WUKUMBUSO 26:10 - Biblia Ilagho Jiboie Kwa Wandu Wose

¹⁰ Na idana wona nareda mavalo gha imbiri gha ndoe, agho BWANA uninekie.’ Niko aho kughiwike andonyi imbiri ya BWANA Mlungu wako na kumtasa;

WUKUMBUSO 26:10 Խաչաձեւ Հղումներ

WUFUNUO 22:9

Ela uo ukanizera, “Kusakebonya huwo! Ini ne mdumiki sa kumoni, na sa wanyinyu awo walodi na awo wighiwadiagha malagho gha wulodi ghwa chuo ichi; kumtase Mlungu.”

1 WAKORINTHO 10:31

Kwa wundu ugho, ngera mwaja angu kunywa, angu ijo jose m'bonyagha, bonyenyi ghose kwa wundu ghwa wubaa ghwa Mlungu.

WAROMA 2:1

Kwa huwo ndekuwadie ilagho jingi jekudederia ee mdamu, hata ngera koko ani, iji kwamtanya mzima; angu kwa kumtanya, kwaakutanya kumoni; kwa kukaia oho kutanyagha kwadabonya maza iro reni.

ISAYA 66:23

Wadamu wose wichacha kutasa imbiri kwapo kula ituku ibaa ja Mori Lukombe na kula Sabato,” waghamba BWANA.

MAKATANISHO 3:9

Kum'bonyere BWANA ishima kwa kumfunyira mali rako, na kwa kumneka mavalo ghako ghose gha imbiri gha mbuwenyi kwako.

ZABURI 95:6

Choonyi dighoghome dimtase; dimdungie ngokoro BWANA Muumbi odu.

ZABURI 86:9

Mbari rose ra wandu kuribonyere, richacha na kukughoghomia ee BWANA, naro richajineka wubaa irina jako.

ZABURI 22:29

Wandu wose wa ndoenyi wikukasire, wichamghoghomia; awo wose wifwagha wichamdungia ngokoro hee, hata uo usedimagha kukuwika moyo moni.

ZABURI 22:27

Mbari rose ra wandu richamkumbuka BWANA. Wurumwengunyi kose, wandu wichamghalukia uo, na vinyumba vose va wandu vichamtasa.

1 MALAGHO GHA NGELO 29:14

“Ela ini na wandu wapo deko kii hata didime kukufunyira kwa ngolo huwu? Kwa kukaia vilambo vose vadafuma kwako nesi daakuneka iveni vako.

WUKUMBUSO 26:17

Idime mwameria kughora kukaia BWANA ni Mlungu onyu, na kukaia inyo mchabonya seji ukunde, na kuwadia sharia rake na memu yake, na malaghiro ghake, na kusikira seji ughoragha.

WUKUMBUSO 26:4

“Niko mkohani uchawada icho kikapu na kuchiwika imbiri ya madhabahu ya BWANA Mlungu wako.

WUKUMBUSO 26:2

kula umu onyu uwade mavalo ghamu gha imbiri gha ndoe gha kula kichuku agho mkuwidagha andenyi ya ijo isanga mnekwagha ni BWANA Mlungu onyu; mughikumbe kikapunyi, na kughighenja andu BWANA Mlungu onyu uchaakusaghua kukaie komtasira.

WUKUMBUSO 18:4

Wokoni wichapata mavalo gha imbiri gha viro venyu, na divei, na mavuda, na mafuri gha imbiri ghidumbulwagha gha chagha cha ng'ondi renyu.

KUFUMA 22:29

“Kusakemuka kureda mafunyo gha makuwido ghako agheni mecha gha imbiri iji ghakaia tayari. Mchanineka wavalwa wenyu wa imbiri wa womi.

KUFUMA 23:19

“Kula mwaka, kurede nyumbenyi kwa BWANA Mlungu wako, mavalo gha imbiri gha makuwido ghako. “Kusedoghose ndaghina ya mburi andenyi ya mariwa gha mae.

WUKUMBUSO 8:18

Mumkumbuke BWANA Mlungu onyu; angu uo nuo umnekagha ndighi reshama eri mpate kujikatisha ilaghano jake seji orewilaghirieghe weke ndeyo.

MAKATANISHO 10:22

BWANA nuo umrasimiagha mundu uwuye mzuri wa mali; ndemsighagha uje wasi kwa wundu ghwaro.