WUKUMBUSO 8:16 - Biblia Ilagho Jiboie Kwa Wandu Wose

¹⁶ Wamnekie mana kireti; vindo viserejiloghe ni weke ndeyo. Ukamfundisha kwa maza rikatie, ukamtima eri upate kum'bonyera mecha kutuonyi.

WUKUMBUSO 8:16 Խաչաձեւ Հղումներ

KUZOYA 22:1

Nao nyuma ya maza iro, Mlungu ukamtima Abrahamu ukaghamba, “Abrahamu!” Nao ukadika, “Neko aha.”

2 MALAGHO GHA NGELO 32:31

Hata iji wabaa wa isanga ja Babuloni weredumieghe wadumwa wichekotia maza ra alama ibonyekie andenyi ya isanga, Mlungu ukamsigha Hezekia umanye moni eri upate kumanya agho ghiko ngolonyi kwake.

AYUBU 42:12

BWANA ukamrasimia Ayubu miaka yake ya kutua kuchumba iyo ya imbiri. Ukakaia na ng'ondi elfu ikumi na inya, ngamila elfu irandadu, ng'ombe elfu iwi, na weke punda wa waka elfu imweri.

ZABURI 119:68

Oho koko mucha sena kwadabonya nicha; kunifundishe sharia rako.

KUFUMA 15:25

Musa ukamkemia BWANA, na BWANA ukammbonyera mudi, ukaghukumba machinyi, na machi ghikawuya ghisingie. Aho BWANA ukawiwikia sharia na malaghiro ghewitima ukighamba,

KUFUMA 16:15

Iji Waisraeli wereviwonieghe, wikakotiana weni na weni, “Niki chija?” angu ndewerevimanyireghe anduangi. Musa ukawizera, “Ni mkate ugho BWANA wamneka muje.

KUFUMA 16:31

Wandu wa Israeli wereviwangieghe ivo vindo mana navo verekoghe vifwanane na ndembe ra mwemba ghwa chokwa, visingie sa maandazi ghiboisiro kwa wuki.

KUFUMA 16:4

Niko BWANA ukamzera Musa, “Ola nichanyesha mikate kufuma mlungunyi kwa wundu ghonyu; na wandu wichafuma kushoa ifungu jekata kula ituku, nipate kuwitima ngera wichanugha malaghiro ghapo angu ngera ndewichaaghinugha.

KUFUMA 20:20

Musa ukawizera wandu, “Msakeobua, angu Mlungu waacha kumtima, mpate kumuobua, hata msakebonya kaung'a.”

MAKATANISHO 17:3

Feza na dhahabu radatimwa kwa modo; ngolo radatimwa ni BWANA.

DANIELI 11:35

Wamu wa awo wiko na hikima wichabwaghwa; na ilagho ijo jichawibonya wielesho kuchumba; wiele cho, hata kukatia kwa ngelo ra kutua; angu ngelo iwikilo ndeivikie kande anduangi.

WAROMA 8:28

Isi damanya angu kwa maza rose Mlungu wadabonya kazi chiaimweri na awa wimkundagha kwa kureda mecha; awo orewiwangieghe kunughana na kukunda kwake.

2 WAKORINTHO 4:17

Angu matiriro agha gha ngelo ndini, ghaawuyadiboisira wubaa ghwa kala na kala kwa wungi, ghusedimagha kufwananishwa na kindo chingi anduangi;

WUKUMBUSO 13:3

msemsikire. BWANA Mlungu onyu waawuyamtumia kumtima eri upate kumanya ngera mwamkunde BWANA Mlungu onyu kwa ngolo renyu rose, na kwa roho renyu rose.

WUKUMBUSO 8:2

Kumbuka iyo chia yose BWANA Mlungu oremghenjereghe kireti miaka mirongo ina ukimlongoza na kumtima ngera mchaiwadia memu yake angu ngera ndemchaaiwadia.

WUKUMBUSO 8:3

Ukamfundisha kuida andenyi ya maza rikurie kwa kumsigha mkaie njala, ima ukamneka mana muje, iyo msereiichighi, hata na weke ndeyo wori; eri mpate kumanya angu mdamu ndekaiagha moyo kwa vindo veni anduangi, ela wadakaia moyo kwa kula ilagho jidedwagha ni BWANA.

JAKOBO 1:12

Mundu urumaghiagha matimo, ucharasimilwa; angu iji wasima ijo itimo, uchapata kirumbu cha irangi, icho Mlungu uwilaghirie awo wose wimkundagha.

1 PETRO 1:7

eri wuloli ghwa irumirio jenyu jiko ja zoghori mbaa kuchumba dhahabu, iyo hata ngera ni etota, yadatimwa kwa modo; jipate kumredia kukaswa, na wubaa, na ishima, ngelo ya kufunukulwa kwa Jesu Kristo.