ZEKARIA 1:8 - Biblia Ilagho Jiboie Kwa Wandu Wose

⁸ Ngawona malaika wa BWANA ukijoka farasi ya ngundu! Orekoghe wakaia kimusi aghadi ya midi ya mhadasi a ivongonyi na nyuma yake korekoghe na farasi rimu; ra ngundu, ra mshashu na ra chokwa.

ZEKARIA 1:8 Խաչաձեւ Հղումներ

KUZOYA 20:3

Nao Mlungu ukamchea Abimeleki ndodonyi nakio ukamzera, “Ola kuchafwa, kwa kukaia kwawusa muka wa wandu.”

KUZOYA 46:2

Nao Mlungu ukaghora na Israeli kwa mawono nakio ukammbanga, “Jakobo! Jakobo!” Nao ukadika, “Neko aha.”

1 WAZURI 3:5

Nao ahoeni Gibeoni, BWANA ukamfutukia Solomoni ndodonyi nakio; Mlungu ukamzera, “Nilombe icho chose kukunde nikuneke.”

NEHEMIA 8:15

Niko wikaeresha malagho agho mizinyi kwawo kose, na Jerusalemu, “Ghendenyi mighondinyi mrede masawi gha mizeituni na mizeituni ya isakenyi, na mitende na midi iko na malemba, m'bonye viwanda seji iandikilo sharienyi.”

AYUBU 4:13

Aghadi ya ndodo ra nakio, ingelo wandu wawadwa ni dilo nyingi,

LUMBO 2:16

Mkundwa ni wapo, na ini ne wake; wadalisha iranu jake aghadi ya mboi.

LUMBO 6:2

Mkundwa wapo waasea cha mbuwenyi kwake, andu midi ya vilungo iwalo. Waawuyalisha mfugho rake ambuwenyi, na kuwaya mboi ra lili.

ISAYA 41:19

Nichabonya misida na mgholeka, na mhadasi, na mzeituni ibuke kireti; kuchakaia na msumbesu, na m'beroshi, na m'bunduki kireti.

ISAYA 55:13

Wulalo ghwa minjwa kuchabuka msumbesu, na wulalo ghwa mndandangoma kuchabuka mhadasi. Ilagho iji jichakaia lukumbuso kwapo ini BWANA, na alama ya kala na kala isechaainjika jingi.”

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

DANIELI 2:19

Nao kio icho cheni, Mlungu ukamfunukuya Danieli ngasu ya ija ndodo. Danieli ukamkasa Mlungu wa mlungunyi ukaghamba:

DANIELI 7:13

Na kwa agho mawono gha nakio, nerewonieghe umu ufwanane na mwana wa mdamu ukicha andenyi ya mawingu gha mlungunyi; ukamchea Uo wa Matuku Mengi, ukakaia kimusi imbiri kwake.

DANIELI 7:2

Danieli ukaghamba, “Nerewonieghe mawono ghapo nakio, ngawona mbeo ikiweta mbembe rose inya aighu ya bahari mbaa.

ZEKARIA 1:10

BWANA ooriduma rilawuo ndoenyi.”

ZEKARIA 1:11

Nao iro farasi rikamzera uja malaika, “Damara-mara wurumwengunyi kose dikawona ghooka kima ghusewadie wutesia ghungi.”

ZEKARIA 1:7

Ituku ja mirongo iwi na inya ja mori ghwa ikumi na imweri ghuwangwagha Shebati, mwaka ghwa kawi ghwa kubonya nguma kwa Mzuri Dario, BWANA oreghorieghe na ini mlodi Zekaria kwa mawono nakio.

ZEKARIA 13:7

BWANA Uwadie-Ndighi-Rose waghamba, “Wuka ee lufu kulo na mlisha uo unidumikiagha; bwagha mlisha, na ng'ondi richasaghisika. Ini nichalwa na wandu wapo;

MITALO 12:6

Nao BWANA ukaghamba, “Sikirenyi malagho ghapo; Ikakaia oko mlodi ungi aghadi konyu, ini BWANA nadakumanyisha kwake kwa chia ya mawono, nadadedanya nao kwa ndodo.

JOSHUA 5:13

Nao iji Joshua wavika kaavui na Jeriko, ukawona mndumu uko na lufu imbiri kwake. Ukamghendia na kumkotia, “Welee, oho koko luwaru lodu angu luwaru lwa wamaiza wedu?”

WUFUNUO 2:1

“Uo malaika wa ikanisa ja Efeso kumuandikie huwu: ‘Agha ni malagho gha uo uwadiagha nyerinyeri mfungade kwa mkonu ghwake ghwa kiwomi, uselagha aghadi ya vinara va taa va dhahabu mfungade.

WUFUNUO 6:2

Ngawona farasi ya chokwa; na uo oreijokieghe orekoghe na ndana. Nao ukanekwa kirumbu, ukafuma uko msimi upate kusima.

WUFUNUO 6:4

Na farasi zima ikafuma ya mkundu tini, na uo oreijokieghe, orenekeloghe rusa einja sere ndoenyi, wandu wipate kubwaghana weni na weni; nao orenekeloghe lufu lubaa.