WUKUMBUSO 32:5 - Biblia Ilagho Jiboie Kwa Wandu Wose

⁵ Ela inyo mo wandu mseko waloli, msefwane kuwangwa wandu wake; mbari ya kaung'a ichue mikalo.

WUKUMBUSO 32:5 Խաչաձեւ Հղումներ

KUZOYA 6:12

Mlungu ukazighana nao ukawona seji wurumwengu ghunonekie, angu wandu wose werekoghe wikibonya mawiwi ndoenyi.

ZABURI 78:8

Ndewichaaghilika na kulegha sa weke wawae, awo wiserekoghe na irumirio jimange kwa Mlungu hata kukaia mloli kwake.

KUFUMA 32:7

BWANA ukamzera Musa, “Bonya shwa-shwa kusee, angu wandu wako awo korewifunyireghe isanga ja Misri wabonya kaung'a na kunisigha.

MAKATANISHO 8:8

Malagho ghose nidedagha ni gha hachi, ndeghina mikalo ingi hata ndeghilaghashagha.

ISAYA 1:4

To! E mbari ya kaung'a, wandu wilemerwagha ni wuwiwi; mavalo gha wabonyi kiwiwi wana wibonyagha laghe-laghe. Wamsighie BWANA, wammenyere Mlungu, Mweli wa Israeli, watane nao na kuwuya nyuma putu.

ISAYA 63:8

Mlungu oreghambieghe, “Kwa loli awa ni wandu wapo, wana wisedimagha kughora tee;” nao ukawuya Mkiri wawo.

HOSEA 9:9

Waawuyabonya mawiwi icho kisha, sa iji koni werekoghe Gibea. Mlungu uchakumbuka mawiwi ghawo, na kuwikaba.

ZEFANIA 3:7

Neregheshereghe wandu wapo wichanitala, winughe mawonyero na mafundisho ghapo kuseko kuliwa. Ela shwa wori wikaazama kuchumba imbiri.

MITALO 23:21

Uo ndewonie mzwana ghungi ghuzamie kwa Jakobo, hata kuwona wasi ghungi kwa Israeli anduangi. Uo BWANA Mlungu wawo oko andwamweri nawo, na mzuri m'baa wawuyaghora aghadi kwawo.

MATHAYO 16:4

Kivalwa cha wuwiwi na kulaka chialola mwakilimbiti, nacho ndechichaanekwa mwakilimbiti ungi, ela uja moni wa Jona.” Nao ukawisigha ukaghenda chia yake.

MATHAYO 17:17

Jesu ukatumbulia, “Inyo kivalwa chisewadie irumirio, chilagharie; nichakaianya nenyo hata lii? Nicharumaghianya nenyo hata lii? Mredenyi uo mwana kwapo.”

MATHAYO 3:7

Nao iji Johane wawiwona Mafarisayo wengi na Masadukayo wikimchea uwibaputize ukawizera, “Inyo kivalwa cha choka! Nani umfundire mughikimbie agho makabo ghichagha?

LUKA 9:41

Jesu ukatumbulia, “Inyo kivalwa cha lubando, chisewadie irumirio, niduanya nenyo hata lii? Nirumaghianya nenyo hata lii? Mrede mwanwako aha.”

JOHANE 8:41

Inyo mwaawuyabonya sa ndeyo.” Nao wikamzera, “Isi ndederevaloghe kwa chia ya kulaka, deko na Aba umweri, Mlungu moni.”

MABONYO GHA WADUMI 2:40

Na kwa malagho mazima mengi ukawishuhudia na kuwishashira ukighamba, “Mkukire mmbeni na kivalwa ichi chizamie.”

MABONYO GHA WADUMI 7:51

“Inyo wandu mghilikie mseghalukagha, ngolo renyu na madu ghenyu gheeka sa gha watasi milimu, matuku ghose mwadamtangala Roho Mweli, sa iji koni weke ndeyo werekoghe wikibonya.

2 WAKORINTHO 11:3

Ela naobua angu mwadima kukalikia seji choka eremkalieghe Hawa kwa wukalo ghwake, nao mdime mwakusigha kuja kukufunya kwa loli kwa kuwadiana na Kristo.

WUKUMBUSO 31:29

Angu namanya loli nyuma ya kufwa kwapo, mchazama na kuisigha nambai iyo chia neremlaghirieghe; na kwa matuku ghichagha mchapatwa ni mawiwi, angu mchabonya kiwiwi imbiri ya BWANA, na kwa kazi renyu, mcham'bonya ujoko ni machu.”

WUKUMBUSO 32:20

Nao ukaghamba, ‘Nichawisigha niwone ngera kutua kwawo kuchakaia wada; ni kivalwa chilagharie, ni wana wisewadie wuloli andenyi kwawo.

WUKUMBUSO 4:16

mkumanye, msakebonya wuwiwi kwa kukuwachira fwana ya kindo chingi chiwonekagha chifwanane na mndwawomi angu muka;

WUKUMBUSO 4:25

“Kukakaia isangenyi luma hata kughosie, kuve wana, na wana wive weke wawayo; kusebonye mawiwi kwa kuwacha mlimu ghufwananagha na kilambo icho chose imbiri ya BWANA Mlungu wako, kuchawusira machu ghake.

WUKUMBUSO 9:24

Kufuma nazoya kummanya, inyo mwadamlegha BWANA toe.

WAFILIPI 2:15

mpate kukaia wandu mseghorwagha kiwiwi, hata kukaia na ikosa jingi anduangi; wana wa Mlungu msewadie iboli jingi, aghadi ya kivalwa chinonekie na cha kaung'a; mking'ala-ng'ala aghadi kwawo sa miengere wurumwengunyi.

WATANYI 2:19

Ela nyuma ya uo mtanyi kufwa, werekoghe wikiwuya nyuma na kubonya maza richumbie rija ra imbiri rerekoghe rikibonywa ni weke ndee kwa kuidumikia na kuighoghomia milungu mizima; wikadua andenyi ya lung'eto na mabonyo ghawo mawiwi.