WUKUMBUSO 9:18 - Biblia Ilagho Jiboie Kwa Wandu Wose

¹⁸ Niko ngaghwa kijimijimi sena imbiri ya BWANA sa imbiri matuku mirongo ina kio na dime. Serejieghe vindo hata kunywa machi kwa wundu ghwa iyo kaung'a yose ebonya ugho wuwiwi imbiri ya BWANA, hata mkamshekeria ujoko ni machu.

WUKUMBUSO 9:18 Խաչաձեւ Հղումներ

2 SAMUELI 12:16

Daudi ukakaia ukimvoya Mlungu kwa wundu ghwa uja mwana; ukangia chumbenyi, ukakaia ukilala andonyi na kufunga tumu kula kio.

1 WAZURI 19:8

Elija ukawuka ukaja na kunywa; ukaghenda kwa ndighi ra ivo vindo matuku mirongo ina kio na dime, hata ukavika Mghondi ghwa Mlungu ghwa Sinai.

EZRA 10:6

Nao Ezra ukawuka imbiri ya Hekalu ukaghenda chumbenyi kwa Jehohanani mwana wa Eliashibu, ukalala aho ukililia kuja kusowa wuloli kwa wandu wifumie wubarishonyi. Nderejieghe hata kunywa kindo chingi anduangi.

ZABURI 106:23

Mlungu ughamba uawitotesha wandu wake, Musa uo mdumiki wake usaghulo ukamkania; ukahoresha machu ghake usewitoteshe.

KUFUMA 34:28

Musa ukakaianya na BWANA aho matuku mirongo ina kio na dime, usejie hata kunywa kindo chingi. Ukaandika ijo ilaghano aighu ya vija vishawalata va magho, iyo memu ikumi.

KUFUMA 34:9

Nao ukaghamba, “Ikakaia loli kuboilwagha ni ini ee BWANA, nakulomba kughendanye andwamweri nesi; awa ni wandu wighilikie loli, ela kudileke mawiwi ghedu na kaung'a edu; kurumirie kudiwusa dikaie wandu wako weni.”

WUKUMBUSO 10:10

“Nerekoghe mghondinyi matuku mirongo ina kio na dime sa imbiri, na ngelo ija BWANA ukanisikira wokoni; ndeerekoghe nia yake kumtotesha anduangi.

WUKUMBUSO 9:17

Kwa wundu ugho ngavipotua vija vishawalata va magho viwi, vikabarika imbiri konyu.

WUKUMBUSO 9:25

“Kwa wundu ugho ngaghwa kijimijimi imbiri ya BWANA matuku mirongo ina kio na dime, angu BWANA Mlungu orekundeghe kumtotesha.

WUKUMBUSO 9:9

Nani iji nerejokieghe mghondinyi kuwusa vishawalata va magho, ivo va ilaghano BWANA orejibonyereghe nenyo, nerekaieghe aighu ya mghondi matuku mirongo ina kio na dime; serejieghe vindo, hata kunywa machi ghangi.