WUKUMBUSO 4:26 - Biblia Ilagho Jiboie Kwa Wandu Wose

²⁶ Nawanga mlungunyi na ndoenyi rishuhudie aighu yenyu idime, kukaia mchatota putu shwa wori andenyi ya ijo isanga kwawuyaruwuka Jordani kujiwada; ndemchaadua luma andenyi yaro, ela mchatoteshwa shwa wori.

WUKUMBUSO 4:26 Խաչաձեւ Հղումներ

WUKUMBUSO 32:1

“Degha kudu ee mlungunyi nani nichaghora; na ndoenyi ndeisikirie madedo ghapo.

MIKA 6:2

Inyo mighondi muko misingi iduagha ya ndoenyi, sikirenyi seji BWANA uredagha mashitakio. BWANA washitakiana na wandu wake; uchasimana na Israeli.

JEREMIA 22:29

Ee isanga, isanga, isanga, sikira ilagho ja BWANA!

JEREMIA 2:12

Shinikienyi ilagho iji ee milungunyi, obuonyi msughusike,

ISAYA 1:2

Sikirenyi, ee mlungunyi, kudeghe kudu, ee ndoenyi, angu BWANA waghamba, “Nalelie wana wikazoghua, ela wanilegha.

JOSHUA 23:16

ikakaia mwajichikanya ilaghano jake ijo oremlaghirieghe, nao mfume kuidumikia milungu mizima na kuighoghomia, aho niko BWANA uchajokwa ni machu aighu yenyu, nenyo mchatota shwa wori na kusoweka andenyi ya ijo isanga jiboie oremnekieghe.”

WALAWI 18:28

Msebonye sa awo wandu, isanga jichemlegha, seji jerewileghieghe awo wandu wa mbari erekoghe imbiri konyu.

LUKA 21:24

Wandu wamu wichabwaghwa kwa lufu, na wazima wichadwalwa wunyika kwa masanga ghose; na Jerusalemu ichawadilwa-wadilwa ni wandu wa mbari zima hata ngelo ya wandu wa mbari zima yakatia.

EZEKIELI 36:4

kwa huwo ee mighondi ya Israeli, sikira seji ini Bwana MLUNGU nighambagha aighu ya mighondi mibaa na mitini, mavongo na vololo, andu kusighilo kuduu, na mizi ya kireti iwurie madiwo na kusekwa ni wandu wa mbari riko mbai-mbai;

JEREMIA 44:22

BWANA ndedimie kurumaghia wuwiwi na wuchafu ghonyu moregubonyereghe. Kwa wundu ugho, isanga jenyu jeesighwa iduu jisewadie wandu, jiwadilo ni njowe sa iji jiko idime.

JEREMIA 6:19

Sikirenyi ee ndoenyi, nichareda mawiwi aighu ya wandu awa, nagho ni malipo gha mipango yawo; kwa kukaia ndeweresikireghe malagho ghapo, wikailegha sharia yapo.

ISAYA 6:11

Niko ngakotia, “Hata lii ee BWANA?” Ukanitumbulia, “Hata mizi yanonwa na kusighwa miduu, na nyumba rikaie risene wandu, na isanga kusighwa iduu putu,

WUKUMBUSO 31:28

Nikwanyienyi waghosi wose wa vichuku venyu na wabaa wenyu, eri nipate kughora agha malagho wikisikira, na kuwanga mlungunyi na ndoenyi rikaie washahidi aighu yawo.

WUKUMBUSO 29:28

Niko BWANA ukawifunya isangenyi kwawo kwa machu na kubia na makai mabaa, ukawikumba noko cha isanga izima seji iko idime.’

EZEKIELI 33:28

Nichajibonya ijo isanga jisigho iduu putu, na iro ndighi wandu werekukasagha naro richasia; na mighondi ya Israeli ichasighwa miduu putu hata usoweke mundu oida aho.

MIKA 1:2

Sikirenyi agha inyo mbari rose ra wandu mkaiagha ndoenyi, sikirenyi; BWANA Mlungu uchashuhudia aighu yenyu. Sikirenyi! Waawuyadeda kufuma Hekalunyi yake ya mlungunyi.

KUZOYA 19:13

kwa kukaia dichakutotesha andu aha, angu kililo aighu ya wandu waro chakaia kibaa imbiri ya BWANA, nao wadiduma dikutoteshe.”

WUKUMBUSO 7:4

Angu wichawighalua wadawana wenyu wiseninughe, wipate kuitasa milungu mizima; na BWANA uchajokwa ni machu aighu yenyu na kumtotesha shwa-shwa.

WUKUMBUSO 8:19

Na iji mwamliwa BWANA Mlungu onyu, na kuinugha milungu mizima kuidumikia na kuitasa, namghoria loli idime iji, kukaia mchatota.

WUKUMBUSO 8:20

Mchatota karakara na iro mbari BWANA uribonyagha ritote imbiri konyu; nenyo mchatota, kwa kukaia mwaleghie kumsikira BWANA Mlungu onyu.

WUKUMBUSO 11:17

machu gha BWANA ghicheaka aighu konyu, na kufunga vua isenye, hata ndoe isowe mavalo; nenyo mtote shwa-shwa na kusoweka andenyi ya isanga icha ijo BWANA umnekagha.

WUKUMBUSO 28:20

“BWANA uchakuredia njowe, kulaghalo ni akili, kusumbuke na kulemwa ni maza rako rose kuribonyagha, hata kwanoneka na kusia shwa wori kwa wundu ghwa mabonyo ghako ghizamie angu kumsighie.

WUKUMBUSO 28:22

BWANA uchakukaba na makongo ghewasirana, homa, na kuakwa modo, na iruke jibirie, na kuoma kwa ndoe, na kiremba, na ngama ya miwalwa; maza iri richakunugha hata kwatota.

WUKUMBUSO 28:45

Kuchawadwa ni njowe iri rose, hata rikunone na kukutotesha, kwa kukaia, ndekoremsikireghe BWANA Mlungu wako kwa kughiwadia malaghiro ghake na sharia rake iro orekulaghirieghe.

WUKUMBUSO 28:61

Wokoni BWANA uchareda kula wukongo na matiriro ghiseandikilo andenyi ya ichi chuo cha sharia kwa wungi, hata kwameria kutoteshwa putu.

JOSHUA 24:20

Mkamsigha BWANA na kudumikia milungu mizima, uchamghaluka na kum'bonya kiwiwi, na kummeria, hata ngera orekoghe uki'bonyera nicha.”

1 WAZURI 9:7

niko nichawiinja wandu wapo Israeli isangenyi ijo nerewinekieghe, na iyo Hekalu nereiwikieghe wakfu kwa wundu ghonitasira nichaiinja niseiwoneghe. Wandu wa Israeli wichamenyeka na kuwuya wesekwa ni wandu wose.

JEREMIA 16:13

kwa huwo nichamfunya iji isanga na kumghenja isanga weke ndeyo wiserejimanyireghe, hata inyo wori; nenyo mchaidumikia milungu mizima aho kio na dime, kwa kukaia sichaammbonia wughoma ghungi.’”

JEREMIA 32:24

“‘Zighana seji Wababuloni wiaghie wurigha wighurughaie ughu muzi wipate kughuwada, na kwa wundu ghwa wuda, na njala, na saka izamie, ughu muzi ghwamerie kungirwa mikonunyi kwa Wababuloni awo wawuyalwa nagho. Agho koreghighorieghe ghakatia, na oho kwawuyaghiwona.