ZEKARIA 12:4 - Biblia Ilagho Jiboie Kwa Wandu Wose

⁴ Ituku ijo, nichangira kiture andenyi ya farasi rawo, nani nichawibonya wajoki farasi wawo wiwuko ni isu. Nichawilindia wandu wa Juda, na kuribwagha meso farasi ra wamaiza wawo.

ZEKARIA 12:4 Խաչաձեւ Հղումներ

ZEKARIA 12:3

Ituku ijo jikavika, nichaibonya Jerusalemu ikaie sa igho jilemere kwa wundu ghwa wandu wose; mbari ya wandu wangi wichaatima kujiwusira, wichashoghonoka nandighi. Na mbari ra wandu wose wurumwengunyi wichacha kulwa nayo.

WUKUMBUSO 28:28

BWANA uchakukaba kwa kuwukwa ni isu, na kwa kufwa meso, na kwa kulaghalwa ni akili;

ZEKARIA 12:6

“Ituku ijo, nichavibonya vichuku va Juda vikaie sa modo ghuhiagha msidunyi angu mbuwenyi rakaia tayari kukuwidwa; wichawitotesha wandu wa mbari rose riko mbai mbai. Wandu wa Jerusalemu wichasigharika banana andenyi ya muzi.

MABONYO GHA WADUMI 17:30

Ngelo ra kusowa kumanya, Mlungu nderetalieghe anduangi; ela idana, walaghira wandu wose andu kose, wihee mawiwi ghawo.

ZEKARIA 14:15

Na saka ija cheni ichariwada farasi, nyumbu, ngamila, punda, na nyamandu iyo yose iko andenyi ya iro kambi ra wamaiza.

ZEKARIA 12:11

Ituku ijo kililo cha Jerusalemu chichakaia kibaa sa kililo cha Hadadi-rimoni wurindinyi ghwa Megido.

ZEKARIA 10:5

Wandu wa Juda wichakaia wasimi sa masikari wifashagha wamaiza wawo a mazozonyi chienyi. Wichalwa na kuwisima wajoki farasi, angu BWANA oko andwamweri nawo.

ZEKARIA 9:8

Nichajilindia isanga japo, na kulegha ijeshi jingi jiseide aghadi yaro. Sichaasigha mkorongi ungi uwikoronge wandu wapo kwa kukaia namerie kuwona seji wandu wapo wikorongelo.”

DANIELI 9:18

Degha kudu kwako kusikire ee Mlungu wapo; zighana kuwone wuduu ghodu, na ugho muzi ghuwangilo kwa irina jako. Ndediwuekuvoya angu wei diko na hachi ingi imbiri kwako, ela ni kwa wundu ghwa wungi ghwa wughoma ghwako.

EZEKIELI 39:20

Nenyo mchaghuda vindo vapo va nyama ra farasi na wajoki farasi, na wandu wiwadie ndighi, na ra wandu wa wuda wa kula mbari, ini Bwana MLUNGU naghamba.”

EZEKIELI 38:4

nichakungira koleo ra muzunyi, na kukughalua ii chia na ii chia, na kukukurudua chiaimweri na ijeshi jako jose, na farasi na wajoki farasi; wose wirushiro maswagha, izungu ibaa nandighi, wiko na ngao ndini na mbaa, wiwadie chufu.

JEREMIA 24:6

Nichakaia ngiwizighana kwa wundu ghwa mecha, nani nichawiwunja kwa iji isanga; nichawiagha hata sichaawivuchua, nichawimangisha hata sichaawiinja anduangi.

ISAYA 37:17

Degha madu ghako ee BWANA, kusikire madedo ghose gha Senakeribu ghekusholia oho Mlungu kuko moyo; zighana kuwone ee BWANA seji wawuyabonya.

ISAYA 24:21

Ngelo iyo, BWANA uchakaba majeshi gha roho mbiwi ghiko mbeonyi, na wazuri wa ndoenyi.

NEHEMIA 1:6

Kunizighane BWANA na kusikira malombi ghapo ini mdumiki wako niwilombiagha kio na dime wadumiki wako, wandu wako Israeli. Narumiria angu isi wandu wa Israeli dabonyere kaung'a. Weke wawa wapo na ini dabonyere kaung'a.

2 MALAGHO GHA NGELO 7:15

Nichakaia ngizighana Hekalunyi, na kudegha madu ghapo kwa ilombi jichaakaia jikilombwa aha.

2 MALAGHO GHA NGELO 6:40

Na idana ee Mlungu wapo, zighana, kudeghe madu ghako kwa ilombi jawuyalombwa aha.

2 MALAGHO GHA NGELO 6:20

eri kuizighaneghe hekalu ihi kio na dime, andu oho kulaghirie kukaia kuchawika Irina jako, na kusikira malombi gha mdumiki wako ukulombagha ukilangaya andu aha.

2 WAZURI 6:18

Nao iji Wasiria wasea, Elisha ukamlomba BWANA ukighamba, “Nakulomba BWANA kuwibonye wandu awa wiwuye vitungure.” BWANA ukawiwunja waja wandu vitungure, kunughana na malombi gha Elisha.

2 WAZURI 6:14

Mzuri ukaduma ijeshi na farasi na magare nakio, ukaghumara ugho muzi Elisha orekoghe.

1 WAZURI 8:29

Kuizighane Hekalu ihi kio na dime, andu kukusaghue kutasoghe. Iji nalomba ngiilangaya Hekalu ihi, kunisikire.

ZEKARIA 12:5

Niko vichuku va Juda wichazerana, ‘BWANA Uwadie-Ndighi-Rose waawuyawineka ndighi wandu wake wikaiagha Jerusalemu.’