WUKUMBUSO 23:4 - Biblia Ilagho Jiboie Kwa Wandu Wose

⁴ angu wiseremmareghe na vindo na machi iji morechieghe kufuma Misri, na kwa kukaia weremmbangieghe Baalamu mwana wa Beori kufuma Pethori ya Mesopotamia, uchembwasira njowe, eri wimlipe.

WUKUMBUSO 23:4 Խաչաձեւ Հղումներ

NEHEMIA 13:2

Shekeria yaro ni angu werewiimieghe wandu wa Israeli vindo na machi iji werefumieghe Misri wikamneka Balaamu pesa uwiwasire njowe. Ela Mlungu odu ukaghalua iyo njowe iwuye marasimio.

2 PETRO 2:15

Walagharie kwa kusigha chia ya loli; nawo wanughie chia ya Balaamu mwana wa Beori, uo orekundieghe fwaida kwa kubonya kiwiwi;

MATHAYO 25:40

Aho mzuri uchawitumbulia, ‘Namghoria loli, iji morewibonyereghe awo wanidu watini, modenibonyera ini moni.’

ZEKARIA 2:8

Kwa kukaia BWANA Uwadie-Ndighi-Rose waghamba huwu aighu ya awo werewusagha vilambo venyu kukaia, uo umuadadagha inyo, uaadada mundu wa iriso japo.

1 WAZURI 18:4

hata iji Jezebeli orekoghe ukiwibwagha walodi wa BWANA, Obadia orewivisireghe walodi ighana mbangenyi kwa kuwiwagha vipughi viwi va mirongo-misanu mirongo-misanu; ukakaia ukiwineka vindo na machi.)

1 SAMUELI 25:11

Nao niwade mkate ghwapo, na machi ghapo, na nyama rapo nabwaghia wandu wapo wedumbua ng'ondi rapo mafuri, nineke wandu nisewimanyagha andu wafuma?”

MITALO 23:7

Balaamu ukawada kudeda na kughamba, “Balaki wanireda kufuma Aramu, mzuri wa Moabu waniredie kufuma mighondi ya mashariki. ‘Choo kuniwasirie Jakobo njowe, choo kuniewerie Israeli!’

MITALO 22:17

angu loli nichakubonyera ishima ibaa, nani nichabonya ijo jose kuchaanizera; choo kuniwasirie awandu njowe.’”

MABONYO GHA WADUMI 9:4

Ukaghwa andonyi, ukasikira lwaka lukimzera, “Sauli, Sauli! Kwaki kunikorongagha?”

ISAYA 63:9

Kwa matiriro ghawo ghose, uo moni oretiriroghe, na malaika uo orekirieghe imbiri kwake ukawikira. Kwa lukundo na wughoma ghwake orewikombueghe ukawidwa na kuwighenja matuku ghose gha kala.

JUDA 1:11

Ni bugha kwawo! Angu wadanugha iyo chia Kaini oreinughieghe, na kwa wundu ghwa fwaida, wakulekera weni winughe ikosa ja Balaamu, na kutota seji Kora oreleghieghe, ukatota.

JOSHUA 24:9

Niko Balaki mwana wa Sipori mzuri wa Moabu ukawuka kulwa na Israeli, ukaduma kummbanga Balaamu mwana wa Beori upate kummbwasira njowe,

JEREMIA 49:1

BWANA waghamba huwu aighu ya Waamoni, “Welee, Israeli ndewadie wana? Welee, ndena mundu wa ifwa? Kwaki wandu wetasa ghuja mlungu Moleki wingirie isanga ja Gadi, na kukaia andenyi ya mizi yaro?

EZRA 9:1

Nyuma ya maza iri rose kubonywa, vilongozi vimu va wandu wa Israeli wikacha na kunighoria kukaia wandu wa Israeli, wakohani, na Walawi ndewitanyikie na waisanga wiko kaavui na isi awo Waamoni, chiaimweri na maza rawo na Wamoabu, Misri na Wakanaani, Wahiti, Waperizi, Wajebusi na Waamoni. Waawuyabonya maza ireni rizamie rawuyabonywa ni awo wandu.

KILILO CHA JEREMIA 1:10

Wamaiza wawisokie mali rawo rose. Werewiwonieghe wikingia Hekalunyi cheni tiki, andu BWANA orewighirieghe wandu wa mbari zima wisengie.

EZEKIELI 44:9

“Kwa huwo, ini Bwana MLUNGU naghamba: Mghenyi ungi useshamishiro hata usenisikiragha, wiko aghadi ya wandu wa Israeli, ndeuchaangia Hekalunyi kwapo anduangi.