WUKUMBUSO 32:4 - Biblia Ilagho Jiboie Kwa Wandu Wose

⁴ “BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.

WUKUMBUSO 32:4 Խաչաձեւ Հղումներ

KUZOYA 1:31

Mlungu ukazighana kula kilambo uchibonyere, nao ola ukawona vose vaboie na ndighi. Kukakaia nakenyi, kukakaia nakesho, ituku ja karandadu.

KUZOYA 18:25

Ai! BWANA wapo kusebonye ilagho iji jebwagha wahachi chiaimweri na wawiwi, hata mhachi usakefwananishwa na mmbiwi; ilagho ijo jisebonyeke kwako. Welee, ndeifwane Mtanyi wa wurumwengu ghose kubonya agho ghiko gha hachi anguwada?”

2 SAMUELI 22:47

“BWANA oko moyo; uo mlindiri wapo ndekaso; Mlungu wapo ndekumo nandighi, uo uko mlindiri na mikiri wapo

2 SAMUELI 23:3

Mlungu wa Israeli waghorie, uo uko mbanga ya Israeli wanizerie, “Iji mndumu wabonya nguma aighu ya wadamu kwa hachi, ukibonya nguma uko andenyi ya kuobua kwa Mlungu,

2 MALAGHO GHA NGELO 19:7

Idana muobuonyi BWANA; mkulindie na ijo m'bonyagha, angu BWANA Mlungu odu ndelaghashagha loli, hata ndesaghuagha, hata ndetuwagha.”

NEHEMIA 9:8

Koremmbonieghe kukaia mloli kwako, kukam'bonyera ilaghano. Koremlaghirieghe kumneka isanga ja Wakanaani, na isanga ja Wahiti na Waamori; isanga ja Waperizi na ja Wajebusi, na Wagirgashi, jikaie isanga jichaakailwa ni kivalwa chake. Kukakatisha ilaghiro jako angu korekoghe mloli.

AYUBU 34:10

“Kwa huwo nisikirienyi inyo wandu mtambukilwagha. Ndeidimikagha putu Mlungu kubonya mawiwi; Uo-Uwadie-Ndighi-Rose ndedimagha kubonya makosa.

AYUBU 35:14

Ni kuchumba saki iji kughambagha ndekuwuemmbona; na wei maza rako warimanya to, na kedi mwandu ghwako waghumanya to kummbeserie.

AYUBU 36:23

Nani udimagha kumghoria Mlungu jebonya, angu nani udimagha kumshitakia kukaia mkosi?

AYUBU 8:3

Welee, Mlungu wadalaghasha loli? Angu Uo-Uwadie-Ndighi-Rose wadalaghasha hachi?

ZABURI 100:5

BWANA ni mucha; lukundo lwake lwadua kwa kala, na wuloli ghwake ghwadua vivalwa vose.

ZABURI 138:8

BWANA, kuchakatisha malaghiro ghako kwapo; lukundo lwako lukatie ee BWANA lwadua kwa kala. Kusakesigha kazi kuibonyere.

ZABURI 145:17

BWANA ni mhachi kwa ghose ubonyagha, nao ni wa wughoma kwa mabonyo ghake ghose.

ZABURI 146:6

uo uumbie mlungunyi na ndoenyi, bahari na vose viko andenyi yaro. Uo wadakatisha malaghiro ghake;

ZABURI 18:2

BWANA mlindiri wapo; ni ngome yapo na mkiri wapo. Mlungu wapo ni mlindiri wapo nimkimbiriagha. Uo ni sa ngao yapo, na Mkiri wapo uwadie ndighi; nuo andu kwapo kokimbiria.

ZABURI 18:46

BWANA oko moyo; mlindiri wapo ndekaso. Uo Mlungu Mkiri wapo ndekumo.

ZABURI 19:7

Sharia ya BWANA ni ya loli putu, irukishagha roho; memu ya BWANA ni erumirilwa, imnekagha mkelu hikima.

ZABURI 31:5

Nakuwika mikonunyi kwako; oho kwanikombue ee BWANA, Mlungu wa loli.

ZABURI 33:4

Ilagho ja BWANA ni ja loli, na kazi rake rose radabonywa kwa wuloli.

ZABURI 78:35

Wikakumbuka kukaia Mlungu nuo orekoghe mlindiri wawo, uo Mlungu Uo-Uko-Aighu-Nandighi mkomboli wawo.

ZABURI 9:16

BWANA wakumanyishire moni kwa kutanya kwake kwa hachi, wawiwi wawadwa ni mabonyo ghawo gheni.

