WUKUMBUSO 4:31 - Biblia Ilagho Jiboie Kwa Wandu Wose

³¹ Angu BWANA Mlungu wako ni Mlungu wa wughoma; ndechaakusigha hata kukutotesha angu kujiliwa ilaghano orejibonyereghe na weke ndeyo, ijo orejibonyereghe kwa ighemi.

WUKUMBUSO 4:31 Խաչաձեւ Հղումներ

1 MALAGHO GHA NGELO 28:20

Niko Daudi ukamzera mwana wake Solomoni, “Kaia na ndighi na ngolo mbaa, kuibonye iyo kazi. Kusakeobua, hata kusekaie na kiture chingi, angu BWANA Mlungu, Uo Mlungu wapo oko andwamweri na oho. Ndechaalemwa angu kukusigha hata kazi yose ya wudumiki ghwa Hekalu yasia.

2 MALAGHO GHA NGELO 30:9

Angu mkamghalukia BWANA, wanyinyu na wana wenyu wichafuilwa wughoma ni awo wiwidwae wunyika na kuwisigha wijiwurie iji isanga. Angu BWANA Mlungu onyu ni mucha na wa wughoma, mkamghalukia, ndechaammbikia mghongo.”

NEHEMIA 1:5

“Ee BWANA Mlungu wa mlungunyi, oho koko m'baa, nesi dadakuobua na ndighi. Kwadajimangisha ilaghano jako kwa awo wikundagha na kuiwadia memu yako.

NEHEMIA 9:31

Ela sena, kwa kukaia wughoma ghwako ghuko m'baa, ndekorewileghieghe hata kuwitotesha; oho ko Mlungu wa mvono na wa wughoma mungi.

ZABURI 103:8

BWANA ni wa wughoma na wa mvono; ndejokwagha ni machu shwa-shwa, nao wachua lukundo lukatie.

ZABURI 105:8

Wawuyatala ilaghano jake kwa kala, ijo orejilaghirieghe kwa vivalwa elfu.

ZABURI 111:4

BWANA wabonya kazi rake ra mashiniko rikumbuko; wachua mvono na wughoma.

ZABURI 111:5

Wadawineka vindo awo wimuobuagha, nao jingi ndeliwagha ilaghano jake.

ZABURI 111:9

Wawiredie wandu wake wukomboli, ukabonya ilaghano ja kala na kala nawo. Uo ni Mweli uwadie ndighi.

ZABURI 116:5

BWANA ni wa mvono, sena ni mhachi; Mlungu odu ni wa wughoma.

ZABURI 86:15

Ela oho ee BWANA koko Mlungu wa wughoma na mvono; wa mboa kubonya machu na wa lukundo lukatie na wuloli.

ZABURI 86:5

Oho koko mucha kufuyagha wughoma ee BWANA; kwadua na lukundo lukatie kwa wose wikuwangiagha.

KUFUMA 6:8

Nani nichamreda kwa ijo isanga nereghemieghe kumneka Abrahamu, Isaaka na Jakobo jikaie ifwa jenyu. Ini ne BWANA.’”

JEREMIA 14:21

Kwa wundu ghwa irina jako, kusakedimenya; kusakechisowia ishima kifumbi chako cha nguma, kumbuka ilaghano jako korebonyereghe nesi ee BWANA, kusakejichikanya.

JEREMIA 30:11

Angu ini neko andwamweri nenyo nipate kumkira; nicharitotesha putu iro mbari rose andu neremsaghisireghe, ela inyo sichaamtotesha anduangi; nichamkaba kwa hachi, hata sichaamsigha jingi kuseko na makabo ghemmbunja.”

WALAWI 26:42

niko na ini nichaakumbuka ilaghano japo nerejibonyereghe na Jakobo, Isaaka, na Abrahamu; nani nichajimangisha ilaghano japo sena, na kuwineka wandu wapo isanga.

WALAWI 26:44

Elaima kwa agho ghose, ngelo wikikaia isanga ja wamaiza wawo, sichaawisigha putu hata kuvikia kuwinona anduangi, hata sichaajiinja ilaghano japo nerejibonyereghe nawo, angu Ini ne BWANA Mlungu wawo.

WALAWI 26:45

Ela kwa wundu ghwawo, nichajikumbuka ilaghano japo sena, ijo nerejibonyereghe na weke ndee, awo nerewifunyireghe isanga ja Misri mbari zima rikiwona eri nipate kukaia Mlungu wawo; Ini ne BWANA.”

JONA 4:2

Ukamlomba BWANA ukaghamba, “Wona BWANA! Huwu siko koni nerekoghe ngighamba iji nerekoghe mzedu? Hata iyo niyo shekeria erenibonyereghe nikimbie cha Tarshishi. Neremanyireghe wori oho ko Mlungu wa mvono na wughoma, kusebonyagha machu shwa-shwa; koko na lukundo lubaa lukatie, kulekiagha mawiwi.

MIKA 7:18

Ndekuwadie mlungu ungi uko sa oho BWANA; oho kwadafuya wandu wako wughoma kwa kaung'a rawo, awo wisigharikie. Ndekuwikagha machu kwa kala na kala, ela kwadaboilwa ni kudiwonyera lukundo lwako lukatie.

MITALO 14:18

‘Ini BWANA sijokwagha ni machu shwa-shwa; neko na lukundo lubaa, nani nadafuya wughoma na kuleka makosa; simtalagha mkosi kukaia ndekosere; nadawitalia wana makosa gha weke ndee hata kivalwa cha kadadu na cha kana’.

LUKA 1:72

uwibonyere wughoma orewilaghirieghe weke aba, kwa kujikumbuka ilaghano jake ja wueli.

WUKUMBUSO 31:6

Mkaie mang'oni ghimange; msakewiobua, hata kukaia na kiture nawo; kwa kukaia ni BWANA Mlungu onyu wawuyaghendanya nenyo; ndechaamsigha hata kumuda anduangi.”

WUKUMBUSO 31:8

BWANA nuo ukiriagha, nao uchakaia andwamweri na oho; ndechaakusigha, hata kukuda anduangi; kusekambo ni chongo.”

WAEBRANIA 13:5

Msakekaia na irangi jelaka na pesa, ela mkato ni ivo veni muko navo; angu Mlungu waghambie, “Na jingi sichaakusowia, hata kukusigha anduangi.”

JOSHUA 1:5

Ndekuwadie mndungi uchaakusima matuku ghose gha irangi jako. Sa iji koni nerekaieghe andwamweri na Musa, huwo koni nichakaia andwamweri na oho; sichaakupungukia hata sichaakusigha anduangi.