WUKUMBUSO 14:1 - Biblia Ilagho Jiboie Kwa Wandu Wose

¹ “Inyo mo wandu wa BWANA Mlungu onyu; mkakalila ifwa, msekudeme angu kuara maridia ghenyu sa wandu wazima.

WUKUMBUSO 14:1 Խաչաձեւ Հղումներ

KUZOYA 6:2

wana wa Mlungu wikawiwona awo wai wa wadamu kukaia wighokie, nawo wikakusaghuya wai welowua sa iji koni werekundieghe.

KUZOYA 6:4

Kufuma ngelo ija na konyuma, Wanefilimu werekoghe wikilowua wai wa wadamu, na kuva wana. Awo niwo wandu werekoghe mang'oni wikumikie matuku ghaja.

1 WAZURI 18:28

Wikakema kwa lwaka lubaa na kukudema na ndagha na shembe sa mzango ghwawo, na bagha rikadidika.

ISAYA 63:16

Angu oho koko Aba odu, hata ngera weke wawa wedu Abrahamu na Jakobo ndewidimanyagha; ela oho BWANA koko Aba odu na Mkomboli odu kufuma agho matuku gha kala; niko irina jako jerekoghe huwo.

JEREMIA 16:6

Wandu wabaa na watini wichafwa chiaimweri andenyi ya isanga iji; ndewichaarikwa angu kulililwa ni mndungi; na mndungi ndechaakudema-dema angu kukuara iridia kuwonyera wasi kwa wundu ghwawo anduangi.

JEREMIA 3:19

BWANA waghamba, “Yakaiagha nicha saki ngera nedekuwika aghadi ya wana wapo, eri nikuneke isanga jighokie; na ifwa jiboie kuchumba ja mbari rose. Neregheshereghe kuchaniwanga Aba kuseko na ugho wundu ghwa kughaluka na kusigha kughendanya nani.

JEREMIA 31:9

Wichacha wikilila, nani nichawiwunja wikilomba. Nichawighenja mbai-mbai ya meda ya machi, na kwa chia ighorokie wisekuwagha; angu ini ne ndee Israeli, na Efraimu ni mvalwa wapo wa imbiri.”

JEREMIA 41:5

wandu mirongo wunyanya wikacha kufuma Shekemu, na Shilo, na Samaria; sombe rawo riarilo na nguwo rawo rirashukie, wikudemie-demie mimbi yawo weni; nawo werekoghe wadwa mafunyo gha viro na marumba, wipate kughireda andenyi ya Hekalu ya BWANA.

JEREMIA 47:5

Wandu wa Gaza wichaara vongo kwa wasi, na wandu wa Ashkeloni wameria kutota. Ee masighariko gha wandu wa Filistia, mkudema-dema hata lii?

HOSEA 1:10

Elaima sena mtalo ghwa wandu wa Israeli ghuchakaia sa msangagha ghwa baharinyi, ghusepimikagha hata ghusetalikagha anduangi. Na andu Mlungu orewizerieghe, “Inyo ndemko wandu wapo,” uchawizera konyuma, “Inyo mo wana wa Mlungu uko moyo.”

WALAWI 21:5

“Mkohani ungi usedumbuo iridia jake, hata sombe rake, angu kukudema-dema mumbi ghwake kwa kuwonyera wei oko na wasi ghofuilwa.

JOHANE 1:12

Elaima awa weremmbusireghe, wikarumiria kwake, orewinekieghe ndighi rewuya wana wa Mlungu.

JOHANE 11:52

hata si kwa mbari yawo iekeri anduangi, ela uwikwanye chiaimweri awo wana wa Mlungu wisaghisikie.

WAROMA 8:16

Uja Roho moni washuhudia andwamweri na roho redu kukaia deko wana wa Mlungu,

WAROMA 9:26

Na aja koni ighorelo, ‘Inyo ndemko wandu wapo’, wichawangwa ‘Wana wa Mlungu uko moyo.’”

WAROMA 9:4

Awo ni Waisraeli, na uko kubonywa kukaia wana wa Mlungu ni kwawo, na wubaa ni ghwawo, na ilaghano ni jawo, na uko kunekwa Sharia ni kwawo, na wutasi ni ghwawo, na malaghiro ni ghawo;

WAROMA 9:8

Huwu ni kughamba, si wana wivalo kwa chia ya mumbi wikaiagha wana wa Mlungu, ela wana wa ilaghiro niwo witalikagha kukaia kivalwa.

2 WAKORINTHO 6:18

Nani nichakaia ndeyo onyu, nenyo mchakaia wana wapo wa womi na wa waka; waghamba Bwana uwadie ndighi rose.”

WAGALATIA 3:26

angu inyo mmbose moko wana wa Mlungu andenyi ya Kristo Jesu kwa chia ya irumirio.

WUKUMBUSO 13:18

ikakaia mchasikira seji BWANA Mlungu onyu ughambagha, kwa kughiwadia malaghiro ghake ghose nimlaghiragha idime, na kubonya agho ghiko gha hachi imbiri ya BWANA Mlungu onyu.

WUKUMBUSO 32:6

Huwo niko mumlipagha BWANA inyo wakelu msewadie akili? Uo ni ndeyo na Muumbi onyu, wam'bonyere mkawuya mbari.

1 WATHESALONIKE 4:13

Ela wanidu ndedikunde inyo mkaie msemanyagha malagho gha awo wimerie kufwa, eri msechekaia mkiwawa ni ngolo sa wandu wazima awo wisewadie isuwirio.

WAEBRANIA 2:10

Angu erefwaneghe, Mlungu uo uumbie vilambo vose, sena kwa chia yake vikakaia, umkatishe Jesu kwa chia ya matiriro, eri upate kuwireda wana wengi wingie kwa wubaa ghwake. Angu Jesu nuo kilongozi cha kukia kwawo.

1 JOHANE 3:10

Kwa ilagho iji, wana wa Mlungu wawoneka worinyi, na wana wa Ibilisi wori. Uo ose usebonyagha hachi, si wa Mlungu anduangi; hata uo usemkunde mruna.

1 JOHANE 5:2

Kwa ilagho iji damanya angu dawikunde wana wa Mlungu, iji damkunda Mlungu, na kuikatisha memu yake.