WUKUMBUSO 5:14 - Biblia Ilagho Jiboie Kwa Wandu Wose

¹⁴ ela ituku ja mfungade, ni Sabato kwa wundu ghwa ini BWANA Mlungu wako. Ituku ijo kusebonye kazi ingi; oho, hata mwana wako wa womi angu wa waka hata mdumiki wako wa womi angu wa waka, hata ng'ombe yako hata punda wako, hata ingi ya mfugho rako, hata mghenyi ungi uko andenyi ya mbenge rako; eri mdumiki wako wa womi angu wa waka upate kuhora sakumoni.

WUKUMBUSO 5:14 Խաչաձեւ Հղումներ

KUZOYA 2:2

Nao ituku ja mfungade Mlungu ukahora nyuma ya kumeria kazi rake rose oreribonyereghe.

NEHEMIA 13:15

Matuku ghaja nerewonieghe wandu andenyi ya Juda wikikama zabibu ituku ja Sabato; wikareda kitungu cha viro na kuvidukishira weke punda, na divei, zabibu, tini na misigo ya kula mbari wikaireda Jerusalemu ituku ja Sabato ngawikania wandu wiseuzeghe vindo ituku ijo.

NEHEMIA 13:16

Wandu wa Tiro wokoni awa werekoghe wikikaia Jerusalemu wereredieghe samaki na vilambo vizima va kula mbari na kuviuzira wandu wa Juda na Jerusalemu ituku ja Sabato.

NEHEMIA 13:21

Ela ngawionya ngiwizera, “Kwaki mlalagha kaavui na wurigha? Mkabonya huwo sena nimmbwada.” Kufuma ngelo rija ndewichecha sena ituku ja Sabato.

NEHEMIA 5:5

Idana isi deeka karakara na wambedu Wayahudi, na wana wedu weeka sa wana wawo; ela sena daawuyawifungisha ndighi wana wedu wa womi na wa waka kuwuya wazumba, na wai wamu wedu wamerie kubonywa wazumba; ela isi ndediwadie ndighi retesia ilagho iji, kwa kukaia mbuwa redu na mbuwa redu ra mizabibu ramerie kuwuswa.”

KUFUMA 23:12

“Kubonye kazi kwa matuku arandadu, ela ituku ja mfungade kusebonye kazi ingi, eri mzumba na mghenyi ukudumikiagha, hata na nyamandu rako wori ripate kuhora.

WALAWI 23:3

Matuku arandadu ni ghebonya kazi, ela ituku ja mfungade ni Sabato ehora; mkwanyike kwa wutasi, nenyo msakebonya kazi ingi; ni Sabato kwa BWANA andu uko kose mchaakaia.

MARKO 2:27

Niko ukawizera, “Sabato erewikiloghe kwa wundu ghwa wadamu, ela si wadamu kwa Sabato anduangi.

LUKA 23:56

Niko wikawuya kuboisa marumba na mavuda. Na ituku ja Sabato wikahora karakara na Sharia.

WUKUMBUSO 5:13

Kudumike kwa matuku arandadu, na kubonya kazi rako rose;

WAEBRANIA 4:4

Angu andu kumu waghorie malagho gha ituku ja mfungade huwu, “Na Mlungu ukahora ituku ja mfungade, na kurisigha kazi rake rose.”