ZABURI 90:16

Kudiwonyere kazi rako isi wadumiki wako, na kivalwa chedu chiwone wudimi ghwako ghwa wubaa.

ZABURI 92:15

Huwo ni kuwonyera kukaia BWANA ni mhachi, hata ndekuwadie kiwiwi chingi andenyi ya mlindiri wapo anduangi.

ZABURI 97:2

Mawingu na kira kibaa vammara chia rose, wabonya nguma kwa hachi na loli.

ZABURI 98:3

Wakumbuka lukundo lwake lukatie na wuloli ghwake kwa wandu wa Israeli. Wandu wose kula andu wawonie wusimi ghwa Mlungu odu.

ZABURI 99:4

Mzuri wa kudima, oho kwadaikunda hachi; kwaimangishire loli andenyi ya Jakobo, kwaredie hachi na loli.

KUFUMA 34:6

Niko BWANA ukaida imbiri kwake ukaghamba, “Ini BWANA, ne Mlungu uchuagha wughoma, mmboa obonya machu, uchuagha lukundo na wuloli.

MCHILI 3:14

Naichi kukaia kula kindo Mlungu uchibonyagha chiadua. Ndeidimikagha kuchuria angu kupunguza kilambo chingi; Mlungu oobonya huwo wadamu wipate kumuobua.

ISAYA 17:10

Kwa kukaia oho Israeli kwamerie kumliwa Mlungu uo ukukiragha, hata ndekuikumbukie Mbanga yako ekimbiria. Kwa huwo, hata ngera kwawa miwalwa ighokie, na kuiwika kwa wundu ghwa milungu ya kighenyi,

ISAYA 25:1

Ee BWANA, oho ko Mlungu wapo; nichakukuma na kujikasa irina jako, angu oho kwabonya maza ra mashiniko, na mipango ya hachi na loli koreibonyereghe kokala.

ISAYA 26:4

Kumrumirie BWANA matuku ghose, angu BWANA MLUNGU ni mbanga ya kala na kala.

ISAYA 28:16

Kwa huwo Bwana MLUNGU waghora huwu, “Olenyi nawika igho Sioni, kwa wundu ghwa msingi, ni igho ja mbembenyi jitimilo jiko ja zoghori mbaa kwa wundu ghwa msingi ghumange, jiandikilo, ‘Uo urumiriagha, ndechaafushwa waya anduangi.’

ISAYA 30:18

Kwa wundu ghwa agho, BWANA wakaia ukimmbeseria kumfuya wughoma putu, wakunde na ndighi kuwonyera wughoma ghwake aighu yenyu. Kwa kukaia BWANA ni Mlungu wa hachi; warasimilwa awo wose wimmbeseriagha na kusuwiria kwake.

ISAYA 32:2

Kula umu wawo uchawuya andu kokimbiria ngelo ya kiremba, kituwirio ngelo ya kikulughulu; wichakaia sa ndoria ra machi ikarenyi na kiju cha igho ibaa andenyi ya isanga jiomie.

JEREMIA 10:10

Ela BWANA ni Mlungu wa loli; Uo ni Mlungu uko moyo, na Mzuri wa kala na kala. Ndoe yadasughuswa ni machu ghake, iro mbari ra wandu nderidimagha kurumaghia lubio lwake.

JEREMIA 9:24

Ela uo ukukasagha ndekukase kwa ilagho iji: kukaia, wawuyaelelwa na kunimanya ini angu ne BWANA uo ubonyagha lukundo lukatie, loli na hachi ndoenyi; kwa kukaia ini nadaboilwa andenyi ya maza iro.”

DANIELI 4:34

Nebukadnezari ukaghamba, “Kutua kwa agho matuku, ini Nebukadnezari nerewusireghe meso ghapo cha mlungunyi, nawurilwa ni akili rapo, ngamkasa Uo-Uko-Aighu-Nandighi, ngamkasa na kumneka ishima uo uduagha moyo kwa kala na kala. Uo wadabonya nguma kwa kala na kala, na wuzuri ghwake ghwadakaia vivalwa na vivalwa.

DANIELI 4:37

Idana ini Nebukadnezari, nadamkasa, na kumkuma, na kumneka ishima Mzuri wa mlungunyi; angu kazi rake rose ni ra loli, na chia rake ni ra hachi. Wandu wose wighendagha kwa kukukasa, oko na ndighi ra kuwisera.”

