WUKUMBUSO 7:24 - Biblia Ilagho Jiboie Kwa Wandu Wose

²⁴ Uchabonya wazuri wawo muwisime, nenyo mchawibwagha na kuwimeria hata wiliwike isangenyi; mndungi ndechaadima kumtangala, hata mwameria kuwitotesha.

WUKUMBUSO 7:24 Խաչաձեւ Հղումներ

ZABURI 9:5

Kwamerie kurikemia mbari zima, kukawisaghisa wawiwi; kwajivutire irina jawo, kwa kala na kala.

KUFUMA 17:14

Nao BWANA ukamzera Musa, “Kuandike agha malagho chuonyi ghikaie lukumbuso; sena kughighore madunyi kwa Joshua kukaia, nichawimeria Waamaleki putu, wisekumbuko jingi ndoenyi.”

MAKATANISHO 10:7

Kuwikumbuka wahachi ni irasimio, ela irina ja mmbiwi jichaliwika.

ISAYA 54:17

Ndekuwawdie iswagha jingi jiboisiro jelwa na oho jichaasima, na kula mundu uchaakaianya kimusi na oho kutanyonyi kuchamsima. Iji nijo ifwa ja wadumiki wa BWANA, na wudederii ghwawo ghuafuma kwapo.”

JEREMIA 10:11

Muwighorie wandu huwu: “Iyo milungu iseumbie mlungunyi na ndoenyi, ichatota ndoenyi na aisi ya mlungunyi.”

ZEFANIA 1:4

“Nichawikaba wandu wa Juda na wandu wa Jerusalemu. Nichatotesha wutasi ghwa Baali chiaimweri na wakohani waro wetasa milimu.

WAROMA 8:37

Hata! Ela isi dapatire wusimi m'baa nandighi aighu ya iri maza rose kwa wutesia ghwake uo oredikundieghe.

1 WAKORINTHO 15:57

Ela chawucha kwa Mlungu, uo udinekagha kusima kwa chia ya Bwana odu Jesu Kristo.

WUKUMBUSO 11:25

Ndekuwadie mndungi uchaadima kumtangala; BWANA Mlungu onyu uchangira wandu wowa na kiture chemuobua inyo kula isanga mchaajiwadia; sa iji koni oremlaghirieghe.

WUKUMBUSO 25:19

Kwa huwo BWANA Mlungu onyu ukamneka kuhora andenyi ya isanga umnekagha mujiwuse jikaie ifwa jenyu, muwibwaghe Waamaleki putu na kuinja irina jawo jisekumbuko ndoenyi; mseliwe!

WUKUMBUSO 29:20

BWANA ndechaamfuya wughoma uo mundu. Wulalo ghwaro machu gha BWANA ghichaaka sa modo aighu ya mundu uo, na njowe riandikilo andenyi ya chuo ichi, richambwada; na BWANA uchajiinja irina jake ndoenyi.

WUKUMBUSO 9:14

Leka niwitoteshe nijiinje irina jawo ndoenyi; na oho nichakubonya kukaie mbari mbaa iko nandighi kuwichumba.’

WUKUMBUSO 9:3

Ela idana mchawona mmbeni kukaia BWANA Mlungu onyu uchaghenda imbiri konyu sa modo ghulunguragha; uchawikaba na kuwitotesha imbiri konyu, nenyo mchawiwinga noko na kuwitotesha shwa-shwa sa iji koni BWANA Mlungu umlaghirie.

JOSHUA 1:5

Ndekuwadie mndungi uchaakusima matuku ghose gha irangi jako. Sa iji koni nerekaieghe andwamweri na Musa, huwo koni nichakaia andwamweri na oho; sichaakupungukia hata sichaakusigha anduangi.

JOSHUA 10:23

Niko mbanga ikarughulwa; na awo wazuri wasanu wikafunywa: mzuri wa Jerusalemu, wa Hebroni, wa Jarmuthi, wa Lakishi na wa Egloni;

JOSHUA 10:40

Joshua ukakaba isanga jose na kusima. Ukawisima wazuri wa masanga gha mighondinyi, wurindi ghuko chia ya mashariki, na mighondi mitini chia ya magharibi, chiaimweri na masanga gha kireti chia ya kusinyi. Nderesighieghe mndungi ela ukabwagha kula mundu. Huwo niko koni BWANA Mlungu wa Israeli orelaghirieghe.

JOSHUA 10:42

Joshua ukawada wazuri awo wose na masanga ghawo kwa ngelo imweri, kwa kukaia BWANA Mlungu wa Israeli orekoghe ukiwiluya Waisraeli.

JOSHUA 10:8

BWANA ukamzera Joshua, “Kusakeobua, angu awo wose nawingira mkonunyi kwako, ndekuwadie mndungi uchaadima kukusima.”

JOSHUA 11:17

Wubaa ghwa ijo isanga ghorekoghe kufuma Mghondi ghwa Halaki cha kusinyi kaavui na Edomu, hata Baal-gadi cha kaskazinyi; andenyi ya vololo ya Lebanoni, kusinyi ya Mghondi ghwa Hermoni.

JOSHUA 12:24

na Tirza; wose ni wazuri mirongo idadu na umweri.

JOSHUA 21:44

BWANA ukawineka kuhora chia rose sa iji koni orewibonyereghe weke ndee ighemi; ndekorekoghe na m'maiza ungi wawo oredimieghe kusimana nawo anduangi, kwa kukaia BWANA orekoghe wawisimia.

JOSHUA 23:3

Mwamerie kuwona seji BWANA Mlungu onyu uwibonyere wandu wa iri mbari rose kwa wundu ghonyu, kwa kukaia BWANA Mlungu onyu orekoghe ukimluya wuda.

JOSHUA 23:9

BWANA orewingieghe mbari mbaa ra wandu wiwadie ndighi imbiri konyu, na hata mndungi nderedimieghe kusimana nenyo hata idime.

JOSHUA 6:2

BWANA ukamzera Joshua, “Zighana nakuneka Jeriko mkonunyi kwako, mzuri waro na majeshi gharo ghose.