WUKUMBUSO 7:13 - Biblia Ilagho Jiboie Kwa Wandu Wose

¹³ Uchamkunda na kumrasimia na kum'bonya mchurikie na kuva wana wengi; ucharasimia mbuwa renyu mpate viro, divei na mavuda; uchamrasimia mkaie na ng'ombe na ng'ondi nyingi. Uchamrasimia isangenyi seji orewilaghirieghe weke ndeyo kukaia uchawineka.

WUKUMBUSO 7:13 Խաչաձեւ Հղումներ

NEHEMIA 9:32

“Na idana ee Mlungu odu, koko m'baa na wa kudima! Kwadakatisha ilaghano jako kwa wuloli. Kufuma wazuri wa Ashuru wazoya kudikoronga, hata idana, kwawona datiririlo saki! Wadijishire wasi isi, na wazuri wedu na wabaa wedu, na wakohani wedu, na walodi wedu weke aba wedu na wandu wedu wose datiririlo. Kumbuka seji ditiririlo!

AYUBU 1:10

Si iji kumlindirie na nyumba yake na vose uko navo? Oho kwarasimie kazi rake, na mali rake rachurikie isangenyi.

AYUBU 42:12

BWANA ukamrasimia Ayubu miaka yake ya kutua kuchumba iyo ya imbiri. Ukakaia na ng'ondi elfu ikumi na inya, ngamila elfu irandadu, ng'ombe elfu iwi, na weke punda wa waka elfu imweri.

ZABURI 1:3

Mundu uo ooka sa mudi ghuwalo mbai na mbai ya meda, ghuvagha matunda gharo kwa kimu charo na malemba gharo ndeghiomagha. Wadawona nicha kwa maza rose ubonyagha.

ZABURI 107:38

Wadawirasimia wandu wake wichurikie kwa wungi, na mfugho rawo nderisighagha ripunguo.

ZABURI 11:7

BWANA ni mhachi, nao wadakunda mabonyo gha hachi; awo wecha wichaghuwona wushu ghwake.

ZABURI 127:3

Wana ni manosi ghifumagha kwa BWANA; ni marasimio gha loli.

ZABURI 146:8

na kuwitambua vitungure meso. BWANA wadawiwusira awo wighwaghwa; na kuwikunda wahachi.

KUFUMA 23:25

Mkanitasa Ini BWANA Mlungu onyu, nichamrasimia kwa vindo na machi, na kuinja makongo ghenyu ghose.

MAKATANISHO 10:22

BWANA nuo umrasimiagha mundu uwuye mzuri wa mali; ndemsighagha uje wasi kwa wundu ghwaro.

MAKATANISHO 15:9

Mighendo ya mmbiwi yadamzamia BWANA, ela wadamkunda mundu unughagha hachi.

WALAWI 26:9

Nichamrasimia na kumneka wana wengi; nani nichajimangisha ilaghano japo nerejibonyereghe nenyo.

MATHAYO 6:33

Wulalo ghwa agho, lolenyi kande wuzuri ghwa Mlungu na hachi yake, na vilambo vose mchanekwa.

JOHANE 14:21

Uo uiwadagha memu yapo na kuikatisha, nuo unikundagha; na uo unikundagha, uchakundwa ni Aba, na ini nichamkunda na kukuwonyera ini moni kwake.”

JOHANE 15:10

Iji mwaiwadia memu yapo mchakaia andenyi ya lukundo lwapo; wokoni seji ini niiwadie memu ya Aba na kukaia andenyi ya lukundo lwake.

JOHANE 16:27

angu uo moni wamkunde inyo, kwa kukaia inyo mwanikunda ini, na kurumiria angu nerefumieghe kwa Aba.

WUKUMBUSO 1:8

Iji nijo isanga jose ini BWANA nerewilaghirieghe weke ndeyo Abrahamu, Isaaka, na Jakobo na kivalwa chawo kukaia nichawineka; ghendenyi mujiwade.’”

WUKUMBUSO 13:17

Mseshoo kindo chingi cha ivo vimerie kutanywa vipate kutoteshwa; eri BWANA upate kuhoresha machu ghake, na kumfuya wughoma, nao um'bonye mchurikie sa iji koni orewilaghirieghe weke ndeyo,

WUKUMBUSO 28:1

“Mkamsikira BWANA Mlungu onyu, na kulindia kughibonya malaghiro ghake ghose agho nimlaghiragha idime, ucham'bonya mkaie wabaa kuchumba mbari rose ra ndoenyi.

WUKUMBUSO 28:11

BWANA uchakubonya kuwone mecha kwa wungi; kuchava kwa wungi, na mfugho rako rive kwa wungi, na ndoe yako ive kwa wungi andenyi ya ijo isanga BWANA Mlungu wako orewighemieghe weke ndeyo kukaia uchakuneka.

WUKUMBUSO 30:5

nao uchamreda andenyi ya isanga ijo jerekoghe ja weke ndeyo mpate kujiwusa; nao ucham'bonya mmbone nicha kuchumba, na mtalo ghwa wandu wenyu ghuchurikie kuchumba ghwa weke ndeyo.

WUKUMBUSO 7:7

Si angu wei mooka wengi kuchumba wandu wazima ima BWANA ukamkunda na kumsaghua; kwa kukaia inyo moko watini kuchumba wandu wose.