WUKUMBUSO 17:16 - Biblia Ilagho Jiboie Kwa Wandu Wose

¹⁶ Umanye usekaie na farasi nyingi ra ijeshi jake, angu kuwibonya wandu wiwuye Misri kwendachuria farasi rikaie nyingi; kwa kukaia BWANA waleghie jingi msewuye ijo isanga.

WUKUMBUSO 17:16 Խաչաձեւ Հղումներ

2 SAMUELI 8:4

Daudi ukamsoka wajoki farasi elfu na maghana mfungade, na masikari gheghenda na maghu elfu mirongo iwi. Daudi ukasaghua farasi rekurudua magare ighana jimweri, ela farasi rimu zima, ukaridumbua mighenu na kurikelemesha.

1 WAZURI 1:5

Niko Adonija mwana wa Daudi kwa Hagithi ukakujosa moni ukighamba, “Ini nichakaia mzuri.” Ukakuwikia magare na farasi, na wandu mirongo misanu wekiria imbiri kwake.

1 WAZURI 4:26

Wokoni Solomoni orekoghe na viwanda va farasi elfu mirongo ina, kwa wundu ghwa magare ghake na wajoki farasi elfu ikumi na iwi.

1 WAZURI 5:6

Kwa wundu ugho kuwilaghire wadumiki wako winidemie misida ya Lebanoni. Wadumiki wapo wichabonyanya kazi na wako, nani nichakulipa mafungu kuchaalomba kwa wundu ghwa wadumiki wako. Kwa kukaia oho kwamanya ndediwadie mndungi uichi kudema midi nicha sa Wasidoni.”

2 MALAGHO GHA NGELO 1:16

Solomoni orekoghe ukireda farasi kufuma Misri, na Kilikia; na washami wa mzuri werekoghe wikirighua kufuma Kilikia.

2 MALAGHO GHA NGELO 9:25

Solomoni orekoghe na viwanda elfu inya va farasi na magare, na wajoki farasi elfu ikumi na iwi orewiwikieghe mizinyi ya magare, na wamu ukakanya nawo Jerusalemu.

ZABURI 20:7

Wandu wamu wadakukasa na magare, na wamu na farasi, ela isi dichakukasa na ndighi ra BWANA Mlungu odu.

KUFUMA 13:17

Hata iji Farao wameria kuwisigha awo wandu wighende, Mlungu nderewimarishireghe chia ya isanga ja Wafilisti, hata ngera niyo erekoghe ya kaavui; angu Mlungu oreghambieghe, “Wandu awa wisecheghaluka na kuwuya Misri ngelo wakwana na wuda ghungi.”

KUFUMA 13:18

Kwa huwo Mlungu ukawimarisha chia ya kireti kulangaya cha Bahari ya Shamu. Wandu wa Israeli wikafuma Misri wiko tayari kwa wuda.

KUFUMA 14:13

Musa ukawizera awo wandu, “Msakeobua, mangenyi mmbone kukia kwa BWANA ucham'bonyera idime; kwa kukaia awa Wamisri muwiwonagha idime, ndemuchaawiwona sena anduangi.

ISAYA 2:7

Isanga jawo jeechulwa ni feza na dhahabu, mashamo ghawo ndeghiwadie kutua; isanga jawo jeechulwa ni farasi, na kubonya magare kwawo ndekuwadie kutua.

JEREMIA 42:19

“BWANA wamzera huwu ee masighariko gha Juda, ‘Mseghende Misri.’ Manyenyi kukaia namghoria idime iji

EZEKIELI 17:15

Ela mzuri wa Juda ukamlegha na kuduma wandu wake Misri wipate kumneka farasi na ijeshi ibaa. Keni huwo loli ukaia nicha? Mundu wadima kubonya maza iro ufufunuke? Mundu wadima kuchikanya ilaghano ufufunuke?

HOSEA 11:5

“Na angu wileghie kuwuya cha kwapo, wichawuya cha isanga ja Misri, na Ashuru uchawuya mzuri wawo.

HOSEA 14:3

Ashuru ndechaadikira, hata farasi ra wuda nderichaaditesia. Ndediwuyaaghora sena kwa milimu, iyo kazi ya mikonu yedu, wei ni milungu yedu. Ee BWANA, kuwiwonie wughoma awo wisewadie weke ndee.”

MIKA 5:10

BWANA waghamba, “Ituku ijo nichariinja nambai farasi rako, na kughinona magare ghako.

WUKUMBUSO 28:68

BWANA uchammbunja Misri na meli, icho charo nereghambieghe kukaia jingi ndemchaachibonya sena; na aho mchakuuza mmbeni kwa wamaiza mkaie wazumba wa womi na wa waka, ela mndungi ndechaamghua anduangi.”

1 SAMUELI 8:11

Ukawizera, “Malagho gha uo mzuri uchaam'bonyera nguma ghichakaia huwu: Uchawada wana wenyu wa womi na kuwibonya masikari wenighenjesha magare ghake, na farasi rake, na wamu weghenda na maghu imbiri ya magare ghake.