WUKUMBUSO 9:12 - Biblia Ilagho Jiboie Kwa Wandu Wose

¹² “Niko BWANA ukanizera, ‘Wuka kusee mghondinyi shwa-shwa, angu wandu wako awo kuwiredie kufuma Misri wakunona weni kwa kughaluka shwa-shwa na kuisigha iyo chia nerewilaghirieghe; nawo wakubonyera weni mlimu ghuchanilo.’

WUKUMBUSO 9:12 Խաչաձեւ Հղումներ

ZABURI 78:57

Ela wereghalukieghe noko, wikabonya mikalo sa weke ndee; wikasowa wuloli sa ndana ikomekie.

KUFUMA 13:3

Musa ukawizera wandu, “Mjikumbuke ituku iji, ijo morefumieghe Misri, andu morekoghe wuzumbenyi. Kwa kukaia BWANA oremfunyireghe aho kwa ndighi rake mbaa. Msakeja mikate iko na chachu.

KUFUMA 32:1

Nao iji wandu werewonieghe angu Musa wamuka luma aho mghondinyi, wikakwanyika chiaimweri kwa Haruni wikamzera, “Isi ndedimanyagha malagho ghimpatire uo mundu Musa udijosere kufuma isanga ja Misri. Kwa huwu wuka kudibonyere milungu edighenja.”

HOSEA 6:4

Ela BWANA waghamba, “Nikubonya wada ee Israeli? Nikubonya wada ee Juda? Lukundo lwako kwapo lwadasia shwa-shwa sa ikungughu ja luma lwa nakesho; loofwanana na mami ghiomagha kokio.

WAGALATIA 1:6

Nashinika angu mwaghaluka shwa-shwa, na kumsigha uo oremmbangieghe andenyi ya mvono ghwa Kristo, na kujighalukia ilagho jiboie izima.

WUKUMBUSO 31:29

Angu namanya loli nyuma ya kufwa kwapo, mchazama na kuisigha nambai iyo chia neremlaghirieghe; na kwa matuku ghichagha mchapatwa ni mawiwi, angu mchabonya kiwiwi imbiri ya BWANA, na kwa kazi renyu, mcham'bonya ujoko ni machu.”

WUKUMBUSO 32:5

Ela inyo mo wandu mseko waloli, msefwane kuwangwa wandu wake; mbari ya kaung'a ichue mikalo.

WUKUMBUSO 4:16

mkumanye, msakebonya wuwiwi kwa kukuwachira fwana ya kindo chingi chiwonekagha chifwanane na mndwawomi angu muka;

WUKUMBUSO 5:15

Kumbuka angu korekoghe mzumba andenyi ya isanga ja Misri, na ini BWANA Mlungu wako ngakufunya aho kwa ndighi rapo mbaa na kudima; kwa huwo niko ini BWANA Mlungu wako nawuyakulaghira kujiwadie ituku ja Sabato.

WUKUMBUSO 9:16

Nao iji nazighana, ngawona kukaia mwameria kum'bonyera BWANA Mlungu onyu kaung'a kwa kukuchania mmbeni mlimu ghwa ngache na kusigha shwa iyo chia BWANA orekoghe wamlaghira.

WUKUMBUSO 9:26

Ngamlomba BWANA, ‘Ee Bwana MLUNGU, kusakewitotesha wandu wako, ifwa jako; awo korewikombueghe kwa ndighi rako mbaa na kudima, kukawifunya Misri.

WUKUMBUSO 9:29

Angu awo ni ifwa jako; awo korewifunyireghe kwa ndighi rako mbaa na kwa wusimi ghwako m'baa.’

JUDA 1:10

Ela awa wandu wadashola kwa ijo jose jisewitambukiagha, nawo kwa maza ireni wiriichi kwa tabia ya asili, sa nyamandu risewadie akili, wakunona weni.

WATANYI 2:17

Ela Waisraeli ndewerewisikireghe watanyi wawo, hata ndewerekoghe waloli kwa BWANA, nawo wikatasa milungu mizima; shwa wori wikaghaluka na mbai kwa kuisigha ija chia erenughwagha ni weke ndee, awo weresikireghe malaghiro gha BWANA na kughibonya.