WUKUMBUSO 7:25 - Biblia Ilagho Jiboie Kwa Wandu Wose

²⁵ Mkore milimu yawo; msekaie na bea ingi ya feza angu dhahabu rishingilo aighu yaro, hata mseiwuse mchengia mdeghonyi; kwa kukaia radamzamia BWANA Mlungu onyu.

WUKUMBUSO 7:25 Խաչաձեւ Հղումներ

2 WAZURI 23:14

Mzuri Josia ukarichikanya rija nguro ra magho vipande vipande, na kubara ghuja mlungu ghwa waka Ashera; ukachura wulalo ghwaro na maindi gha wandu.

1 MALAGHO GHA NGELO 14:12

Wafilisti wikasigha milungu yawo aho, na Daudi ukafunya momu ikoro, nayo ikakorwa.

KUFUMA 20:17

“Kusakebonya iriso kwa nyumba ya mmbenyu, kusakebonya iriso kwa muka wa mmbenyu, hata kwa mzumba wake wa womi angu wa waka, hata kwa ng'ombe yake, hata kwa punda wake, hata kwa kilambo chingi chiko cha mmbenyu.”

KUFUMA 32:20

Ukaiwada ija ngache wereibonyereghe, ukaikora na modo, ukaisha hata ikawuya mufu; ukairanganya na machi, ukawinyosha awo wandu wa Israeli.

KUFUMA 8:26

Ela Musa ukamtumbulia, “Ndeichaakaia hachi ingi isi dikabonya huwo; angu vizongona dichaamfunyira BWANA Mlungu odu, ni makuwisho kwa Wamisri. Welee, dikafunya vizongona vedu, navo ni makuwisho kwa Wamisri wikiwona-lee, ndewichaadilasa na magho?

ISAYA 30:22

Niko aho mchazamilwa ni fwana ra milungu ishingilo feza, chiaimweri na rija richanilo ra dhahabu. Mcharida noko sa vilambo va wuchafu mkighamba, “Injikenyi noko!”

ISAYA 41:24

Olenyi inyo ndemokilambo chingi, na kazi renyu nderiko; uo umtasagha inyo ni mchafu.

WALAWI 13:52

Na mkohani uchakora iro nguwo ra kitani, sufu, na mrongo na icho chose chibonyero kwa mrongo, kwa kukaia ni wukongo ghuzamie ghwa sima, nagho ghuchakorwa modonyi.

WALAWI 19:4

Msakerighalukia fwana angu kukubonyera milungu eyeyusha: Ini ne BWANA Mlungu onyu.

ZEFANIA 1:3

Nichainja mdamu na nyamandu; nyonyi ra mbeonyi, na samaki. Nichatotesha wawiwi na kula mdamu ndoenyi.

WUKUMBUSO 12:3

Mrivuchuo madhabahu rawo, na kurichikanya nguro rawo vipande-vipande; mkore mlungu ghwawo ghwa waka Ashera, na kurikua fwana ra milungu yawo, risewuetaswa aho sena.

WUKUMBUSO 13:16

Vilambo vose mwaviwada, muvitumbanye ghadi na ghadi ya ugho muzi andu kuko kuelie, na kughukora muzi chiaimweri navo, sa kizongona chekora chose kwa BWANA Mlungu onyu, nagho ghuchawuya ighacho kwa kala na kala, hata ndeghuchaaghwa sena.

WUKUMBUSO 17:1

“Msemfunyire BWANA Mlungu onyu vizongona va ng'ombe angu ng'ondi viko na itiko jingi ijo jose; ilagho ijo jadamzamia BWANA Mlungu onyu.

WUKUMBUSO 23:18

Kuserede pesa ringi Hekalunyi kwa BWANA Mlungu wako rafunywa ni ilaya ja waka angu ja womi wei richelipwa kwa wundu ghwa ighemi ijo jose; angu malaya agha ghose ghadamzamia BWANA Mlungu wako.

WUKUMBUSO 27:15

“‘Mundu ukabonya fwana ewacha angu echana, nacho ni kilambo chibonyero ni mikonu kwa wuya ghwa mundu, na kuwikwa kivisonyi, uwado ni njowe; iro ni maza rimzamiagha BWANA.’ Na wandu wose widikie, ‘Amen.’

WUKUMBUSO 7:16

Kutoteshe wandu wose BWANA Mlungu onyu uchaamsimia; msewiwonie wughoma ghungi, hata msetase milungu yawo; angu awo wichawuya mdegho konyu.

WUKUMBUSO 7:5

Ela mchawibonyera huwu: mchavuchua madhabahu rawo, na kurichikanya nguro raro, na kudema fwana ra mlungu ghwawo ghwa waka Ashera, na kurikora fwana rawo riwachilo.

JOSHUA 7:1

Ela wandu wa Israeli wikachikanya agho malaghiro kwa kuwusa ivo vilambo venonwa; angu Akani mwana wa Karmi wawae Zabdi, wa kichuku cha Zera, wa kichuku cha Juda, orewusireghe vilambo vimu venonwa; na BWANA ukajokwa ni machu aighu ya wandu wa Israeli.

JOSHUA 7:21

Niendawona nguwo iboie kufuma Babuloni, kilo iwi ra feza, na kipande cha dhahabu cha nusu kilo, ngawadwa ni bea ngavishoa; ola navirikie andoenyi andenyi hemenyi kwapo, na feza reko nandonyi yaro.”

WUFUNUO 17:5

Na chamunyi kwake, koreandikiloghe irina ja ngasu huwu: “BABULONI M'BAA, MAE WA MALAYA, NA MAZA RIZAMIE RA NDOENYI.”