WUKUMBUSO 20:1 - Biblia Ilagho Jiboie Kwa Wandu Wose

¹ “Mkakaghenda wudenyi kulwa na wamaiza wenyu, nao mmbone farasi, magare, na ijeshi ibaa kuchumba jenyu, msewiobuo; BWANA Mlungu onyu uo oremfunyireghe isanga ja Misri oko andwamweri nenyo.

WUKUMBUSO 20:1 Խաչաձեւ Հղումներ

KUZOYA 26:3

Kaia aeni aha sa mghenyi nani nichakaia andwamweri na oho na kukurasimia; kwa kukaia masanga agha ghose nichakuneka oho na kivalwa chako, nani nichakatisha ighemi japo nijibonyere na ndeyo Abrahamu.

2 MALAGHO GHA NGELO 14:10

Asa ukafuma ukwane nao, wikakupanga kulwa wuda andenyi ya vololo ya Zefatha aho Maresha.

2 MALAGHO GHA NGELO 14:11

Asa ukamlilia BWANA Mlungu wake, “Ee BWANA, ndekuwadie ungi udimagha kutesia aghadi ya awo wiwadie ndighi na wanyonge sa oho. Ditesie ee BWANA Mlungu odu, angu daawuyakusaghika na oho, na kwa irina jako, dacha kulwa na iji izungu ja wandu. Ee BWANA, oho ko Mlungu odu, kusesighe mndungi ukusime.”

2 MALAGHO GHA NGELO 20:12

Witanye Mlungu odu, angu isi ndediwadie ndighi relwa na ijo izungu ibaa ja wandu wichagha kulwa nesi. Ndediwadie jingi jebonya, ela daawuyakusuwiria oho.”

2 MALAGHO GHA NGELO 20:15

Ukaghamba, “Sikirenyi inyo mmbose wandu wa Juda, nenyo mkaiagha Jerusalemu, na Mzuri Jehoshafati: BWANA wamzera kukaia msekambo ni chongo hata kujiobua ijo izungu ibaa ja wandu, angu wuda si ghonyu ghungi ela ni ghwa Mlungu.

ZABURI 118:6

Neko na BWANA, sichaaobua; mdamu wadima kunibonya wada?

ZABURI 20:7

Wandu wamu wadakukasa na magare, na wamu na farasi, ela isi dichakukasa na ndighi ra BWANA Mlungu odu.

ZABURI 23:4

Hata ngera naida aghadi ya vololo ya kira chikambie na ndighi, sichaaobua kiwiwi chingi; angu oho BWANA koko andwamweri nani; zobo yako na mzata ghwako, vanilindia.

ZABURI 46:11

BWANA wa majeshi okwanye nesi, Mlungu wa Jakobo nuo andu kodu kokimbiria.

ZABURI 46:7

BWANA wa majeshi okwanye nesi, Mlungu wa Jakobo nuo andu kodu kokimbiria.

ZABURI 46:8

Choonyi mmbone kazi ra BWANA; wabonya ndoenyi kukasighwa kuduu.

KUFUMA 20:2

“Ini ne BWANA Mlungu wako, nerekufunyireghe isanga ja Misri, kufuma wuzumbenyi.

ISAYA 31:1

Ni bugha kwa awo wiseagha cha Misri kulola wutesia, na kukusaghika na farasi na magare ghawo gha wuda wei angu ghiko mengi, na wajoki farasi wei angu wiko na ndighi; nawo ndewikusaghikagha na Mlungu, Mweli wa Israeli, hata kulola wutesia kwa BWANA anduangi.

ISAYA 41:10

Msakeobua, angu neko andwamweri na inyo, msekambo ni chongo, angu Ini ne Mlungu onyu. Nichamchuria ndighi, nichamtesia; nichammaziria na kumsimia kwa ndighi rapo.

ISAYA 43:2

Hata ngera kwaida aghadi ya machi mengi, ini nichakaia andwamweri na oho. Kukaida aghadi ya meda ya machi mengi, ndegichaakudwa anduangi. Kukaida aghadi ya modo, ndekuchaahia; hata lumu lwa modo lukakuleta, ndekuchaalungua anduangi.

ISAYA 7:14

Kwa huwo, Bwana moni uchamneka alama. Ola, mwai uchakaia na kifu, uve mwana wa womi, na irina jake uchawangwa Immanueli.

JEREMIA 16:14

BWANA waghamba, “Zighanenyi matuku ghichacha wandu wisechaaghora wei ‘Sa iji BWANA uko moyo, uo orewifunyireghe wandu wa Israeli isanga ja Misri,’

ZEKARIA 10:5

Wandu wa Juda wichakaia wasimi sa masikari wifashagha wamaiza wawo a mazozonyi chienyi. Wichalwa na kuwisima wajoki farasi, angu BWANA oko andwamweri nawo.

