WUKUMBUSO 3:20 - Biblia Ilagho Jiboie Kwa Wandu Wose

²⁰ hata BWANA wawineka wanyinyu kuhora sa inyo mmbeni, nawo weni wikaie ijo isanga winekwagha ni BWANA Mlungu onyu, jiko Jordani nakimonu ii chia cha magharibi; niko mmbuye kula mundu andu kwake aho nimnekie.’

WUKUMBUSO 3:20 Խաչաձեւ Հղումներ

MITALO 32:18

Ndedichaawuya mizinyi mzedu, hata wandu wa Israeli wose wameria kupata kula mundu ifwa jake.

MITALO 32:22

na kujiwada isanga; aho niko mchaawuya na kukaia huru, mselawilwagha ilagho jingi ni BWANA, hata wandu wa Israeli; na isanga iji jichakaia ifwa jenyu mwanekwa ni BWANA.

WUKUMBUSO 12:9

angu ndemvikie kuhora na kupata ifwa ijo BWANA Mlungu onyu umnekagha.

WUKUMBUSO 3:21

Ngelo iyo, neremnekieghe Joshua momu ngighamba, ‘Oho kwawonie na meso ghako maza rose BWANA Mlungu wako ubonyere kwa awa wazuri wawi, nao uchabonya woruwo koni kwa mawuzuri ghose mchaalwa nagho.

JOSHUA 1:15

hata BWANA wameria kuwineka awo wanyinyu kuhora karakara na inyo mmbeni, nawo weni wipate ijo isanga BWANA Mlungu onyu wawuyawineka. Aho niko inyo mchawuya isangenyi konyu mkaie aho cha mashariki ya Jordani andu Musa mdumiki wa Mlungu oremlaghirieghe.”

JOSHUA 22:2

ukawizera, “Mwamerie kukatisha malagho ghose Musa mdumiki wa BWANA oremlaghirieghe; nenyo mwamerie kunisikira kwa ghose nerekoghe ngimlaghira.

JOSHUA 22:4

Na idana BWANA Mlungu onyu wamerie kuwineka wanyinyu kuhora na sere sa iji koni orewilaghirieghe; kwa huwo ghalenyi cha mzinyi konyu, kwa ijo isanga andu ifwa jenyu jiko; ijo Musa mdumiki wa BWANA oremnekieghe kimonu cha Jordani.

JOSHUA 22:8

ukawizera, “Mwawuyaghala muko na mali nyingi: ng'ombe na feza, dhahabu, shaba, chuma, na nguwo nyingi. Mmbaghie wanyinyu ivo vilambo vose muvipatire kufuma kwa wamaiza wenyu.”

JOSHUA 22:9

Niko Wareubeni, Wagadi, na iyo nusu ya kichuku cha Manase, wikafuma wikilaghana na wambao aho Shilo iko isanga ja Kanaani, kuighendia mizi yawo isanga ja Gileadi, ijo werejiwusireghe weni kwa momu ghwa Musa seji orelaghiriloghe ni BWANA.