WUKUMBUSO 4:40 - Biblia Ilagho Jiboie Kwa Wandu Wose

⁴⁰ Kwa huwo kuriwadie sharia rake na malaghiro ghake, agho nikulaghiragha idime, eri kupate kukaia nicha, na kivalwa chako kupate kukaia luma andenyi ya ijo isanga kunekwagha ni BWANA Mlungu wako kwa kala na kala.”

WUKUMBUSO 4:40 Խաչաձեւ Հղումներ

WUKUMBUSO 6:3

Kwa huwo sikira ee Israeli, kulindie kughibonya, kupate kuwona nicha na kuchurikia nandighi isangenyi jinorie, sa iji koni BWANA Mlungu wa weke ndeyo ukulaghirie.

WAEFESO 6:3

kupate kuwona nicha, na kukaia na matuku mengi ndoenyi.”

WUKUMBUSO 12:28

Lindia, kusikire malagho ghose agha nikulaghiragha; kukabonya nicha imbiri ya BWANA Mlungu wako, kuchakaia na kuboilwa oho, na kivalwa chako kwa kala na kala; angu kuchakaia kukibonya agho ghiko gha hachi, ghim'boiagha BWANA Mlungu wako.

WUKUMBUSO 12:25

Iji kwabonya nicha imbiri ya BWANA kwa kulegha kuija, kuchawona nicha na kivalwa chako.

WUKUMBUSO 5:16

“‘Kuwibonyere ishima ndeyo na mayo, sa iji koni BWANA Mlungu wako orekulaghirieghe, eri matuku ghako ghikaie mengi, kuwone nicha isangenyi nawuyakuneka ini BWANA Mlungu wako.

WALAWI 22:31

“Kwa huwo, mchaiwadia memu yapo na kuibonya; Ini ne BWANA.

WUKUMBUSO 22:7

Kusighe mae ughende, ela kwadima kudwa majana; eri kupate kukaia nicha, na kudua moyo matuku mengi.

WUKUMBUSO 6:18

Na oho kubonye ijo jiko ja hachi jiboie imbiri ya BWANA, kupate kuwona nicha na kujiwusa isanga jiboie ijo BWANA orewilaghirieghe weke ndeyo kukaia uchawineka,

JEREMIA 11:4

Nerewilaghirieghe weke ndeyo ilaghano ijo, ngelo nerewifunyagha isanga ja Misri, kufuma ijo iriwa ja modo, ngighamba, munisikire na kubonya malagho agho nimlaghiragha, mpate kuwuya wandu wapo na ini nikaie Mlungu onyu;

WUKUMBUSO 4:6

Mughiwadie na kughibonya, angu agho nigho ghichaakaia hikima na kumanya konyu imbiri ya wandu; awo, iji wasikira sharia iri rose, wichaghamba, ‘Loli mbari ihi mbaa yawadie hikima na kumanya.’

WUKUMBUSO 4:1

Musa ukawizera wandu wa Israeli, “Msikire sharia rose nimfundishagha; mpate kukaia moyo, mngie na kujiwada ijo isanga BWANA Mlungu wa weke ndeyo umnekagha.

WUKUMBUSO 5:33

Mghende seji BWANA Mlungu onyu ulaghirie, mpate kukaia moyo na kuwona nicha; matuku ghenyu ghikaie mengi andenyi ya isanga mchaajiwusa.

JOHANE 14:15

“Mkanikunda mchaiwadia memu yapo.

1 TIMOTHEO 4:8

kwa kukaia, kukuzaisira kwa mumbi kwafwana kutini, ela kuobua kwa Mlungu kwafwana kwa kula chia; angu koko na ilaghiro kwa wundu ghwa irangi iji; na kwa jija jichagha wori.

KUFUMA 23:26

Muka ungi ndechaafumwa ni kifu isangenyi kwako, hata ungi ndechaasowa wana anduangi; na mtalo ghwa matuku ghako nichaghukatisha.

MITALO 10:29

Nao Musa ukamzera Hobabu mwana wa Reueli Mmidiani uo mghosi wa Musa, “Diaghenda andu BWANA ughambie uchadineka, nndoko dighendanye, nesi dichakubonyera nicha; BWANA wawilaghirie Waisraeli mecha.”

WUKUMBUSO 4:2

Msechurie ilagho jingi aighu ya agho nimlaghiragha, hata msefunye ilagho jingi, mpate kughiwadia malaghiro gha BWANA Mlungu onyu agho nimlaghiragha.

WUKUMBUSO 5:29

Hee, na ngera wadakaia na iyo nia cheni eniobua na kuiwadia memu yapo kari kose, yadakaia nicha kwawo na kwa wana wawo kwa kala na kala.

WUKUMBUSO 11:9

Nenyo mpate kukaia moyo matuku mengi isangenyi ijo BWANA orewilaghirieghe weke ndeyo kukaia uchawineka chiaimweri na kivalwa chawo, isanga jinorie nandighi.

WUKUMBUSO 32:47

Mafundisho agha si gha duu anduangi; ela ni irangi jenyu. Mughisikire nenyo mchadua moyo luma isangenyi iji mruwukagha Jordani kujiwusa.”

WUKUMBUSO 33:25

Mbenge ra mizi yake rederughwagha na vuma, matuku ghose odekaiagha banana.”

ZABURI 105:45

eri wandu wake widime kuriwada sharia rake, na kusikira malaghiro ghake. BWANA ndekaso!

MCHILI 8:12

Mkaung'a wadima kubonya makosa mando ighana sena ukaie moyo. Naichi wadaghora wei mundu ukamsikira Mlungu, maza rimuendia nicha,

ISAYA 65:20

Ndekuchaakaia na mwana ungi ufwagha uko mkoo, hata mghosi ungi ndechaafwa usekatishire matuku gha wughosi ghwake; kwa kukaia mwana uchazoghua uvike miaka ighana, ima uchefwa; na mghosi ufwagha usevikie miaka ighana, uchatalwa kukaia mkaung'a uwadilo ni njowe.

JEREMIA 7:7

niko na ini nichamsigha mkaie aeni aha isangenyi ijo nerewinekieghe weke ndeyo kokala, mpate kujikaia kwa kala.

KUFUMA 20:12

“Kuwineke ishima ndeyo na mayo, matuku ghako ghikaie mengi isangenyi, kuchaanekwa ni BWANA Mlungu wako.

WUKUMBUSO 4:5

“Namfundishire sharia yose na malaghiro, sa iji koni BWANA Mlungu wapo unizerie; mpate kughibonya andenyi ya isanga mungiagha kujiwusa.

WUKUMBUSO 5:10

ela nadawiwonyera lukundo lwapo wandu elfu elfu awo winikundagha na kuiwadia memu yapo.

WUKUMBUSO 25:15

Kukaie na ratili ikate na kipimo chikate, eri matuku ghako ghikaie mengi andenyi ya isanga BWANA Mlungu wako ukunekagha.

JEREMIA 7:23

Ela nerewinekieghe momu ughu, ‘Munisikire, nani nichakaia Mlungu onyu, na inyo mchakaia wandu wapo; mghende kwa iyo chia cheni nimlaghiragha mpate kuwona mecha.’

JEREMIA 35:18

Ela kwa Warekabi Jeremia ukaghamba, “BWANA wa majeshi, Mlungu wa Israeli waghamba kukaia: Kwa kukaia mwamsikire ndeyo Jonadabu, na kunugha malaghiro ghake, mkabonya agho ghose umlaghirie,