ZEFANIA 1:18 - Biblia Ilagho Jiboie Kwa Wandu Wose

¹⁸ Ituku ijo, BWANA uchawonyera lubio lwake; feza na dhahabu rawo nderichaadima kuwikira. Ndoenyi kose kuchamerelwa ni modo ghwa machu ghake. Uchameria kula kilambo ghafla; uchameria kula umu ukaiagha ndoenyi.

ZEFANIA 1:18 Խաչաձեւ Հղումներ

KUZOYA 6:7

Kwa huwu ukaghamba, “Nichamuinja na mbai uhu mdamu neremuumbieghe, usoweke ndoenyi andwamweri na nyamandu, na iro riavuagha andoenyi, na nyonyi ra mbeonyi; angu nasirimika na ndighi kwa kukaia nerevibonyereghe.”

1 WAZURI 14:22

Wandu wa Juda wikabonya mawiwi imbiri ya BWANA. Wikam'bonya uwado ni iriso na kujokwa ni machu kwa wundu ghwa kaung'a rawo wereribonyereghe kuchumba ra weke ndee.

AYUBU 21:30

Kukaia, mundu mmbiwi nuo ukirwagha ngelo ya ndengwa, na kukaia ingelo Mlungu wakakaba wandu kwa machu ghake, nuo usighwaghwa?

AYUBU 3:15

Ngilala sa wabaa awo wererichurieghe nyumba rawo kwa dhahabu na feza.

ZABURI 78:58

Weremvavirieghe ngolo kwa kubonya andu kwawo kotasa milimu; wikammbwasira iriso kwa kutasa fwana rawo riwachiro.

ZABURI 79:5

Kudibonyera machu hata lii ee BWANA? Kuadibonyera machu kwa kala na kala? Kuawadwa ni iriso hata kujoko ni machu ghiakagha sa modo?

MAKATANISHO 11:4

Mali nderine fwaida ngelo ekabwa ni Mlungu, ela hachi yakiragha mundu na kifwa.

MAKATANISHO 18:11

Mzuri wa mali wadaririkanya wei mali rake richamlindia, sa wurigha ghwa muzi ghuko ighu.

ISAYA 1:24

Kwa huwo BWANA, uo BWANA wa majeshi, Uo-Uwadie-Ndighi wa Israeli waghamba: “Aa! Nichawonyera machu ghapo aighu yenyu inyo wamaiza wapo, na kulipa kisasi aighu yenyu inyo watangali wapo.

ISAYA 10:17

Mlungu, uo uko mwengere ghwa Israeli, uchawuya modo, Uo Mweli uchawuya modo, na kumeria minjwa na mindandangoma kwa ituku jimweri.

ISAYA 10:3

Da mchabonya wada ngelo BWANA uchaamkaba? M'bonya wada ngelo uchaamredia mawiwi kufuma kula? Mumkimbiria ani umneke wutesia, na ni hao mchaasigha mali renyu?

JEREMIA 7:20

Ola machu ghapo na lubio lwapo luchakaia aighu ya Hekalu ihi, aighu ya mundu na nyamandu, aighu ya midi ya mbuwenyi na aighu ya mavalo ghose gha isanga. Machu ghapo ghichaaka sa modo ghuserimikagha.”

JEREMIA 7:34

Ndekuchaakaia na mndungi andenyi ya mizi ya Juda na hata chienyi ra Jerusalemu; ndekuchaakaia na kuseka kungi aho, hata kuboilwa kungi; lwaka lwa bwana arusi angu lwa bibi arusi ndeluchaasikirika aho, kwa kukaia aho kuchawuya sa kireti.

JEREMIA 9:11

BWANA waghamba, “Nichaibonya Jerusalemu iwuye kitungasi, ichawuya wulalo ghwa mizozo; na mizi ya Juda ikaie miduu, isekailwagha ni wandu.”

EZEKIELI 16:38

Nichakutanya kara kara na awo waka wilakagha wiko wilowolo, na kubwagha; kwa wundu ghowadwa ni iriso na kujokwa ni machu ghibirie, nichakutanya kubwagho.

EZEKIELI 23:25

Nani nichawonyera machu ghapo aighu yako, wipate kukukaba kwa kubia. Wichakudumbua mbua na madu ghako; na wandu wako wichaasigharika wichabwaghwa kwa lufu. Wichawada wana wako wa womi na wa waka, na awo wisigharikie, wichamerelwa na modo;

EZEKIELI 7:11

Lung'eto lwachurikia lukawuya ikabo ja wuwiwi, hata ungi wawo ndechaasigharika, hata wungi ghwa wandu wawo, na mali rawo, hata kilambo chingi chiboie kuchumba aghadi kwawo.

EZEKIELI 7:19

Wakumba feza rawo achienyi na dhahabu rawo rakaia sa kilambo cha wuchafu. Feza na dhahabu rawo nderidimagha kuwikira ngelo ya machu ghapo, nderiwirediagha kukatwa hata nderighudishagha vifu vawo anduangi; angu rawurie makuwisho kwa wundu ghwa mawiwi ghawo.

EZEKIELI 7:5

Bwana MLUNGU waghamba huwu, “Wona wasi aighu ya wasi ghwaawuyacha.

ZEFANIA 1:11

Lilenyi inyo wandu mkaiagha Mota, kwa kukaia wandu wose wa biashara wikaiagha aho wikipima feza wameria kubwaghwa.

ZEFANIA 1:15

Ituku ijo jichakaia ja machu mabaa; ituku ja wasi na kuwawa, ituku ja kunoneka, ituku ja kira na kiture, ituku ja mawingu na kira kibaa;

ZEFANIA 2:2

imbiri mseinjiro sa mafozi ghadukwa ni mbeo, imbiri msechelo ni machu ghibirie gha BWANA, imbiri ijo ituku ja lubio jisechee aighu yenyu.

ZEFANIA 3:8

“Kwa huwo weseria ituku niwukagha kushitakia iro mbari ra wandu. Nakatire shauri ekwanya iro mbari na mawuzuri niriwonyere ndighi ya machu ghapo. Ndoenyi kose kuchatoteshwa ni modo ghwa lubio lwapo.

MATHAYO 16:26

ela uo ujilaghashagha irangi jake kwa wundu ghwapo uchajipata sena. Ichamfwana mundu kii ukaghupata wurumwengu ghose na kujilaghasha irangi jake? Angu uchafunya kii kuindana na irangi jake?

1 WAKORINTHO 10:22

Wele diam'bonya Bwana uwado ni iriso? Kwani deko nandighi kumchumba?

WUKUMBUSO 31:17

Ituku ijo, nichajokwa ni machu aighu yawo, nani nichawisigha na kughaluka noko nisewiwone; nawo wichatoteshwa. Ngelo iyo, wichapatwa ni mawiwi mengi na kusumbuka, hata wivikie kumanya kukaia waapatwa ni agha mawiwi angu ini Mlungu wawo sikwanye nawo.