HABAKUKI 1:12

Ee BWANA Mlungu wapo, kuko Mweli wapo, si oho kumoni kuko wa kala na kala? Ndedifwagha kungi. Ee BWANA, ni oho kumoni kuredie Wababuloni wipate kutanya, na oho ee Mlindiri, koowimangisha wipate kudikaba.

HABAKUKI 1:13

Kudima wada kurumaghianya na awa wandu wawiwi wikalie ee BWANA? Kwa kukaia meso ghako ni gha wueli ghisekundagha kuzighana mawiwi na makosa. Kwaki kunyamagha kima ingelo awo wandu wawiwi wiwitoteshagha wandu wa hachi kuwichumba awo?

ZEFANIA 3:5

Ela BWANA ni mhachi andenyi ya ugho muzi, ndebonyagha makosa; wadawonyera hachi yake kwa wandu wake nakesho hata nakenyi. Ela wandu wiseko na hachi wadachuria kubonya makosa hata ndewifwagha waya anduangi.

MATHAYO 5:48

Kwa huwu mkaie wandu wikatie seji Ndeyo onyu uko mlungunyi, ukatie.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 1:17

Angu Mlungu orefunyireghe Sharia kwa chia ya Musa, ela mvono na loli verechieghe kwa chia ya Jesu Kristo.

JOHANE 14:6

Jesu ukamtumbulia, “Ini nuo Chia, na Loli, na Irangi; mndungi ndedimagha kucha kwa Aba useidirie kwapo.

JOHANE 5:22

Uja Aba ndemtanyagha mndungi anduangi, ela wamnekie uja Mwana wudimi ghose ghotanya;

WAROMA 1:32

Hata ngera waichi wori Mlungu walaghirie kukaia awo wibonyagha maza iro yawifwana kufwa, ndewiwuyeribonya tu, ela warumiriana na awo wiribonyagha wori.

WAROMA 2:2

Isi daichi kukaia kutanya kwa hachi kwa Mlungu ni aighu ya awo wibonyagha maza sa iro.

WAROMA 2:5

Ela kwa kukulwa ni ngolo kwako, kusene wundu ghohea, kwaawuyakuwikia kumoni machu Ituku ja Kutanywa; iji kutanya kwa hachi kwa Mlungu kuchaafunukulwa.

WAROMA 3:5

Da dighora wada ikakaia wuwiwi ghodu ghwadumika kwa kuiwonyera hachi ya Mlungu? Dadima kughamba wei Mlungu waawuyabonya makosa kwa kudikaba? (Naghora kimdamu).

1 WAKORINTHO 10:4

na wose wikanywa kunywa kumweri kwa kiroho. Angu werenyueghe kufuma kwa ijo Igho ja kiroho, ijo jerewinughieghe; na Igho ijo jerekoghe Kristo.

WUKUMBUSO 10:18

Wadabonya maza riko ra loli kwa wana wakiwa na waka wakiwa, nao wadamkunda mghenyi, na kumneka vindo na nguwo.

WUKUMBUSO 32:15

“Wandu wa BWANA werewurieghe wazuri wa mali, ela waleghi; werejieghe vindo wikabanda na kusisina. Weremsighieghe Mlungu Muumbi wawo, na kumlegha mkiri wawo uwadie ndighi.

WUKUMBUSO 32:18

Weremliwieghe Mlungu wawo, uo Mkiri uwadie ndighi, uo uwinekagha irangi.

WUKUMBUSO 7:9

Kwa huwo manyenyi kukaia BWANA Mlungu onyu, ni Mlungu; nao ni mloli umaziriagha ilaghano na kukaia na lukundo lukatie kwa awo wimkundagha na kuiwadia memu yake hata vivalwa elfu;

JAKOBO 1:17

Kula kuneka kuboie, na kula inosi jikatie, jadafuma aighu, jikisea kufuma kwa uja Aba wa miengere. Uo ndeughalukagha, hata kukaia na kiju cheghaluka anduangi.

JAKOBO 4:12

Mfunyi Sharia na mtanyi ni umweri; nao nuo udimagha kukira na kutotesha. Ela oho koko ani kudimagha kumtanya mmbenyu?

1 PETRO 2:6

Angu yaandikilo: “Ola niawika igho aighu ya Sioni, igho ja mbembenyi, jisaghulo, ja zoghori mbaa; na uo ose uchaarumiria kwake, ndechaafushwa waya anduangi.”

1 SAMUELI 2:2

“Ndekuwadie mweli ungi uko sa BWANA, hata ndekuwadie ungi okatanishwa nao; ndekuwadie mlindiri ungi sa Mlungu odu.