ZEFANIA 3:5 - Biblia Ilagho Jiboie Kwa Wandu Wose

⁵ Ela BWANA ni mhachi andenyi ya ugho muzi, ndebonyagha makosa; wadawonyera hachi yake kwa wandu wake nakesho hata nakenyi. Ela wandu wiseko na hachi wadachuria kubonya makosa hata ndewifwagha waya anduangi.

ZEFANIA 3:5 Խաչաձեւ Հղումներ

KUZOYA 18:25

Ai! BWANA wapo kusebonye ilagho iji jebwagha wahachi chiaimweri na wawiwi, hata mhachi usakefwananishwa na mmbiwi; ilagho ijo jisebonyeke kwako. Welee, ndeifwane Mtanyi wa wurumwengu ghose kubonya agho ghiko gha hachi anguwada?”

AYUBU 34:10

“Kwa huwo nisikirienyi inyo wandu mtambukilwagha. Ndeidimikagha putu Mlungu kubonya mawiwi; Uo-Uwadie-Ndighi-Rose ndedimagha kubonya makosa.

AYUBU 7:18

Kwadamzighana kula nakesho, na kumtima kula ngelo.

AYUBU 8:3

Welee, Mlungu wadalaghasha loli? Angu Uo-Uwadie-Ndighi-Rose wadalaghasha hachi?

ZABURI 145:17

BWANA ni mhachi kwa ghose ubonyagha, nao ni wa wughoma kwa mabonyo ghake ghose.

ZABURI 37:6

Uchaibonya hachi yako iwoneke sa mwengere, na loli yako ichawoneka sa mwengere ghwa dime ghadi.

ZABURI 92:15

Huwo ni kuwonyera kukaia BWANA ni mhachi, hata ndekuwadie kiwiwi chingi andenyi ya mlindiri wapo anduangi.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

ISAYA 28:19

Kula ngelo jichaakaia jikiida, jichamsima; angu jichaida kula nakesho, nadime hata nakio; nenyo mchalemwa ni kumanya shekeria yaro ijo ikabo jeobosha kumchea.

ISAYA 33:2

Kudifue wughoma ee BWANA, isi dikusuwiriagha oho kukaie mlindiri odu kula nakesho; kukaie kukia kodu ngelo ya wasi.

ISAYA 45:21

Choonyi mghore mashitakio ghenyu worinyi, wipate kughibonyera njama chiaimweri. Nani oreghighorieghe agha konkala uko, nani oreghifunukueghe kokala, Welee, si ini moni BWANA? Hata ndekuwadie mlungu ungi mzima kuchumba ini, Mlungu wa hachi na Mkiri, ndekuwadie ungi kunichumba Ini putu.

ISAYA 50:4

Bwana MLUNGU waninekie kudeda malagho gha awo wifundishiro, nipate agho malagho ghemtesia mundu usirilo. Wadaniwusira kula nakesho na kunibonya nisikire malagho gha awo wandu wifundishiro.

JEREMIA 21:12

Ee kivalwa cha Daudi! ‘Bonyenyi hachi kula nakesho, mmbunje kilambo cha uo usokelo kufuma kwa uo mkorongi; machu ghapo ghisecheaka sa modo, na kumkora hata usepatike ungi oghurimisha, kwa wundu ghwa agho mawiwi ghenyu.’

JEREMIA 3:3

Kwa huwo mishushure ya vua yamerie kughirilwa na vua ya kwari kusoweka. Sena kwadazighana sa ilaya, hata ndekune waya.

JEREMIA 6:15

Welee, werewonieghe waya ingelo werebonyereghe wuwiwi ghwawo? Hata kutini; ndewerewonieghe waya hata kufwa waya anduangi. Kwa huwo wichaghwa aghadi ya awo wimerie kughwa, ingelo nichaakaia ngiwineka adhabu, nawo wichakumbwa noko,” waghamba BWANA.

JEREMIA 8:12

Welee, werewonieghe waya iji werebonyereghe ugho wuwiwi? Ndewerewonieghe waya hata kutini hata ndewiichi kufwa waya. Kwa wundu ugho wichaghwa aghadi ya awo wighue, Na ngelo nichaawikaba wichaghwa putu.

KILILO CHA JEREMIA 3:23

Ni mmbishi kula ituku, wuloli ghwake ni m'baa.

EZEKIELI 18:25

“Elaima sena mwaawuyaghamba ‘BWANA ndewuebonya hachi kungi.’ Sikirenyi idana inyo wandu wa Israeli, Loli siwuebonya hachi? Welee, si inyo mmbeni msewuebonya hachi anguwada?

