WUKUMBUSO 2:25 - Biblia Ilagho Jiboie Kwa Wandu Wose

²⁵ Idime niko nizoyagha kungira kiture na wowa kwa wandu wose wimuobuo inyo; kula andu wichaasikira malagho ghenyu, wichasughusika na kukaia na wasi kwa wundu ghonyu.’

WUKUMBUSO 2:25 Խաչաձեւ Հղումներ

KUZOYA 35:5

Hata iji wazoya charo, kiture kibaa chifumie kwa Mlungu chikawingia wandu wa mizi erekoghe mbai-mbai, nawo ndeweredimieghe kuwinugha wana wa Jakobo anduangi.

1 MALAGHO GHA NGELO 14:17

Sare ya Daudi ikaera masanga ghose, na BWANA ukangira mbari rose kiture chemuobua.

ZABURI 105:38

Wiendafuma, Wamisri wikaboilwa, kwa kukaia werekoghe wangilwa ni kiture chawo.

KUFUMA 23:27

“Nichawingira kiture wandu wikutangalagha oho, na kuwikambira chongo wandu wilwagha na oho; nani nichawibonya wamaiza wako wose wikimbie imbiri kwake.

JEREMIA 33:9

Na muzi ughu ghuchaniredia kuboilwa, na makaso, na wubaa, imbiri ya mbari rose ra ndoenyi iro richaasikira malagho gha agho mecha ghose nichaawibonyera; nawo wichaobua na kusughusika kwa wundu ghwa kuwona uko kuboa na agho mecha ghose nichaghubonyera ughu muzi.”

MITALO 22:3

Wamoabu wikawiobua awo wandu nandighi, angu werekoghe wengi; wikangilwa ni kiture kibaa kwa wundu ghwa wandu wa Israeli.

WUKUMBUSO 11:25

Ndekuwadie mndungi uchaadima kumtangala; BWANA Mlungu onyu uchangira wandu wowa na kiture chemuobua inyo kula isanga mchaajiwadia; sa iji koni oremlaghirieghe.

WUKUMBUSO 28:10

Na wandu wose wa ndoenyi wichawona angu BWANA wakusaghue kukaie wake, nawo wichakuobua.

JOSHUA 10:2

ukaobua na ndighi, kwa kukaia Gibeoni ghorekoghe ni muzi m'baa kuchumba Ai; sena ghorekoghe sa mizi ya kiwuzuri, na wandu waro werekoghe mang'oni.

JOSHUA 9:24

Nawo wikamtumbulia Joshua, “Ni kwa kukaia isi wadumiki wako dasikire angu Mlungu onyu kwa loli oremlaghirieghe mdumiki wake Musa kukaia uchamneka isanga iji jose, na angu waisanga wose mchawitotesha; niko isi dikaobua na ndighi hata dikabonya iji ilagho kukira marangi ghedu.

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.