WUKUMBUSO 17:12 - Biblia Ilagho Jiboie Kwa Wandu Wose

¹² Mundu ukang'eta, na kulegha kumsikira mtanyi angu mkohani uo udumikagha imbiri ya BWANA Mlungu wako, uchabwaghwa; na kwa chia iyo, mchainja wuwiwi kwa Israeli.

WUKUMBUSO 17:12 Խաչաձեւ Հղումներ

EZRA 10:8

mndungi ukakaia usechee kwa matuku adadu, kwa malaghiro gha wabaa na waghosi uchasokwa mali rake rose; na uo moni uchasighwa kufuma kwa ugho wumweri ghwa wandu wifumie wubarishonyi.

ZABURI 19:13

Kunilindie nisebonye kaung'a ra kidali, hata risenibonyere nguma. Niko nichaakaia mloli putu, na kukaia kula na wuwiwi ghwa kaung'a.

MAKATANISHO 21:11

Mundu odema sare ukanekwa ikabo, mkelu wadapata hikima; mundu wa hikima ukefundishwa uapata kumanya.

HOSEA 4:4

BWANA waghamba, “Mndungi userede mashitakio aighu ya wandu, kwa kukaia mashitakio ghapo gheeka aighu enyu inyo Wakohani.

ZEKARIA 3:7

kukaia, BWANA Uwadie-Ndighi-Rose waghamba, “Kukawadia sharia rapo, na kukatisha kazi kunekelo kuribonye, kuchadua mzighaniri wa Hekalu yapo, na chukumbi raro; nani nichasikira malombi ghako, seji nawuyasikira malombi gha weke malaika awa wawuyakaia kimusi aha imbiri kwapo.

MITALO 15:30

Ela mundu ukabonya ilagho jingi kidali, ukaiagha ni mwisanga angu mghenyi, uamdukana BWANA; mundu uo, uchainjwa kufuma kwa wandu wake.

MITALO 15:31

Angu wajimenya ilagho ja BWANA, na kurinona sharia rake. Mundu uo uchainjwa putu kufuma kwa wandu, nao uchaduka ikosa jake moni.”

MATHAYO 10:14

Ngera mndungi walegha kumkaribisha angu kusikira malagho ghenyu, iji mwakafuma iyo nyumba angu ugho muzi, mghughuduo teri ya maghunyi konyu.

LUKA 10:16

Nao Jesu ukawizera wanughi wake, “Uo umsikiragha inyo, uanisikira ini, na uo umleghagha inyo, uanilegha ini, na uo unileghagha ini, uamlegha uo orenidumieghe.”

JOHANE 12:48

Uo unileghagha ini, nao ndewadagha malagho ghapo, oko na umu umtanyagha. Ilagho jija nijighorie, nijo jichaakaia mtanyi wake ituku ja kutua mbai.

JOHANE 20:23

Iji mwalekia wandu kaung'a rawo, wialekelwa na iji msewilekie, ndewilekelwaghwa anduangi.”

1 WAKORINTHO 5:13

Mlungu uwitanya waja wiko shighadi. “Mmbingenyi uja mundu mmbiwi ufume aghadi konyu.”

WUKUMBUSO 1:43

Niendamghoria, ndemoresikireghe; ela modelegha malaghiro gha BWANA, mkaajoka cha isanga ja mighondinyi mkikukasa.

WUKUMBUSO 10:8

Ngelo ija, BWANA oresaghueghe kichuku cha Lawi widukeghe Sanduku ya Ilaghano ja BWANA; widumikeghe imbiri ya BWANA, na kufunyagha irasimio kwa irina jake hata idime.

WUKUMBUSO 13:11

Niko Waisraeli wose wichaasikira na kuobua, nawo jingi ndewiwuyabonya wuwiwi sa ugho sena aghadi konyu anduangi.

WUKUMBUSO 13:5

Ela uja mlodi angu mtambushiri ndodo, uchabwaghwa; angu wafundisha maza remlegha BWANA Mlungu onyu, uo oremfunyireghe isanga ja Misri; ukamkombua kufuma nyumba ya wuzumba. Mundu ufwane huwo ni mmbiwi, nao waawuyatima kumfunya kwa chia ya irangi BWANA umnekie. Suti ubwagho eri muinjikie ugho wuwiwi.

WUKUMBUSO 13:6

“Mwanyinyu wa mayo, angu mwana wako wa womi angu wa waka, angu muka wako umoni kumkunde, angu mghenyi wako wa ngolonyi, ukakusesea kwa kiviso wei muendetasa milungu mizima iyo hata weke ndeyo wisereiichighi;

WUKUMBUSO 17:13

Na wandu wose wichasikira na kuobua, nawo ndewichawuyang'eta sena anduangi.

WUKUMBUSO 17:7

Awo washahidi niwo wichaazoya kumlasa na magho, ima wandu wazima winughie. Kwa chia iyo, mchainja wuwiwi aghadi konyu.

WUKUMBUSO 18:20

Ela uo mlodi ukubonyagha moni kughora ilagho japo nisemdumie, angu kughora kwa irina ja milungu mizima, suti ufo.’

WUKUMBUSO 18:5

Angu BWANA Mlungu onyu wasaghue kichuku cha Lawi chibonye wudumiki ghwa wukohani kwa kala na kala.

WUKUMBUSO 18:7

wadima kumdumikia BWANA Mlungu wake aho karakara na waruna Walawi awo widumikagha imbiri ya BWANA.

1 WATHESALONIKE 4:2

Angu inyo mwamanya ni mafundishoki deremnekieghe kwa chia ya Bwana Jesu.

1 WATHESALONIKE 4:8

Kwa huwu mndungi ukamenya agha malagho, ndemmenyagha mdamu anduangi, ela uammenya Mlungu; uo umnekagha inyo Roho wake Mweli.

1 TIMOTHEO 5:20

Awo wibonyagha kaung'a kuwikemie imbiri ya wandu wose, eri wazima wiobuo.

JOSHUA 1:18

Uo ose uchaamenya malagho ghako, na kulegha kukusikira uchabwaghwa; oho kaia na ngolo sena kukaie ing'oni.”

WATANYI 20:13

Kwa huwo idana wifunyenyi awo wandu wa kisha wiko Gibea dipate kuwibwagha na kuinja wuwiwi kufuma Israeli.” Ela Wabenjamini ndewerekoghe tayari kusikira lwaka lwa waruna awo wandu wa Israeli anduangi.

1 SAMUELI 3:13

seji neremzerieghe kukaia, nichairedia nyumba yake ikabo ja kala na kala kwa wundu ghwa ugho wuwiwi ughumanyire; kwa kukaia wana wake werekoghe wikimsholia Mlungu, nao nderewikanieghe anduangi.