ZEFANIA 1:10 - Biblia Ilagho Jiboie Kwa Wandu Wose

¹⁰ “Ituku ijo mchasikira kililo kibaa Mbenge ya Samaki, andenyi ya Jerusalemu. Mchasikira kililo kufuma muzi mmbishi ghwa kaavui, na lwaka lwa kilambo chibarikagha mighondinyi.

ZEFANIA 1:10 Խաչաձեւ Հղումներ

2 SAMUELI 5:7

Ela sena Daudi ukaiwada ngome ya Sioni, nagho nigho ghocheewangwa muzi ghwa Daudi.

2 SAMUELI 5:9

Nyuma ya Daudi kuwada ugho muzi, ukaghuwanga “Muzi ghwa Daudi.” Niko Daudi ukaagha ugho muzi chia rose kufuma Milo hata kondenyi.

2 WAZURI 22:14

Niko Mkohani M'baa Hilkia, na Ahikamu, na Akbori, na Shafani na Asaia, wikaghenda kwa mlodi wa waka Hulda mka wa Shalumu mwana wa Tikva, wawae Harhasi mlindiri wa kabati ya nguwo, (orekoghe ukikaia Jerusalemu, mtaa ghwa kawi); wikaja malagho nao.

2 MALAGHO GHA NGELO 3:1

Nao Solomoni ukazoya kuagha Hekalu ya BWANA aho Jerusalemu aighu ya mghondi ghwa Moria, andu BWANA oremfutukieghe ndee Daudi; aighu ya lwalwa lochania lwa Ornani, Mjebusi, andu Daudi orekuboisireghe kukaie koaghia.

2 MALAGHO GHA NGELO 32:22

Kwa huwo BWANA ukamkira Mzuri Hezekia chiaimweri na wandu wikaiagha Jerusalemu na ndighi ra Senakeribu mzuri wa Ashuru, sena ukamkira na ndighi ra wamaiza wake wose; ukawineka sere kula andu.

2 MALAGHO GHA NGELO 33:14

Nyuma ya agho, Manase ukaagha wurigha ghwa cha shighadi ghwa muzi ghwa Daudi, magharibi ya Gihoni, andenyi vololonyi hata kuvika Mbenge ya Samaki na kughaluka hata Ofeli, ukaghuagha ighu nandighi. Wokoni ukawika vilongozi va ijeshi mizinyi ya ngome andenyi Juda kose.

2 MALAGHO GHA NGELO 34:22

Niko Hilkia na wambao weredumiloghe ni mzuri, wikaghenda kwa mlodi wa waka Hulda, muka wa Shalumu mwana wa Tohathi wawae Hasra uo orekoghe ukilindia marwao gha Hekalunyi. (Nao orekoghe ukikaia Jerusalemu Mtaa ghwa Kawi;) wikamja agho malagho.

NEHEMIA 12:39

na kufuma aho, dikaida Mbenge ya Efraimu, na Mbenge ya Kala, na Mbenge ya Samaki, na Mnara ghwa Hananeli na Mnara ghwa Ighana hata Mbenge ya Ng'ondi; nawo wikacha na kukaia kimusi aho Mbenge ingiagha Hekalunyi,

NEHEMIA 3:3

Kivalwa cha Hasenaa wereaghieghe Mbenge ya Samaki; wikabonya ighombo jaro; wikangira minyango ya mbenge na vuma varo verugha.

ISAYA 59:11

Diaruma karakara na kibarabara, dialila na kusirimika kwa wasi sa mbughi; dailola hachi dikaisowa, na kukia kukakaia kula nesi.

JEREMIA 39:2

Ituku ja ikenda ja mori ghwa kana, mwaka ghwa ikumi na imweri ghwa kubonya nguma kwa Zedekia, wurigha ghwa muzi ghorechikanyiroghe.

JEREMIA 4:31

Kwa kukaia namerie kusikira kililo, sa cha muka ukumbagha lufu; luwawo sa lwa muka uvagha mwana wake wa imbiri; Ni lwaka lwa Jerusalemu, ukumbagha miruke na kukumba mikonu yake nokoighu ukighamba, “Ni bugha kwapo, naawuyadumbuka imbiri ya wabwaghi.”

EZEKIELI 6:13

Nenyo mchamanya angu ini ne BWANA, ingelo awo wandu wawo wibwaghilo walala aghadi ya milimu yawo wamara madhabahu rawo chia rose, kula mghondi mtini ghuko ighu, na aighu ya mido ya mighondi mibaa yose, na aisi ya kula mudi ghudeghedekie, na aisi ya kula mualoni ghukambie malemba, andu kose werekoriagha milimu yawo yose vizongona vinukie nicha.

AMOSI 8:3

Ituku jija chumbo ra ngomenyi richawuya kililo; gharia ra wandu richakaia nyingi, naro richadeghwa cha shighadi kima kula andu.”

ZEFANIA 1:15

Ituku ijo jichakaia ja machu mabaa; ituku ja wasi na kuwawa, ituku ja kunoneka, ituku ja kira na kiture, ituku ja mawingu na kira kibaa;

ZEFANIA 1:7

Ituku ja BWANA jetanya jameria kuvika. Kwa huwo nyamenyi kima. BWANA waboisire kizongona, na kuwiwika waghenyi wake tayari.