WUKUMBUSO 4:13 - Biblia Ilagho Jiboie Kwa Wandu Wose

¹³ Ukaghora nenyo seji iko suti mujiwadie ilaghano jake ijo oremlaghirieghe, iyo Memu Ikumi; ukaiandika aighu ya vishawalata viwi va magho.

WUKUMBUSO 4:13 Խաչաձեւ Հղումներ

1 WAZURI 8:9

Ndekorekoghe na kilambo chingi andenyi ya iyo Sanduku, ela ivo vishawalata va magho verengiriloghe ni Musa aho Mghondi ghwa Sinai, iji BWANA orebonyereghe ilaghano na wandu wa Israeli ngelo werefumieghe Misri.

ZABURI 119:4

BWANA kwadinekie sharia rako, kukadizera diriwadie nicha.

KUFUMA 19:5

Idana ngera mchasikira lwaka lwapo, na kughiwadia malaghiro ghapo, mchakaia wandu wapo weni aghadi ya wandu wose, angu ndoenyi kose ni kwapo;

KUFUMA 24:12

BWANA ukamzera Musa, “Joka cha kwapo mghondinyi, kuweserie aho nani nichakuneka vitongo viwi va magho viko na sharia na malaghiro ghose nighiandikie kwa kuwifundisha wandu.”

KUFUMA 31:18

Niko iji Mlungu wameria kudedanya na Musa aighu ya Mghondi ghwa Sinai, ukamneka vishawalata viwi va magho, viko na memu uiandikie moni kwa chala chake.

KUFUMA 34:1

BWANA ukamzera Musa, “Dumbua vishawalata viwi va magho, sa vija va imbiri; nani nichaandika malagho agho gherekoghe aighu ya vija vishawalata va imbiri korevibarieghe.

KUFUMA 34:28

Musa ukakaianya na BWANA aho matuku mirongo ina kio na dime, usejie hata kunywa kindo chingi. Ukaandika ijo ilaghano aighu ya vija vishawalata va magho, iyo memu ikumi.

WAROMA 9:4

Awo ni Waisraeli, na uko kubonywa kukaia wana wa Mlungu ni kwawo, na wubaa ni ghwawo, na ilaghano ni jawo, na uko kunekwa Sharia ni kwawo, na wutasi ni ghwawo, na malaghiro ni ghawo;

2 WAKORINTHO 3:7

Idana ikakaia iyo Sharia iredagha kifwa, iandikilo aighu ya vishawalata va magho erechieghe kwa wubaa mungi, hata Waisraeli wikalemwa ni kughuzighana wushu ghwa Musa, angu ghorekoghe ghuking'ala-ng'ala na ndighi, nagho ni wubaa ghuidagha;

WUKUMBUSO 4:12

Muwighorie seji BWANA oreghorieghe nenyo kufuma ahoeni modonyi; mkasikira lwaka, ela ndemorewonieghe fwana ingi, modesikira lwaka loni.

WUKUMBUSO 4:14

Ngelo iyo, BWANA ukanilaghira nimfundishe sharia na malaghiro, eri mpate kughibonya isangenyi ijo mwawuyaghenda kujiwada.

WUKUMBUSO 5:22

“BWANA oreghorieghe malagho agha kwa ikwanyiko jenyu jose aho mghondinyi, aghadi ya modo, iwingu na kira chikambie, na lwaka lubaa; hata nderechurieghe ilagho jingi. Nao ukaghiandika aighu ya vishawalata viwi va magho, ukanineka.

WAEBRANIA 9:4

Andenyi kwaro, korekoghe na madhabahu ya dhahabu efukiria marumba, na Sanduku ya Ilaghano ishingilo dhahabu chia rose. Iyo Sanduku erekoghe na mkebe ghwa dhahabu ghowika ija mana, mzata ghwa Haruni ugho ghorejosereghe malemba, na vishawalata va magho viandikilo ija memu ikumi;