chia ya kusinyi ya Hekalu na kuidiria chia ya kusinyi ya madhabahu.

ZEKARIA 12:14

na nyumba rose rasigharika kula imu chiaro, na waka wawo chiaro.”

WALAWI 11:36

Elaima, ndoria ra machi angu chombo cha wongo chiwadie machi vichakaia vielie, ela vilambo ivo vose vichaadadana na gharia ra iro shimandu, vichakaia viseelie.

ISAYA 12:3

Mchadaya machi visimenyi va kukia kwa kuboilwa.

MIKA 5:12

Nichainja wusawi ghwako, hata ndemchaakaia na wandu wangi wemghoria malagho sena anduangi.

JOHANE 5:4

angu malaika wa Bwana orekoghe ukisea ndiwenyi kwa vimu vake kughinyavura machi; na uo ose orezoeghe kungia ndiwenyi nyuma ya machi kunyavurwa, oreboisiroghe wukongo ghwake ugho orekoghe nagho.]