WUKUMBUSO 18:1 - Biblia Ilagho Jiboie Kwa Wandu Wose

¹ “Wakohani wiko kichuku cha Walawi, ndewichaakaia na ifungu angu ifwa jingi ja isanga andenyi ya Israeli, ela wichakaia wikija vizongona vekora na mafunyo ghose ghifunywagha kwa BWANA.

WUKUMBUSO 18:1 Խաչաձեւ Հղումներ

JEREMIA 33:18

na wakohani wa Kilawi ndewichaasowa mundu imbiri kwapo ofunya vizongona vekora, na kukora vizongona va viro, na kufunya vizongona kwa kala na kala.”

EZEKIELI 44:28

“Wakohani ndewichaakaia na ifwa jingi; ini nimoni nichakaia ifwa jawo, nenyo ndemchaawiwaghia ifwa jingi andenyi ya Israeli; kwa kukaia, ini nichakaia ifwa jawo.

MITALO 18:20

Sena BWANA ukamzera Haruni, “Oho ndekuchaakaia na ifwa jingi isangenyi, hata ifungu jingi aghadi ya wandu wa Israeli anduangi. Ini ne ifungu jako na ifwa jako aghadi kwawo.

MITALO 26:62

Walawi awo weretaliloghe, wandu wa womi kufuma wa mori ghumweri na kuchumba, werekoghe elfu mirongo iwi na idadu. Walawi ndeweretaliloghe chia imweri na wandu wa Israeli angu wiserenekeloghe ifwa jingi aghadi ya wandu wa Israeli.

WUKUMBUSO 10:9

Kwa huwo Lawi ndene ifungu angu ifwa jingi chiaimweri na waruna; BWANA nuo ifwa jawo sa iji koni BWANA Mlungu onyu oremzerieghe.)

WUKUMBUSO 12:19

Manya kusemliwe Mlawi irangi jako jose kuko isangenyi kwako.

JOSHUA 13:14

Musa nderewinekieghe kichuku cha Lawi isanga jingi, kwa kukaia BWANA oremlaghirieghe kukaia ifungu jawo jichakaia kwa ivo vizongona vekora vifunywagha kwa BWANA.

JOSHUA 13:33

Ela Musa nderewinekieghe kichuku cha Lawi isanga jingi; kwa kukaia orewizerieghe ifwa jawo jichakaia ifungu ja mafunyo ghifunywagha kwa BWANA Mlungu wa Israeli.

JOSHUA 18:7

Ela Walawi ndewichaapata ifwa ja isanga andwamweri nenyo anduangi, kwa kukaia ifwa jawo jichakaia andenyi ya wudumiki ghwa wukohani ghwa BWANA. Sena kichuku cha Gadi, Reubeni, na nusu ya kichuku cha Manase wikaiagha cha mashariki, wamerie kupata ifwa jawo cha mashariki kimonu cha Jordani, ijo Musa mdumiki wa BWANA orewinekieghe.”