WUKUMBUSO 2:14 - Biblia Ilagho Jiboie Kwa Wandu Wose

¹⁴ Kufuma difumie Kadesh-barnea hata kuruwuka kamoda ka Zeredi, erekoghe miaka mirongo idadu na wunyanya; hata kivalwa chose cha wandu weghenda wudenyi chikasia putu kambinyi sa iji koni BWANA orekoghe wawighemia.

WUKUMBUSO 2:14 Խաչաձեւ Հղումներ

ZABURI 106:26

Kwa huwo ukaghema kukaia uchawisigha wifo kireti.

ZABURI 90:15

Kudineke kuboilwa karakara na matuku koreditiririeghe, na miaka yose ya wasi ghodu.

ZABURI 90:3

Kwadamzera mdamu uwuye andu orekoghe; “Kwadamghalusa uwuye ndoe.”

ZABURI 90:9

Matuku ghedu ghose ghamerelwa ni machu ghako; ghasia sa kusoria ngolo.

ZABURI 95:11

Niko ngaghema kwa machu ghapo kukaia, ndewichaangia kuhorenyi kwapo anduangi.

EZEKIELI 20:15

Aighu ya agho, nerewighemieghe ahoeni kireti kukaia, sichaawingira jija isanga nerewinekieghe, isanga jinorie nandighi, jiboie kuchumba masanga ghose,

MITALO 1:1

Ituku ja imbiri ja mori ghwa kawi, mwaka ghwa kawi nyuma ya kufuma isanga ja Misri, BWANA ukaghora na Musa aho kireti cha Sinai andenyi ya Hema ekwania ukighamba,

MITALO 13:26

Wikacha kwa Musa na Haruni, na izungu ja wandu wa Israeli jose jerekoghe Kadeshi, kireti cha Parani; wikawiredia wandu malagho, na kuwiwonyera matunda gha isanga.

MITALO 32:11

‘Loli cheni ndekuwadie mndungi wa awandu werejokieghe kufuma Misri wa irika ja miaka mirongo iwi na kuchumba uchaajiwona ijo isanga nerelaghirieghe kukaia nichawineka Abrahamu, Isaaka, na Jakobo; angu wiseninughie nicha.’

1 WAKORINTHO 10:5

Elaima sena, wengi wawo Mlungu ndereboilwanyeghe nawo anduangi; angu weretotesheroghe kireti.

WUKUMBUSO 1:19

“Niko dikazoya charo kufuma Mghondi ghwa Sinai, dikaghenda imbiri sa iji koni BWANA Mlungu odu oredilaghirieghe; dikaida chija kireti chose cheobosha morechiwonieghe dikidamba cha isanga ja mighondinyi ja Waamori, dikacha Kadesh-barnea.

WUKUMBUSO 1:2

Ni charo cha matuku ikumi na jimweri, kufuma Mghondi ghwa Sinai hata Kadesh-barnea kuidia mghondi ghwa Edomu.

WUKUMBUSO 1:46

“Nenyo morekaieghe Kadeshi luma; matuku mengi nandighi.

WUKUMBUSO 2:13

“Niko dikaruwuka kamoda ka Zeredi sa iji koni BWANA oredizerieghe.

WUKUMBUSO 2:16

“Nao iji wandu wa wuda wameria kufwa na kutota aghadi ya wandu,

WUKUMBUSO 2:7

“BWANA Mlungu onyu wamerie kumrasimia kwa kazi rose mwawuyabonya, waichi seji mghendagha aghadi ya ichi kireti kibaa; miaka ihi yose mirongo ina, BWANA Mlungu onyu orekoghe andwamweri nenyo; hata ndemsowie kindo chingi anduangi.

JOSHUA 24:7

Hata iji wanikemia ngangira kira ghadi na ghadi yawo na Wamisri, ngaibonya bahari iwimile Wamisri na kuwifinikira; meso ghawo ghikawona seji nawibonya Wamisri; nenyo mkakaia kireti kwa ngelo ndacha.

JOSHUA 5:4

Ihi niyo shekeria ya wandu kushamishwa: wandu wose wa womi werefumieghe Misri, awo wose welwa wuda, werefueghe chienyi nyuma ya kufuma Misri.

JOSHUA 5:6

Kwa kukaia wandu wa Israeli werekoghe wikidamba kireti kwa miaka mirongo ina; hata mbari yose, awo wandu wa wuda werefumieghe Misri, wikatota; angu ndewerelusikireghe lwaka lwa BWANA, hata ukaghema angu ndewichaajiwona jija isanga BWANA orewilaghirieghe weke ndee kukaia uchadineka; isanga jinorie na ndighi.

JUDA 1:5

Idana nakunde nimkumbuse, hata ngera mwamerie kughorelwa malagho ghose kufuma imbiri; kukaia, Mlungu uendawikira wandu isanga ja Misri, konyuma orewitoteshereghe awo wereleghieghe kurumiria.