Wikafukira marumba aighu ya kula andu kotasira milimu mighondinyi kara kara na iro mbari BWANA oreriwingieghe imbiri kwawo; wikabonya malagho ghizamie na kumvavira BWANA hata ukabonya machu.
Ukafukira marumba vololonyi ya Hinomu, ukafunya wana wake wikaie vizongona vekora, kunughana na tabia ra wandu wa iro mbari BWANA oreriwingieghe imbiri ya wandu wa Israeli.
Wokoni wabaa wose wa wakohani na wandu, weresighieghe putu kukaia waloli; wikanugha maza rose rizamie ra mbari ra wandu, nawo wikailusha Hekalu iyo BWANA oreieleshereghe aho Jerusalemu.
BWANA waghamba welee, “Msakekufundisha mighendo ya iro mbari ra wandu; msakeoboshwa ni alama ra mlungunyi, hata ngera iro mbari radaoboshwa ni iro alama.
Kwa huwo, mmbwadie malaghiro ghapo hata na jingi msakenugha tabia mbiwi ra wandu werekoghe imbiri yenyu; jingi msekulushe kwa iro tabia, Ini ne BWANA Mlungu onyu.”
Si kwa wundu ghwa hachi enyu, angu wucha ghwa ngolo renyu mwawuyaghenda kujiwusa isanga jawo anduangi, ela ni kwa wundu ghwa wuwiwi ghwa mbari iri, niko BWANA Mlungu onyu wawuyariwinga noko imbiri konyu upate kukatisha ilagho ijo orewighemieghe weke ndeyo Abrahamu, Isaaka na Jakobo.