MITALO 10:9

Iji mwaghenda wudenyi kukwana na m'maiza onyu wawuyamkoronga isangenyi konyu, mkabe tarumbeta ya lwaka loturusa, eri mpate kukumbukwa imbiri yapo ini BWANA Mlungu onyu, nani nichamkira na wamaiza wenyu.

MITALO 23:21

Uo ndewonie mzwana ghungi ghuzamie kwa Jakobo, hata kuwona wasi ghungi kwa Israeli anduangi. Uo BWANA Mlungu wawo oko andwamweri nawo, na mzuri m'baa wawuyaghora aghadi kwawo.

WAROMA 8:31

Dighora wada idana aighu ya maza iri? Ikakaia Mlungu uko cha kodu nani udimagha kuditangala?

WUKUMBUSO 1:29

“Niko ngamzera, ‘Msengilo ni kiture, hata msakewiobua.

WUKUMBUSO 2:7

“BWANA Mlungu onyu wamerie kumrasimia kwa kazi rose mwawuyabonya, waichi seji mghendagha aghadi ya ichi kireti kibaa; miaka ihi yose mirongo ina, BWANA Mlungu onyu orekoghe andwamweri nenyo; hata ndemsowie kindo chingi anduangi.

WUKUMBUSO 20:2

Mkalighisa kuzoya wuda, mkohani uchafuma ukaie naimbiri ughore na ijeshi

WUKUMBUSO 20:3

na kuwizera, ‘Sikirenyi ee Israeli, mwalighisa kulwa na wamaiza wenyu: msefo ngolo, angu kungilwa ni kiture, angu kusughusika, hata msakewiobua.

WUKUMBUSO 31:6

Mkaie mang'oni ghimange; msakewiobua, hata kukaia na kiture nawo; kwa kukaia ni BWANA Mlungu onyu wawuyaghendanya nenyo; ndechaamsigha hata kumuda anduangi.”

WUKUMBUSO 31:8

BWANA nuo ukiriagha, nao uchakaia andwamweri na oho; ndechaakusigha, hata kukuda anduangi; kusekambo ni chongo.”

WUKUMBUSO 7:1

“Iji BWANA Mlungu wako wamreda isangenyi ijo mngiagha kujiwada, na kuinja mbari nyingi imbiri konyu, Wahiti, Wagirgashi, Waamori, Wakanaani, Waperizi, Wahivi, na Wajebusi, mbari mfungade mbaa riko na ndighi kumchumba,

WUKUMBUSO 7:18

Msewiobuo; kumbukenyi seji BWANA Mlungu onyu orem'bonyereghe mzuri wa Misri yose.

WUKUMBUSO 7:21

Msakewiobua; BWANA Mlungu onyu oko aghadi konyu. Uo ni Mlungu m'baa oobosha.

WUKUMBUSO 9:3

Ela idana mchawona mmbeni kukaia BWANA Mlungu onyu uchaghenda imbiri konyu sa modo ghulunguragha; uchawikaba na kuwitotesha imbiri konyu, nenyo mchawiwinga noko na kuwitotesha shwa-shwa sa iji koni BWANA Mlungu umlaghirie.

JOSHUA 1:5

Ndekuwadie mndungi uchaakusima matuku ghose gha irangi jako. Sa iji koni nerekaieghe andwamweri na Musa, huwo koni nichakaia andwamweri na oho; sichaakupungukia hata sichaakusigha anduangi.

JOSHUA 1:9

Nechi nakulaghira too. Kukaie na ndighi sena kukaie ing'oni; kusakeobua hata kufwa ngolo, angu Ini BWANA Mlungu wako, nichakaianya na oho andu kose kuchaaghenda.”

JOSHUA 11:9

Joshua ukawibonya sa iji koni orelaghiriloghe ni BWANA, ukachikanya farasi rawo maghu, na kughikora magare ghawo.

WATANYI 6:12

Malaika wa Bwana ukamfutukia ukamzera, “BWANA oko andwamweri na kumoni, oho ing'oni jiwadie ndighi.”

WATANYI 6:16

BWANA ukamzera, “Ini nichakaia andwamweri na oho, na oho kuchawikaba Wamidiani seji ni mundu umweri.”

1 SAMUELI 17:32

Daudi ukamzera Sauli, “Mndungi usefo ngolo kwa wundu ghwa u Mfilisti; ini mdumiki wako nichaghenda kulwa nao.”