EZEKIELI 48:35

Kipimo cheghumara muzi ghose chia rose inya ni meta elfu ikenda, na irina ja ugho muzi kufuma ngelo iyo, ni BWANA-Oko-Aha.”

HOSEA 14:9

Awo wiko na hikima ndewitambukilo ni agho ghiandikilo na aha, wighingire ngolonyi. Chia ra BWANA ni ra loli, na wandu wa hachi wichadua kwa kurinugha iro; wakaung'a wichakuwa na kughwa kwa kulegharinugha.

HOSEA 6:5

Iyo niyo sababu nidumie walodi konyu na ilagho jetanya na kutotesha. Agho nighikundagha gheko worinyi konyu.

MIKA 3:11

Wabaa wa muzi wiatanya kwa kuhongwa; wakohani waro wiafundisha sharia kwa malipo; walodi waro wiafunya mawono wipate pesa; na ichia wiaghamba wei BWANA oko chiaimweri nawo wikighamba, “Ndediwonagha ilagho jingi, BWANA oko andwamweri nesi.”

MIKA 7:9

Kwa kukaia nim'bonyere BWANA kaung'a nichaghirumaghia machu gha kubia kwake, hata unidederie na kunitanya. Uchanireda mwengerenyi, nani nichakuwona kukia kwake.

HABAKUKI 1:3

Kwaki kunibonyagha niwoneghe makosa, na wasi? Naamarwa ni kunoneka na makorongo. Wuda na marashano ghachua kula andu.

ZEFANIA 2:1

Inyo mbari isewadie waya, kwanyikenyi mmbose m'bonye ikwanyiko

ZEFANIA 3:13

Wandu wose wa Israeli wichaasigharika ndewichaam'bonyera mndungi makosa, hata kughora tee, angu kukalia. Wichakaia nicha, wiko na wulindiri ghukate, hata ndewichaamuobua mndungi anduangi.”

ZEFANIA 3:15

BWANA wamerie kuinja ikabo jenyu, wamerie kuwiwinga wamaiza wenyu wose; BWANA, uo mzuri wa Israeli oko andwamweri nenyo, ndemuwuyaaobua mawiwi ghangi sena anduangi.

ZEFANIA 3:17

BWANA, uo Mlungu wako oko andwamweri na oho; kudima kwake kuchakuredia wusimi. BWANA uchaboilwa ni oho, nao uchakuneka irangi iwishi kwa lukundo lwake. Uchaboilwa na kuzuma aighu yako kwa kubora,

ZEKARIA 2:5

Kwa kukaia ini nichakaia wurigha ghwa modo mbai-mbai ya muzi, nani nichakaia wubaa ghwaro!”

ZEKARIA 9:9

Zumenyi ee wandu wa Sioni! Kemenyi kwa kuboilwa inyo wandu wa Jerusalemu! Wonenyi mzuri onyu uamchea! Oko na wusimi m'baa; ela ni mmboa nao wajoka aighu ya punda; punda mtini, mwana wa punda.

LUKA 12:2

Angu ndekuwadie kindo chingi chifinikiro, chisechaawoneka worinyi, hata ilagho jingi jivisiro jisechaamanyika anduangi.

WAROMA 2:5

Ela kwa kukulwa ni ngolo kwako, kusene wundu ghohea, kwaawuyakuwikia kumoni machu Ituku ja Kutanywa; iji kutanya kwa hachi kwa Mlungu kuchaafunukulwa.

WAROMA 3:26

Erekoghe huwo, eri kwa ngelo iri uwonyere angu uo moni ni mhachi, nao wadam'bonya mundu kutalwa kukaia na hachi uo ose urumiriagha kwa Jesu.

1 WAKORINTHO 4:5

Kwa huwo msaketanya imbiri ya ngelo, Bwana usechee; uo uchaariwika mwengerenyi maza rivisiro kirenyi idana, nao uchaifunukua mipango ya ngolo ra wandu. Niko kula mundu uchapata kukaswa kwake kufuma kwa Mlungu.

WUKUMBUSO 23:14

Kwa kukaia BWANA Mlungu wako wadasela aghadi ya kambi yako, kukukira na kukubonya kuwisime wamaiza wako, suti kambi yako ikaie ielie; usechewona kindo chingi chiseboie aghadi yako, na kukusigha.

WUKUMBUSO 32:4

“BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.

1 PETRO 1:17

Na ikakaia mumlombagha Mlungu sa Aba, uo uwitanyagha wandu kula umu karakara na mabonyo ghake kuseko kutala mndungi, tumienyi ngelo yenyu isigharikie ekaia aha wughenyinyi kwa kumuobua.