WUKUMBUSO 9:5 - Biblia Ilagho Jiboie Kwa Wandu Wose

⁵ Si kwa wundu ghwa hachi enyu, angu wucha ghwa ngolo renyu mwawuyaghenda kujiwusa isanga jawo anduangi, ela ni kwa wundu ghwa wuwiwi ghwa mbari iri, niko BWANA Mlungu onyu wawuyariwinga noko imbiri konyu upate kukatisha ilagho ijo orewighemieghe weke ndeyo Abrahamu, Isaaka na Jakobo.

WUKUMBUSO 9:5 Խաչաձեւ Հղումներ

KUZOYA 12:7

BWANA ukamchea Abramu ukamzera, “Kivalwa chako nichachineka iji isanga.” Abramu ukamuaghia BWANA madhabahu uo oremfutukieghe.

KUZOYA 13:15

angu isanga iji jose kujiwonagha, nichakuneka oho na kivalwa chako kwa kala na kala.

KUZOYA 15:16

Kivalwa chako cha kana chichawuya aha, angu wuwiwi ghwa Waamori ndeghukate ghokabwa anduangi.”

KUZOYA 15:7

Nao BWANA ukamzera, “Ini ne BWANA uo ukuredie kufuma muzi ghwa Uri ya Wakalidayo eri nikuneke isanga iji jikaie jako.”

KUZOYA 17:8

Nani nichakuneka oho na kivalwa chako chose isanga iji kwawuyajikaia sa mghenyi, isanga jose ja Kanaani, jipate kuwuya jawo kwa kala na kala, na ini nichakaia Mlungu wawo.”

KUZOYA 19:29

Iji Mlungu orekoghe ukiitotesha ija mizi erekoghe vololonyi, oremkumbukieghe Abrahamu, nao ukamkira Loti uo orekoghe ukikaia aho, usetotanye na awo weretotesheroghe.

KUZOYA 26:4

Nichachichuria kivalwa chako sa nyerinyeri ra mlungunyi, nani nichachineka kivalwa chako masanga agha ghose. Na kwa kivalwa chako, mbari rose ra ndoenyi richanilomba irasimio;

KUZOYA 28:13

Na BWANA ukakaia kimusi naighu yaro ukaghamba, “Ini ne BWANA, Mlungu wa ndeyo Abrahamu, na Mlungu wa Isaaka. Nichakuneka oho na kivalwa chako isanga iji kwawuyalala idana;

KUFUMA 32:13

Kumbuka wadumiki wako Abrahamu, Isaaka, na Jakobo; awo korewighemieghe kumoni kukighamba, ‘Nichachichuria kivalwa chako sa nyerinyeri ra mlungunyi, na iji isanga jose nerekulaghirieghe, nichajineka kivalwa chako, nawo wichakaia aho kwa kala.’”

EZEKIELI 20:14

Ela kwa wundu ghwa irina japo, serebonyereghe huwo, eri jisechesholelwa na kulushwa mesonyi kwa iro mbari ra wandu werekaieghe aghadi kwawo; iro ini nerekumanyishireghe nimoni kwa kuwifunya wandu wa Israeli isanga ja Misri.

EZEKIELI 36:22

“Kwa huwo kuwizere wandu wa Israeli kukaia ini Bwana MLUNGU siwuebonya maza iro kwa wundu ghonyu, ela ni kwa wundu ghwa irina japo ja wueli, ijo mujilushire aghadi ya iro mbari ra wandu morerighendieghe.

EZEKIELI 36:32

Nakunde mmanye angu siwuebonya huwo kwa wundu ghonyu ini Bwana MLUNGU naghamba. Fonyi waya mkambo ni chongo kwa wandu ghwa mighendo enyu, ee wandu wa Israeli.”

WALAWI 18:24

“Jingi msekulushe mmbeni kwa maza iri, angu iro mbari nawuyariwinga imbiri konyu wadakulusha kwa kuribonya;

WALAWI 18:25

hata isanga jikalua, nani ngajikaba kwa wundu ghwa ugho wuwiwi ghawo, na isanga jikawuya seji jialegha wandu waro.

MIKA 7:20

Kuchawonyera wuloli na lukundo lwako lukatie kwa wandu wako, icho kivalwa cha Abrahamu na Jakobo sa iji korelaghirieghe kwa weke aba kufuma kala.

MABONYO GHA WADUMI 3:25

Inyo mo wana wa walodi, na wa ijo ilaghano Mlungu orewinekieghe weke ndeyo ukimzera Abrahamu, ‘Kwa kivalwa chako, wandu wose wurumwengunyi wicharasimilwa.’

WAROMA 11:28

Kunughana na Ilagho Jiboie, Wayahudi wakaia wamaiza wa Mlungu, kwa wundu ghonyu inyo wandu wa mbari zima; ela kunughana na kusaghulwa, awo wakaia wakundwa kwa wundu ghwa weke wawa wawo.

WAROMA 15:8

Angu namzera inyo, Kristo orewurieghe mdumiki wa awo wishamishiro, upate kuwonyera wuloli ghwa Mlungu, na kughimangisha agho malaghiro gherenekeloghe weke wawa;

WUKUMBUSO 1:8

Iji nijo isanga jose ini BWANA nerewilaghirieghe weke ndeyo Abrahamu, Isaaka, na Jakobo na kivalwa chawo kukaia nichawineka; ghendenyi mujiwade.’”

WUKUMBUSO 12:31

Msebonye huwo kwa BWANA Mlungu onyu; kwa kukaia iro maza rose rimzamiagha BWANA Mlungu wako, niro reni wiribonyeragha milungu yawo; hata wadaifunyira wana wawo wa womi na wa waka kizongona kwa kuwikora modonyi.

WUKUMBUSO 18:12

Kwa kukaia uo ubonyagha maza iri, wadamzamia BWANA; na kwa wundu gha mizango ihi izamie, niko BWANA Mlungu onyu wawuyawiwinga awo wandu imbiri enyu.

WUKUMBUSO 18:9

“Iji mwangia isangenyi ijo BWANA Mlungu onyu umnekagha, msenughe mizango izamie ya iro mbari.

WUKUMBUSO 20:18

eri wisechemfundisha mizango yawo izamie iyo wiibonyagha wikitasa milungu yawo mchem'bonyera BWANA Mlungu onyu kaung'a.

TITO 3:5

oredikirieghe; si kwa wundu ghwa mabonyo ghangi gha hachi dibonyere anduangi, ela ni kwa wundu ghwa wughoma ghwake moni kwa chia ya kuoghosha kwa kuvalwa wuwishi, na kubonywa wawishi ni Roho Mweli;