WUKUMBUSO 13:5 - Biblia Ilagho Jiboie Kwa Wandu Wose

⁵ Ela uja mlodi angu mtambushiri ndodo, uchabwaghwa; angu wafundisha maza remlegha BWANA Mlungu onyu, uo oremfunyireghe isanga ja Misri; ukamkombua kufuma nyumba ya wuzumba. Mundu ufwane huwo ni mmbiwi, nao waawuyatima kumfunya kwa chia ya irangi BWANA umnekie. Suti ubwagho eri muinjikie ugho wuwiwi.

WUKUMBUSO 13:5 Խաչաձեւ Հղումներ

1 WAZURI 13:19

Nao mlodi ufumie Juda ukawuyanya na uja mlodi wa kala, wikaja vindo nyumbenyi kwake.

1 WAZURI 18:40

Elija ukawizera, “Wadenyi awo walodi wa Baali; msemfufunushe ungi.” Wandu wikawiwada. Elija ukawighenja hata kamoda ka Kishoni, ukawibwagha.

2 MALAGHO GHA NGELO 34:31

Mzuri ukakaia kimusi andu kwake, ukabonya ilaghano imbiri ya BWANA kukaia, uchabonya seji BWANA ukunde, na kuwadia malaghiro ghake, na memu yake, na sharia rake, kwa ngolo yake yose, na kwa roho yake yose, kukatisha malagho gha ijo ilaghano seji ghiandikilo andenyi ya icho chuo.

JEREMIA 14:15

Kwa huwo ini BWANA naghora huwu aighu ya walodi awo wilodagha kwa irina japo nisewidumie, wikighora wei ‘Iji isanga ndejichaachelwa ni kifwa cha lufu na njala;’ awo weni wichabwaghwa kwa lufu na njala.

JEREMIA 29:32

nichamkaba Shemaia Mnehelami na kivalwa chake chose; ndechaakaia na mndungi odua moyo aghadi ya awa wandu, na kuwona iro maza ndicha nichaawibonyera wandu wapo, kwa kukaia wadeda malagho ghewibonya winileghe.’”

JEREMIA 50:6

“Wandu wapo werekoghe ng'ondi rilagharie, rilongozero kiwiwi ni walisha waro, kwa kurighalua na kurighenja aighu mighondinyi; kufuma mghondi m'baa hata mghondi mtini, hata rikaliwa maranu ghawo.

JEREMIA 7:23

Ela nerewinekieghe momu ughu, ‘Munisikire, nani nichakaia Mlungu onyu, na inyo mchakaia wandu wapo; mghende kwa iyo chia cheni nimlaghiragha mpate kuwona mecha.’

ZEKARIA 13:3

Mndungi ukawoneka ukifunya wulodi sena, ndee na mae wimvae wichamzera, ni suti kufo angu kwawuyaghora tee kwa irina ja BWANA; ukafunya wulodi ndee na mae wimvae wichamdunga na ndagha.

MABONYO GHA WADUMI 13:8

Ela uja msawi Elima, (seji uwangwagha Kigriki) ukawitangala ukikunda kujiwunja nyuma irumirio ja uja m'baa wa isanga.

1 WAKORINTHO 5:13

Mlungu uwitanya waja wiko shighadi. “Mmbingenyi uja mundu mmbiwi ufume aghadi konyu.”

WUKUMBUSO 13:10

Kum'bwaghe na magho, kwa kukaia wadalola kukutanya na BWANA Mlungu wako, uo orekufunyireghe isanga ja Misri kufuma nyumba ya wuzumba.

WUKUMBUSO 13:15

muwibwaghe wandu wa ugho muzi na lufu; mughunone muzi putu, chiaimweri na mfugho raro.

WUKUMBUSO 13:9

Ela kukaie wa imbiri kuzoya kum'bwagha, konyuma niko wandu wose wimngirie.

WUKUMBUSO 17:5

mumrede uo mundu angu uo muka ubonyere ilagho ijo iwiwi mbengenyi, na kumlasa na magho hata ufo.

WUKUMBUSO 17:7

Awo washahidi niwo wichaazoya kumlasa na magho, ima wandu wazima winughie. Kwa chia iyo, mchainja wuwiwi aghadi konyu.

WUKUMBUSO 18:20

Ela uo mlodi ukubonyagha moni kughora ilagho japo nisemdumie, angu kughora kwa irina ja milungu mizima, suti ufo.’

WUKUMBUSO 19:19

moomneka adhabu icheni ukundeghe mruna uipate; na kwa chia iyo, mchainja ugho wuwiwi aghadi konyu.

WUKUMBUSO 22:21

wichamfunya uo mwai mnyangonyi ghwa nyumba ya ndee, na wandu wa muzi ghwa kwawo wichamlasa na magho hata ufo; kwa kukaia wabonyere wukelu andenyi ya Israeli kwa kubonya wumalaya uko nyumbenyi kwa ndee. Na kwa iyo chia, mchainja ugho wuwiwi aghadi konyu.

WUKUMBUSO 22:24

mchawifunya shighadi wose mbengenyi ya ugho muzi andu kokwania na kuwilasa na magho hata wifo; kwa kukaia uo nderekemieghe ukikunda wutesia, na sena odeeka aeni mzinyi; na uja mundu nao odenonia mmbao muka wake. Na kwa iyo chia mchainja ugho wuwiwi aghadi konyu.

WUKUMBUSO 24:7

Mundu ukawadwa ukiiwa mruna Muisraeli na kum'bonya mzumba, angu kumuuza, icho kitoi chibwagho. Na kwa chia iyo, mchaaghuinja ugho wuwiwi aghadi konyu.

WUKUMBUSO 26:14

Sijie ijo ifungu ja ikumi ngilila ifwa, hata sijifunyire niseelie, angu kujifunya kizongona kwa wundu ghwa wafu anduangi. Nameria kusikira na kubonya sa iji koni BWANA Mlungu wapo unilaghirie.

WUKUMBUSO 4:19

Sena mkulindie, isekaie iji mwawusira meso ghenyu cha mlungunyi na kuwona iruwa, mori na nyerinyeri, ijeshi jose ja mlungunyi nao mlaghalo kwa kuritasa na kuridumikia, navo ni vilambo BWANA Mlungu onyu uwinekie wandu wose wiko aisi ya mlungunyi kose.

WUKUMBUSO 6:13

Kumuobuo BWANA Mlungu wako, kumdumikie, na kubonya ighemi kwa irina jake.

WUKUMBUSO 7:4

Angu wichawighalua wadawana wenyu wiseninughe, wipate kuitasa milungu mizima; na BWANA uchajokwa ni machu aighu yenyu na kumtotesha shwa-shwa.

JOSHUA 23:8

Ela mmbwadane na BWANA Mlungu onyu, sa iji koni m'bonyere hata ituku ja linu.

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.

WATANYI 20:13

Kwa huwo idana wifunyenyi awo wandu wa kisha wiko Gibea dipate kuwibwagha na kuinja wuwiwi kufuma Israeli.” Ela Wabenjamini ndewerekoghe tayari kusikira lwaka lwa waruna awo wandu wa Israeli anduangi.

1 SAMUELI 12:14

Ikakaia mchamuobua BWANA na kumdumikia, na kumsikira, hata mkaie msesighe memu ya BWANA; nao ikaie inyo chiaimweri na mzuri onyu muamnugha BWANA Mlungu onyu, mchawona nicha.