WUKUMBUSO 9:1 - Biblia Ilagho Jiboie Kwa Wandu Wose

¹ “Sikirenyi inyo wandu wa Israeli, mcharuwuka Jordani idime, mngie na kuwusa mizi ya iro mbari riko mbaa, sena riwadie ndighi kumchumba. Mizi yawo ni mibaa, iko na mawurigha ghivikagha hata mawingunyi.

WUKUMBUSO 9:1 Խաչաձեւ Հղումներ

KUZOYA 11:4

Nao wikaghamba, “Idana ndedikuaghie muzi na mnara, na wuighu ghwaro ghujoke hata ghuvike mlungunyi, nesi dikubonyere diweni irina, eri disakesaghiswa ii chia na ii chia aighu ndoenyi.”

KUFUMA 32:1

Nao iji wandu werewonieghe angu Musa wamuka luma aho mghondinyi, wikakwanyika chiaimweri kwa Haruni wikamzera, “Isi ndedimanyagha malagho ghimpatire uo mundu Musa udijosere kufuma isanga ja Misri. Kwa huwu wuka kudibonyere milungu edighenja.”

DANIELI 4:11

Ugho mudi ghukazoghua na kuwuya m'baa hata mbashu raro rikavika mawingunyi; ghukawoneka ndoenyi kose.

AMOSI 2:9

“Elaima sena inyo wandu wapo, nerewitoteshereghe Waamori kwa wundu ghonyu, wandu werekoghe walacha seji ni midi ya sida, wiko na ndighi sa mialoni, ela ngawitotesha kufuma wa ighu hata wa ndonyi.

MITALO 13:22

Wikajoka, wikangia Negebu, hata wikacha Hebroni; andu kichuku cha Ahimani, Sheshai, na Talimai wa kivalwa cha Anaki werekoghe. (Muzi ghwa Hebroni ghoreaghiloghe miaka mfungade imbiri Soani ghwa Misri ghuseaghilo.)

MITALO 33:51

“Wizere wandu wa Israeli huwu, iji mwaruwuka Jordani na kungia isanga ja Kanaani,

WUKUMBUSO 1:28

Dijoka cha hao? Wanidu wadibwagha ngolo wikighamba, awo wandu ni wabaa, sena ni walacha kudichumba, mizi nayo ni mibaa iko na ngome riaghilo na kuvika mawingunyi; sena dawiwonie Waanaki aho.’

WUKUMBUSO 11:23

niko BWANA uchaariwinga mbari iri rose imbiri konyu, nenyo mcharisoka isanga; mbari riko mbaa, riwadie ndighi kumchumba.

WUKUMBUSO 11:31

Mcharuwuka Jordani mngie kujiwada ijo isanga BWANA Mlungu onyu umnekagha. Mkameria kujingia na kukaia aho,

WUKUMBUSO 27:2

Ituku mruwukagha Moda ghwa Jordani mngie ijo isanga BWANA Mlungu onyu umnekagha, mdunge magho mabaa, mughikabe lipu,

WUKUMBUSO 3:18

“Ngelo iyo, neremnekieghe momu ngighamba, ‘BWANA Mlungu onyu wamnekie isanga iji mujiwuse; mang'oni ghenyu ghichaida ghirwae maswagha, na kukiria imbiri ya waruna wandu wa Israeli.

WUKUMBUSO 4:1

Musa ukawizera wandu wa Israeli, “Msikire sharia rose nimfundishagha; mpate kukaia moyo, mngie na kujiwada ijo isanga BWANA Mlungu wa weke ndeyo umnekagha.

WUKUMBUSO 4:38

Ukawinga mbari mbaa imbiri kwako riko na kudima kukuchumba oho, upate kukungira andenyi ya isanga jawo, jiwuye ifwa jako seji iko idime.

WUKUMBUSO 6:10

“Iji BWANA Mlungu wako wakureda isangenyi ijo orewilaghirieghe weke ndeyo Abrahamu, Isaaka, na Jakobo kukaia uchakuneka, chiaimweri na mizi ighokie iyo kusereiaghieghe,

WUKUMBUSO 7:1

“Iji BWANA Mlungu wako wamreda isangenyi ijo mngiagha kujiwada, na kuinja mbari nyingi imbiri konyu, Wahiti, Wagirgashi, Waamori, Wakanaani, Waperizi, Wahivi, na Wajebusi, mbari mfungade mbaa riko na ndighi kumchumba,

JOSHUA 1:11

“Marenyi kambi yose, muwizere wandu witumbanye vindo vawo; angu andenyi ya matuku adadu, mcharuwuka Moda ghwa Jordani mwende kujiwusa jija isanga BWANA Mlungu onyu wawuyamneka mujiwuse.”

JOSHUA 1:15

hata BWANA wameria kuwineka awo wanyinyu kuhora karakara na inyo mmbeni, nawo weni wipate ijo isanga BWANA Mlungu onyu wawuyawineka. Aho niko inyo mchawuya isangenyi konyu mkaie aho cha mashariki ya Jordani andu Musa mdumiki wa Mlungu oremlaghirieghe.”

JOSHUA 14:12

Idana nineke iji isanga ja mighondinyi sa iji koni BWANA orenilaghirieghe jija ituku; angu kwasikire seji Waanaki werekoghe aho na mizi ya ngome rawo wiaghie mbaa; yadimika BWANA ukaie andwamweri nani, eri niwisime na kuwiwinga sa iji koni BWANA orelaghirieghe.”

JOSHUA 3:14

Nao iji wandu werefumieghe hemenyi kwawo eri wipate kuruwuka Jordani, wakohani awo wereidukieghe Sanduku ya Ilaghano wikakiria imbiri kwawo.

JOSHUA 3:16

agho machi gherekoghe ghikisea kufuma nalughu, ghikatumbanyika kitungu kula koni, kufuma Adamu ghuja muzi ghuko nambai ya Zarethani; na agho gherekoghe ghikisea cha Bahari ya Chumbi ya Araba ghikaida, ndoe ikasighwa iomie kulangaya Jeriko; awo wandu wikaida.

JOSHUA 3:6

Joshua ukawizera wakohani, “Wadenyi Sanduku ya Ilaghano muide nayo imbiri ya wandu.” Wikaiduka Sanduku, wikaida nayo imbiri ya wandu.

JOSHUA 4:19

Wandu wikaruwuka Jordani ituku ja ikumi ja mori ghwa imbiri wikadunga kambi Gilgali, cha mashariki ya Jeriko.

JOSHUA 4:5

ukawizera, “Seenyi mngie modenyi ghwa Jordani, muide andu Sanduku ya BWANA Mlungu onyu iko, mshoo kula mundu igho na kughiduka maweghenyi konyu kunughana na mtalo ghwa wandu wa Israeli;