ZEKARIA 10:7 - Biblia Ilagho Jiboie Kwa Wandu Wose

⁷ Wandu wa Israeli wichakaia na ndighi sa masikari; wichakaia na kuboilwa sa wandu wanywa divei. Wana wawo wichakumbuka wusimi ughu na kuboilwa, kwa wundu ghwa agho BWANA ughibonyere.

ZEKARIA 10:7 Խաչաձեւ Հղումներ

KUZOYA 18:19

Hata, nameria kumsaghua uo, upate kuwifundisha wana wake, na wose wa nyumbenyi kwake, kubonya agho ghiko gha loli na gha hachi; nani nipate kumkatishira Abrahamu ilaghano japo.”

KUZOYA 43:34

Vindo verekoghe vikibeghwa na kuwaghilwa kula mundu iwaghio jake kufuma mezenyi kwa Josefu, ela Benjamini ukabeghelwa vipimo visanu kuchumba kula umu wawo. Nawo wikaja, wikanywa, na kuboilwa chiaimweri nao.

ZABURI 102:28

Wana wedu wichadua banana, na kivalwa chawo chichadua banana aisi ya wulindiri ghwako.

ZABURI 104:15

ufunye divei em'bonya uboilo, na mavuda ghem'bonya usisine, na mkate ghomneka ndighi.

ZABURI 13:5

Ela ini naawuyasuwiria lukundo lwako lukatie, na ngolo yapo ichaboilwa andenyi ya kukia kwako.

ZABURI 28:7

BWANA ni ndighi rapo na ngao yapo; nadamrumiria, nao wadanitesia. Ngolo yapo yaboilwa nandighi; nani nichamfunyira chawucha kwa kum'boria lumbo.

ZABURI 33:21

Hee, wadadiboia ngolonyi kodu, kwa kukaia dadajisuwiria irina jake ja wueli.

ZABURI 90:16

Kudiwonyere kazi rako isi wadumiki wako, na kivalwa chedu chiwone wudimi ghwako ghwa wubaa.

ISAYA 25:9

Ngelo iyo, wandu wichaghora, “Olenyi uhu nuo Mlungu odu derekoghe dikimmbeseria upate kudikira. Uhu nuo BWANA derekoghe dikimmbeseria; nesi ndediboilo na kuzuma andenyi ya kukia kwake.”

ISAYA 38:19

Uo uko moyo nuo uchaakukasa oho, ee, uo uko moyo nuo uchaakukasa kara kara na ini idime. Wana wadaghorelwa wuloli ghwako ni weke ndee.

ISAYA 54:13

Nichawifundisha wana wako wose, nawo wichawona nicha na sere.

ISAYA 66:14

Mchawona na ngolo renyu richaboilwa, mchakaia na ndighi na kuwona nicha kara kara na nyasi; na wandu wichamanya kukaia mkonu ghwa BWANA ghokwanye na wadumiki wake, na machu ghake ghibirie ghadakaia aighu ya wamaiza wake.”

JEREMIA 32:39

Nichawineka nia imweri na chia imweri, wipate kuniobua kwa kala na kala kwa mecha ghawo na gha wana wawo wichaanugha nyuma.

EZEKIELI 37:25

Wichakaia isangenyi ijo jerekailoghe ni weke ndee, ijo neremnekieghe mdumiki wapo Jakobo. Wichakaia aho, na wana wawo, na weke wawae kwa kala na kala, na mdumiki wapo Daudi uchakaia m'baa wawo kwa kala na kala.

JOELI 2:23

“Boilonyi inyo wandu wa Sioni, mumzumie BWANA, Mlungu onyu kwa agho um'bonyere. Wamnekie vua ya kwari na ya sumesu, wanyeshere vua sa iji koni orekoghe ukibonya imbiri.

HABAKUKI 3:18

nichaboilwa andenyi ya BWANA, nichaboilwa andenyi ya Mlungu Mkiri wapo.

ZEFANIA 3:14

Borenyi mkeme kwa kuboilwa inyo wandu wa Israeli! Boilonyi na kuzuma kwa ngolo renyu rose inyo wandu wa Jerusalemu!

ZEKARIA 12:8

Ituku ijo, ini BWANA nichawilindia wandu wikaigha Jerusalemu; hata uo uko mnyonge putu aghadi yawo uchakaia na ndighi sa ra Daudi, na wandu wa kivalwa cha Daudi wichalongoza sa malaika wa BWANA, nawo wichakaia sa Mlungu.

ZEKARIA 9:15

BWANA Uwadie-Ndighi-Rose uchawilindia wandu wake, nawo wichawitotesha wamaiza wawo; wichakema wudenyi sa wawongeri, nawo wichawibwagha wamaiza wawo, bagha yawo ichadika sa ya vizongona yadilwa madhabahunyi.

ZEKARIA 9:17

Maza richakaia nicha saki! Wandu wa irika wichakaia na ndighi kwa wundu ghwa viro na divei.

LUKA 1:47

na roho yapo yaboilwa ni Mlungu Mkiri wapo;

JOHANE 16:22

Na inyo idana moko na wasi, ela nichamchea sena, na ngolo renyu richachulwa ni kuboilwa, na kuboilwa konyu mndungi ndedimagha kumsoka anduangi.

MABONYO GHA WADUMI 13:33

wadikatishira isi wana wawo kwa kumrukisha Jesu; seji iandikilo wori kwa Zaburi ya kawi: ‘Oho ko Mwana wapo, nakuva idime.’

MABONYO GHA WADUMI 2:26

Kwa huwu ngolo yapo ikaboilwa, na madedo ghapo ghikachua iseko, nani hata ngera neko na mumbi ghwa wunyonge, nichadua ngikusuwiria.

MABONYO GHA WADUMI 2:39

Angu ilaghiro iji ni jenyu, na ja wana wenyu, na awo wose wiko kula; awo wose Bwana Mlungu uchaawiwanga wiche kwake.”

WAFILIPI 4:4

Boilonyi andenyi ya Bwana matuku ghose; naghamba sena, Boilonyi.

1 PETRO 1:8

Inyo mwamkunde, hata ngera ndemumbonie; nenyo hata ngera ndemuwuemmbona idana, mwamrumiria kwa kuboilwa kubaa kuseghorekagha.

1 SAMUELI 2:1

Na wokoni Hana ukalomba ukighamba, “Ngolo yapo yaboilwa andenyi ya BWANA, nani nachulwa ni ndighi ra BWANA; nawiseka wamaiza wapo, angu niboilwagha ni kukia kwake Mlungu.