WUKUMBUSO 13:16 - Biblia Ilagho Jiboie Kwa Wandu Wose

¹⁶ Vilambo vose mwaviwada, muvitumbanye ghadi na ghadi ya ugho muzi andu kuko kuelie, na kughukora muzi chiaimweri navo, sa kizongona chekora chose kwa BWANA Mlungu onyu, nagho ghuchawuya ighacho kwa kala na kala, hata ndeghuchaaghwa sena.

WUKUMBUSO 13:16 Խաչաձեւ Հղումներ

KUFUMA 22:19

Mundu uo ose ulalagha na nyamandu ubwagho.

ISAYA 17:1

Agha nigho malagho aighu ya Dameshki. “Dameshki ndeichaakaia muzi sena, ela ghuchawuya maghacho.

ISAYA 25:2

Kwaghubonyere muzi kuwuya kitungasi, na kurinona iro ngome; ngome ya waghenyi ndeiduagha sena, ndeichaaghwa sena anduangi.

JEREMIA 49:2

Olenyi matuku ghichacha, nani nichabonya kililo cha wandu chisikirike muzi ghwa Raba ghuko kwa Waamoni, nagho ghuchasighwa mduu, na mizi yaro mitini ichakorwa; niko aho Israeli ichawunja isanga jake, waghamba BWANA.

EZEKIELI 26:14

Nichakubonya kuwuye lwalwa luduu; kuchawuya andu koanikia nyavu ra wawadi samaki; ndekuchaaghwa sena anduangi; ini Bwana MLUNGU naghamba.”

MIKA 1:6

Kwa huwo BWANA waghamba, “Nichaibonya Samaria iwuye kitungasi cha mbuwenyi, iwuye andu kowa mizabibu; nicharimicha kokoto ra muzi ghwavuchulwa nokoisi cha vololonyi, na misingi ya muzi ichasighwa miduu.

WUKUMBUSO 7:25

Mkore milimu yawo; msekaie na bea ingi ya feza angu dhahabu rishingilo aighu yaro, hata mseiwuse mchengia mdeghonyi; kwa kukaia radamzamia BWANA Mlungu onyu.

WUKUMBUSO 7:26

Mserede ghungi ghwa iyo milimu mizinyi konyu, mchewadwa ni njowe yawo; muimenye putu angu iwasirilo njowe ni Mlungu.

JOSHUA 6:21

Wikanona vilambo vose va ugho muzi kwa lufu; womi na waka na waghosi, ng'ombe, ng'ondi, na weke punda.

JOSHUA 6:24

Wikakora ugo muzi kwa modo chia imweri na vose verekoghe andenyi yaro. Ela feza na dhahabu, na vilambo va shaba na va chuma wereviwikieghe andu mali ya BWANA iwikwagha.

JOSHUA 6:26

Ngelo iyo, Joshua ukawighemesha wandu ukighamba, “Kula mundu uchaatima kuagha ughu muzi ghwa Jeriko, ndewado ni njowe ra Mlungu. Uo ose uchaagha msingi ghwaro, uchafuilwa ni mwana wake wa imbiri wa womi; Na uo uchaagha mbenge raro, uchafuilwa ni mwana wake wa womi mtini.”

JOSHUA 8:28

Niko Joshua ukaghukora muzi ghwa Ai, ukaghubonya kitungasi hata linu.