WUKUMBUSO 5:16 - Biblia Ilagho Jiboie Kwa Wandu Wose

¹⁶ “‘Kuwibonyere ishima ndeyo na mayo, sa iji koni BWANA Mlungu wako orekulaghirieghe, eri matuku ghako ghikaie mengi, kuwone nicha isangenyi nawuyakuneka ini BWANA Mlungu wako.

WUKUMBUSO 5:16 Խաչաձեւ Հղումներ

KUFUMA 20:12

“Kuwineke ishima ndeyo na mayo, matuku ghako ghikaie mengi isangenyi, kuchaanekwa ni BWANA Mlungu wako.

MAKATANISHO 3:1

Mwana wapo, kusakeliwa mafundisho ghapo, ela kughiwike malaghiro ghapo ngolonyi kwako.

EZEKIELI 22:7

Wavi ndewitalwagha andenyi kwako, waghenyi wadakorongwa aghadi kwako, mwadawikita awo wifuilo ni weke ndee na waka wakiwa.

WALAWI 19:3

Kula umu onyu uchamneka ishima mae na ndee, nenyo mriwadie sabato rapo: Ini ne BWANA Mlungu onyu.

MATHAYO 19:19

kuwineke ishima ndeyo na mayo; na kumkunde mmbenyu sa iji kukukundagha oho kumoni.”

MARKO 10:19

Oho kwaichi memu to: ‘Kusakebwagha, kusakelaka, kusakeiwa, kusakemzighiria mndungi kwa tee, kusakekenga mndungi, na kuwineke ishima ndeyo na mayo.’”

MARKO 7:10

Angu Musa oreghorieghe, ‘Kuwibonyere ishima ndeyo na mayo,’ na, ‘Uo ose ughoragha kiwiwi kwa ndee angu kwa mae, ndefo kifwa.’

LUKA 18:20

Nechi kwaichi memu, ‘Kusakelaka, kusakebwagha, kusakeiwa, kuseshuhudie tee, kuwineke ishima ndeyo na mayo.’”

WUKUMBUSO 11:9

Nenyo mpate kukaia moyo matuku mengi isangenyi ijo BWANA orewilaghirieghe weke ndeyo kukaia uchawineka chiaimweri na kivalwa chawo, isanga jinorie nandighi.

WUKUMBUSO 27:16

“‘Mundu ukalegha kumneka ishima ndee angu mae, uwado ni njowe.’ Na wandu wose widikie, ‘Amen.’

WUKUMBUSO 4:40

Kwa huwo kuriwadie sharia rake na malaghiro ghake, agho nikulaghiragha idime, eri kupate kukaia nicha, na kivalwa chako kupate kukaia luma andenyi ya ijo isanga kunekwagha ni BWANA Mlungu wako kwa kala na kala.”

WUKUMBUSO 5:29

Hee, na ngera wadakaia na iyo nia cheni eniobua na kuiwadia memu yapo kari kose, yadakaia nicha kwawo na kwa wana wawo kwa kala na kala.

WUKUMBUSO 5:33

Mghende seji BWANA Mlungu onyu ulaghirie, mpate kukaia moyo na kuwona nicha; matuku ghenyu ghikaie mengi andenyi ya isanga mchaajiwusa.

WUKUMBUSO 6:2

Na oho kumuobua BWANA Mlungu wako; oho, na mwana wako, na wawayo, kwa kuwadia iro sharia rake na memu yake nikulaghiragha kuiwadia irangi jako jose; eri matuku ghako ghikaie mengi.

WAKOLOSAI 3:20

Na inyo wana, muwisikire wavi wenyu kwa kula ilagho, angu ilagho ijo jam'boia Bwana.