WUKUMBUSO 30:9 - Biblia Ilagho Jiboie Kwa Wandu Wose

⁹ BWANA Mlungu onyu ucham'bonya mmbone nicha loli-loli kwa kazi rose mchaaribonya; mchava wana wengi, mkaie na mfugho nyingi, na ndoe renyu richava kwa wungi. BWANA uchaboilwa sena kum'bonya mmbone mecha sa iji koni oreboiloghe kwa weke ndeyo,

WUKUMBUSO 30:9 Խաչաձեւ Հղումներ

JEREMIA 32:41

Nichaboilwa kuwibonyera mecha, nani nichawimangisha andenyi ya iji isanga, kwa ngolo yapo yose na kwa roho yapo yose.

JEREMIA 33:9

Na muzi ughu ghuchaniredia kuboilwa, na makaso, na wubaa, imbiri ya mbari rose ra ndoenyi iro richaasikira malagho gha agho mecha ghose nichaawibonyera; nawo wichaobua na kusughusika kwa wundu ghwa kuwona uko kuboa na agho mecha ghose nichaghubonyera ughu muzi.”

WUKUMBUSO 28:4

Kucharasimilwa kuve wana wengi; ndoe ichava kwa wungi na nyamandu, na mfugho rako richachurikia, na wana wa ng'ondi wako.

WALAWI 26:4

nichamredia vua kwa vimu varo, isanga jipate kuva viro, na midi ive matunda.

JOHANE 15:11

“Namghoria malagho agha, eri kuboilwa kwapo kukaie andenyi konyu, na kuboilwa konyu kukate.

LUKA 15:32

Ni hachi putu kubonya maseko na kuboilwa, angu uhu mwanyinyu orekoghe ufue, nao hoyu oko moyo; orekoghe ulagharie, nao idana wawoneka.’”

JEREMIA 31:28

Na ichakaia sa iji koni nerewiinjireghe na kuwifunya noko, kuwinona na kuwiredia wuwiwi, huwo koni nichawiagha na kuwiwika.

ISAYA 65:19

Jerusalemu ichaniboia, na wandu wapo wichaniboia; lwaka lwa kulila ndeluchaasikirika kwawo, hata kililo na wasi ghungi ndeghuchaakaia anduangi.

WUKUMBUSO 28:63

Na sa iji koni erem'boieghe BWANA kum'bonyera mecha na kum'bonya mchurikie, huwo koni icham'boia kumnona na kumtotesha; nenyo mchainjwa isangenyi ijo mwawuyangia kujiwusa.

WALAWI 26:6

“Nichamredia sere isangenyi, nenyo mchalala mseobuagha mndungi, nichainja nyamandu rose ra ndengwa isangenyi, hata ndemchaakaia na wuda isangenyi anduangi.

ZEFANIA 3:17

BWANA, uo Mlungu wako oko andwamweri na oho; kudima kwake kuchakuredia wusimi. BWANA uchaboilwa ni oho, nao uchakuneka irangi iwishi kwa lukundo lwake. Uchaboilwa na kuzuma aighu yako kwa kubora,

ISAYA 62:5

Sa iji koni mdawana umlowuagha mwai, huwo koni wana wako wichawusa isanga jako; na sa iji koni bwana arusi uboilwagha ni mwai ulowolwagha, huwo koni Mlungu wako uchaboilwa ni oho.

WUKUMBUSO 30:8

Nenyo mchamsikira BWANA Mlungu onyu sena, na kughiwadia malaghiro ghake ghose nimlaghiragha idime.

JEREMIA 31:27

BWANA waghamba, “Ola matuku ghichacha, nani nichabonya isanga ja Israeli na ja Juda jichulo ni wandu na mfugho.

WUKUMBUSO 7:14

Mcharasimilwa kuchumba wandu wose; ndemchaakaia na kolowi ungi wa womi angu wa waka, hata aghadi ya mfugho renyu.

ISAYA 62:4

Ndekuchaawangwa sena “Usighilo,” na isanga jako kuwangwa “Ukimbirilo.” Ela kuchawangwa “Mlungu waboilwanya nao.” Na isanga jako jichawangwa “Ulowolo.” Kwa kukaia Mlungu waboilwa ni oho, na isanga jako uchajiwusa sa mumi waro.