WUKUMBUSO 8:10 - Biblia Ilagho Jiboie Kwa Wandu Wose

¹⁰ Mchaja na kughuda; nenyo mchamkasa BWANA Mlungu onyu kwa wundu ghwa isanga icha umnekie.

WUKUMBUSO 8:10 Խաչաձեւ Հղումներ

1 MALAGHO GHA NGELO 29:14

“Ela ini na wandu wapo deko kii hata didime kukufunyira kwa ngolo huwu? Kwa kukaia vilambo vose vadafuma kwako nesi daakuneka iveni vako.

ZABURI 103:2

Mkase BWANA ee roho yapo, hata kusakeliwa wucha ghwake ghose ukubonyere.

MAKATANISHO 3:9

Kum'bonyere BWANA ishima kwa kumfunyira mali rako, na kwa kumneka mavalo ghako ghose gha imbiri gha mbuwenyi kwako.

ISAYA 5:1

Sikirienyi nim'borie mkundwa wapo lumbo lwa lukundo, aighu ya mbuwa yake ya mizabibu: Mkundwa wapo orekoghe na mbuwa ya mizabibu, aho mghondinyi kuko na ndoe iwurue.

JOELI 2:26

Idana mchaja na kughuda, nenyo mchamkasa BWANA Mlungu onyu um'bonyere maza ra mashiniko. Na jingi inyo wandu wapo ndemchaafushwa waya sena anduangi.

MATHAYO 14:19

Ukafunya momu wandu wisee kidombo anyasinyi; ukaiwusa ija mikate na samaki iwi; ukazighana aighu mlungunyi ukairasimia na kuichukanya, ukawineka wanughi wake, nawo wikaineka ijo izungu.

JOHANE 6:23

Elaima, mashua zima rifumie Tiberia, rerechieghe andu aho wandu werejieghe mikate iji Bwana oremfunyireghe Mlungu chawucha.

WAROMA 14:6

Uo ujitalagha ituku wajitala kwa kumneka Bwana ishima. Uo ujagha wori, waja kwa kumneka Bwana ishima, kwa kukaia wamfunyira Mlungu chawucha; na uhu usejagha, wasigha kuja kwa kumneka Bwana ishima; nao wamfunyira Mlungu chawucha.

1 WAKORINTHO 10:31

Kwa wundu ugho, ngera mwaja angu kunywa, angu ijo jose m'bonyagha, bonyenyi ghose kwa wundu ghwa wubaa ghwa Mlungu.

WUKUMBUSO 31:20

Kwa kukaia ngameria kuwingira ijo isanga jinorie, nerelaghirieghe kuwineka weke ndee, na iji waja wikaghuda na kubanda, wichaghaluka na kuitasa milungu mizima; wichanimenya na kujinona ilaghano japo.

WUKUMBUSO 8:9

Ni andu mchaakaia mkija vindo visesiagha, andu msechaasowa kindo chingi; isanga jiko na magho gha chuma, na mighondi yaro, mwadima kukota shaba.

1 WATHESALONIKE 5:18

funyenyi chawucha kwa maza rose; angu huwo niko Mlungu ukunde konyu inyo muko andenyi ya Kristo Jesu.