WUKUMBUSO 26:5 - Biblia Ilagho Jiboie Kwa Wandu Wose

⁵ Na oho kuchaghora malagho agha imbiri ya BWANA Mlungu wako, ‘Aba orekoghe Muarami omara-mara, nao ukasea Misri kukaia mghenyi omara-mara; orekwanyeghe na wandu wake watinieri, ela ukawuya mbari mbaa aho, iko na wandu wengi, wiko na kudima.

WUKUMBUSO 26:5 Խաչաձեւ Հղումներ

KUZOYA 12:2

Nichakubonya kukaie mbari mbaa, sena nichakurasimia na kujibonya irina jako jikaie ibaa; kupate kuwuya marasimio.

KUZOYA 24:4

Ela kuchaghenda mzedu, kwa kivalwa chapo, kumpatire mwana wapo Isaaka muka kufuma aho.”

KUZOYA 25:20

Isaaka orekoghe mundu wa miaka mirongo ina iji oremlowuagha Rebeka, mwai wa Bethueli (Muarami wa Padan-aramu,) mruna Labani Muarami.

KUZOYA 27:41

Nao Esau ukazamilwa ni Jakobo kwa wundu ghwa jija irasimio orejipatireghe kwa ndee, ukaghora ngolonyi kwake, “Matuku ghemlilia aba ghalighisa; kawona ghasia, nicham'bwagha mwanidu Jakobo.”

KUZOYA 28:5

Huwo Isaaka ukamduma Jakobo, nao ukaghenda Padan-aramu kwa Labani mwana wa Bethueli Muarami, mruna Rebeka, mae Jakobo na Esau.

KUZOYA 31:20

Aho Jakobo ukamja akili uo Labani Muarami, kwa kukaia nderemmanyishireghe wei ookunda kughenda anduangi.

KUZOYA 31:24

Ela Mlungu ukamchea Labani Muarami ndodonyi na kio ukamzera, “Kukulindie kusemzere Jakobo ilagho jingi jiboie angu jizamie.”

KUZOYA 31:40

Najie wasi na ndighi; nadime ngibwaghwa ni iruwa, na nakio ngibwaghwa ni mbeo, na dilo rikanilema.

KUZOYA 43:12

Sena mudo pesa mando awi ya rija ra imbiri, angu yamfwane kudwa rija pesa rerewunjiroghe memunyi ya magunia ghenyu kewada redeliwika.

KUZOYA 45:11

Ini moni nichakaia nikikuzighana, angu yasighwa sena miaka misanu ya njala, isechekaia oho na muzi ghwako, na vose kuko navo, kubwaghwa ni njala!’

KUZOYA 45:7

Mlungu odenireda ini imbiri konyu, nipate kumvuvua kwa chia ihi ya mashiniko, na kuchibonya kivalwa chenyu chikaie moyo ndoenyi.

KUZOYA 46:27

Wadawana wa Josefu wawi werevailoghe Misri. Mtalo ghose ghwa wandu wa nyumba ya Jakobo wereghendieghe aho ni mirongo mfungade.

KUZOYA 47:27

Niko huwu Waisraeli wikakaia andenyi ya isanga ja Misri aja Gosheni, wikashama aho, wikava na kuchurikia kwa wungi.

KUZOYA 47:4

Sena wikachuria kughora, “Daacha dikaie sa waghenyi andenyi ya isanga iji kwa kukaia njala yakaia mbaa isanga ja Kanaani, hata ndediwadie andu kolishira mfugho redu. Kwa huwo dakulomba kudirumirie dikaie isanga ja Gosheni.”

KUFUMA 1:12

Ela seji Wamisri werechurieghe kuwikoronga Waisraeli, niko koni Waisraeli werechurikieghe na kuera isangenyi. Na Wamisri wikakaia na wowa na wandu wa Israeli.

KUFUMA 1:5

Mtalo ghwa kivalwa chose cha Jakobo ghorekoghe wandu mirongo mfungade. Mwana wake Josefu orekoghe ajaeni Misri.

KUFUMA 1:7

Ela kivalwa cha Israeli werekoghe wikiva na kuchurikia kwa wungi; wikachurikia na kukaia na ndighi loli-loli, nawo wikachua ijo isanga.

HOSEA 12:12

Jakobo orekimbirieghe cha isanga ja Mesopotamia; aho ukabonya wudumiki gholisha ng'ondi kwa wundu ghopata muka.

HOSEA 12:13

BWANA oremdumieghe mlodi kuwifunya wandu wa Israeli isanga ja Misri; kwa chia ya uo mlodi, wikalindilwa.

MABONYO GHA WADUMI 7:15

Jakobo ukasea Misri, ukafwa aho andwamweri na weke aba.

WUKUMBUSO 1:10

BWANA Mlungu onyu wam'bonyere mkachurikia, na idime mooka sa nyerinyeri ra mlungunyi kwa wungi.

WUKUMBUSO 10:22

Weke ndeyo wa kala wedesea Misri wiko wandu mirongo mfungade, ela idana BWANA Mlungu onyu wam'bonyere mkakaia sa nyerinyeri ra mlungunyi kwa wungi.

WUKUMBUSO 26:4

“Niko mkohani uchawada icho kikapu na kuchiwika imbiri ya madhabahu ya BWANA Mlungu wako.

WUKUMBUSO 7:7

Si angu wei mooka wengi kuchumba wandu wazima ima BWANA ukamkunda na kumsaghua; kwa kukaia inyo moko watini kuchumba wandu wose.