WUKUMBUSO 16:4 - Biblia Ilagho Jiboie Kwa Wandu Wose

⁴ Mndungi usewoneke na chachu nyumbenyi konyu andenyi ya isanga jenyu jose kwa matuku mfungade; hata nyama ingi ya icho kizongona mfunyagha luma lwa kenyi iselale hata nakesho.

WUKUMBUSO 16:4 Խաչաձեւ Հղումներ

KUFUMA 12:10

Msesighe ingi ilale hata nakesho, ela iyo yose ichaasigharika hata nakesho, mchaikora.

KUFUMA 12:15

“Mchaja mikate isewadie chachu kwa matuku mfungade; ituku ja imbiri mchainja chachu putu nyumbenyi konyu; angu mndungi ukaja mkate ghuko na chachu kufuma ituku ja imbiri hata ituku ja mfungade, uchatengwa putu kufuma kwa wandu wa Israeli.

KUFUMA 12:6

Kummbike hata ituku ja ikumi na inya ja ughu mori, ngelo ikwanyiko jose ja Waisraeli wichaabwagha wana wa ng'ondi wawo nakenyi.

KUFUMA 12:8

Chija kio wichaja nyama iochelo, chiaimweri na mkate ghusewadie chachu, na malemba ghiwawie.

KUFUMA 13:7

Mseje mkate ghuko na chachu kwa matuku mfungade; mkate ghwa chachu ghusewoneke kwako, hata chachu isewoneke andenyi ya isanga jako jose.

KUFUMA 23:18

“Kusefunye mkate ghungirilo chachu ngelo ebwagha kizongona; hata kusesighe mavuda gha nyamandu rifunyiro kizongona kwapo ngelo ya ndima iri, ghikaie hata nakesho.

KUFUMA 34:25

“Kusefunye mkate ghuko na chachu, iji kwakanibwaghia kizongona; na kilambo chingi cherebwaghiloghe kwa Ndima ya Pasaka chisakesigharika hata nakesho.

MATHAYO 13:33

Jesu ukawighoria wandu mfwano mzima sena, “Wuzuri ghwa mlungunyi ghoofwanana na chachu ereranganyiroghe ni muka umu andenyi ya vipimo vidadu va mufu, nagho ghose ghukawurushwa.”

WUKUMBUSO 16:5

Msefunye kizongona cha Pasaka andenyi ya muzi ghungi ghwa iyo mizi BWANA Mlungu onyu umnekagha,