ZEKARIA 11:7 - Biblia Ilagho Jiboie Kwa Wandu Wose

⁷ Awo wandu wereghueghe na kuuza ng'ondi wikaniandika kazi; ngawuya mlisha wa ng'ondi riendaabwaghwa. Ngawada vangu viwi; chimu ngachiwanga “Mvono” na chimu ngachiwanga “Wumweri.” Ngalisha ng'ondi.

ZEKARIA 11:7 Խաչաձեւ Հղումներ

ZABURI 23:4

Hata ngera naida aghadi ya vololo ya kira chikambie na ndighi, sichaaobua kiwiwi chingi; angu oho BWANA koko andwamweri nani; zobo yako na mzata ghwako, vanilindia.

ZABURI 27:4

Nalombie ilagho jimweri tu kwa BWANA, najo nijo jeni nijilolagha; ja ini kukaia nyumbenyi kwa BWANA matuku ghose gha irangi japo; niwoneghe kughoka kwa BWANA, na kulola wulongozi ghwake andenyi ya Hekalu yake.

ZABURI 90:17

Wucha ghwako ndeghukaie aighu kodu ee BWANA Mlungu odu, kurimangishe kazi redu; hee, iro kazi diribonyagha kurimangishe.

ISAYA 11:4

ela uchawitanya wakiwa kwa hachi, na kudumbua malagho gha wanyonge wa ndoenyi kara kara; uchaikaba ndoe kwa miruke ya momu ghwake, na kuwibwagha wawiwi kwa miruke ya memu yake.

ISAYA 40:11

Uchachilisha chagha chake sa mlisha, uchawikwanya wana wa ng'ondi, na kuwidwa mkonunyi kwake; uchawidwa laghenyi kwake; na weke mae uchawighenja kwa wumboa.

ISAYA 61:1

Roho wa Bwana MLUNGU oko aighu kwapo, kwa kukaia BWANA orenishingieghe mavuda, nipate kuwiredia wandu wikorongelo malagho mecha; wanidumie niwirighite awa wifue ngolo, na kuwitangazira wuhuru ghwawo awo wandu widwalo wunyika; na awo wiko kifungonyi, malagho gha kufungulwa kwawo.

JEREMIA 39:10

Ukawisigha awo werekoghe wakiwa wikaie ahoeni isangenyi ja Juda, awo wiserekoghe na kindo chingi; ukawineka mbuwa ra mizabibu na mbuwa iyo ngelo cheni.

WALAWI 27:32

Ifungu ja ikumi ja mfugho rose, na ja nyamandu riko aisi ya mlisha, ni ja BWANA.

MIKA 7:14

Lisha wandu wako kuwisaghue kumoni BWANA. Hata ngera wakaie wisasarikie noko cha kireti, jeko isanga jinorie jiwimare mbai mbai. Wisighe wije malisho ghinorie gha Bashani na Gileadi seji werebonyagha kala.

ZEFANIA 3:12

Nichasigha wandu wikuserie na wa mboa aho, awo wilolagha wulindiri ghwapo.

ZEKARIA 11:14

Nao ngachikanya changu chapo cha kawi chiwangwagha “Wumweri,” kughunona wuruna ghwa Juda na Israeli.

ZEKARIA 11:4

BWANA Mlungu wapo wanizerie, “Lisha ng'ondi riendaabwaghwa.

MATHAYO 11:5

Vitungure vawuyawona, wakelemeri wawuyaghenda, awa wiko na sima waawuyaeleshwa, awa wifue madu waawuyasikira, wafu waawuyarukishwa, na wakiwa wachililwa Ilagho Jiboie.

MARKO 12:37

Uo Daudi moni wammbanga Kristo ‘Bwana’; ukaia wada mwana wake sena?” Na jija izungu ibaa werekoghe wikimsikiria kwa kuboilwa.

JOHANE 10:16

Sena nawadie ng'ondi rimu riseko ra iranu iji. Naro reni yanifwana kuriruda, naro richalusikira lwaka lwapo; nao kuchakaia chagha chimweri na mlisha umweri.

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

1 SAMUELI 17:40

Ukawada mzata ghwake, ukasaghua magho masanu ghidendere kufuma modenyi, na kughikumbiria mfukonyi ghwake gholisha, ukawadia kikuza chake, na kumsoghodera uja Mfilisti.

1 SAMUELI 17:43

Uja Mfilisti ukamzera Daudi, “Kwani neeka koshi kunicheagha na mzata?” Nao ukamuewia Daudi kwa milungu yake;