WUKUMBUSO 12:7 - Biblia Ilagho Jiboie Kwa Wandu Wose

⁷ Aho mchaja imbiri ya BWANA Mlungu onyu, nenyo mchaboilwa chiaimweri na nyumba renyu kwa wundu ghwa agho ghose m'bonyagha, kwa agho BWANA Mlungu onyu umrasimie.

WUKUMBUSO 12:7 Խաչաձեւ Հղումներ

1 MALAGHO GHA NGELO 29:22

Ituku ijo wikaja na kunywa imbiri ya BWANA kwa kuboilwa kubaa. Nao wikam'bonya Solomoni mwana wa Daudi kukaia mzuri indu ja kawi; wikamdunga mavuda ukaie m'baa kwa wundu ghwa BWANA na Zadoku wikammbika ukaie Mkohani.

NEHEMIA 8:9

Nao iji wandu wasikira malagho gha Sharia, wikawoka kulila. Ela Nehemia uo orekoghe m'baa wa isanga, na Ezra mkohani na mwalimu wa sharia, na Walawi awo werekoghe wikifasiri sharia, wikawizera wandu wose, “Idime ni ituku jielie kwa BWANA Mlungu onyu, msekaie na wasi hata kulila.

MCHILI 3:12

Naichi kukaia ndekuwadie kindo chingi chiboie kwa wadamu chichumbagha kuboilwa na kubonya nicha ngelo wiko moyo.

MCHILI 3:13

Mlungu nuo unosagha wadamu kuja na kunywa na kuboilwa andenyi ya kazi rawo.

MCHILI 5:18

Neechawona huwu: ilagho jiboie putu ni mundu kuja na kunywa na kuboilwanya na icho uchibonyere kazi ngelo ya irangi jake ivui unekelo ni Mlungu. Iji nijo ifungu ja mdamu.

ISAYA 23:18

Biashara rake na mafungu ghake ghupatagha ghichawikwa wakfu kwa BWANA. Ndeghichaawikwa akiba angu kungirwa malinyi, ela mali yaro ichatumilwa kureda vindo kwa wungi, na nguwo riboie kwa awo wimuobuagha BWANA.

ISAYA 62:9

Ela awo wandu weni werevikuwidireghe wichaja vindo varo na kunikasa ini BWANA; na awo wereriwaieghe zabibu wichanywa divei yaro wazenyi kwa Andu kwapo kwa Wueli.”

EZEKIELI 44:3

M'baa wa isanga uekeri nuo udimagha kusea kidombo aho uje vindo va wueli imbiri kwapo. Uchangiria mnyango ghwa chumba cha lukumbinyi na kufuma kwa ugho mnyango ghoni.”

JOELI 1:16

Viro vedu vaawuyatoteshwa dikiwona woruwu; ndekuwadie kuboilwa kungi Hekalunyi kwa Mlungu odu.

JOELI 2:26

Idana mchaja na kughuda, nenyo mchamkasa BWANA Mlungu onyu um'bonyere maza ra mashiniko. Na jingi inyo wandu wapo ndemchaafushwa waya sena anduangi.

WALAWI 23:40

Ituku ijo ja imbiri kudo matunda ghiboie gha imbiri kufuma kwa midi yako, na mbashu ra mitende, na mbashu ra midi iko na malemba, na maria ghiko mbai mbai ya meda; nao kuboilo imbiri ya BWANA Mlungu wako kwa matuku mfungade.

MALAKI 2:13

Mwawuyabonya ilagho jimu sena. Mwawuyachura madhabahu ya BWANA mbori renyu. Mwaawuyalila mkidikwa ni mbori angu walegha kughirumiria mafunyo mwareda.

MABONYO GHA WADUMI 2:46

Na ituku ituku werekoghe wikingia Hekalunyi, na kughuchikanya mkate nyumbenyi kwawo, wikija vindo kwa kuboilwa na ngolo rielie,

WUKUMBUSO 12:12

Nenyo mchaboilwa imbiri ya BWANA Mlungu onyu; chiaimweri na wana wenyu wa womi na wa waka, na wadumiki wenyu wa womi na wa waka, na Mlawi uko mzinyi konyu uo usewadie ifungu angu ifwa jingi ja isanga chiaimweri nenyo.

WUKUMBUSO 12:18

Ela mchaja imbiri ya BWANA Mlungu onyu, andu uchaakusaghua; mchaja oho, na mwana wako wa womi na wa waka, mdumiki wako wa womi na wa wa waka, na Mlawi mkwanye; nenyo mchaboilwa nandighi imbiri ya BWANA Mlungu onyu, kwa maza rose muribonyagha.

WUKUMBUSO 12:8

Ndemchaabonya seji dawuyabonya aha idime, kula mundu ukibonya ijo jim'boiagha moni;

WUKUMBUSO 14:23

Ijo ifungu ja ikumi ja viro vako na divei na mavuda, na wavalwa wa imbiri wa mfugho rako na ng'ondi, kuchajijia andu uko kose BWANA Mlungu wako uchaasaghua kukaie andu komtasira; eri kupate kukufundisha kumuobua BWANA Mlungu wako kari kose.

WUKUMBUSO 14:26

Kukaghenda, kutumie iro pesa seji koni ngolo yako ikunde; kughuo ng'ombe, angu ng'ondi, angu divei, angu chofi ibirie seji koni ngolo yako ikunde, nao kuje ajaeni imbiri ya BWANA Mlungu wako kuboilo oho na wandu wa nyumbenyi kwako.

WUKUMBUSO 15:20

Kuwijeghee kula mwaka imbiri ya BWANA Mlungu wako oho na nyumba yako andu BWANA uchaakusaghua kukaie.

WUKUMBUSO 26:11

na oho chiaimweri na Mlawi, na nyumba yako, na mghenyi omara-mara uko aghadi kwako, mchaboilwa andenyi ya mecha ghose agho BWANA Mlungu wako ukunekie.

WUKUMBUSO 27:7

Mfunye vizongona va mapatano muvijie aho, na kuboilwa imbiri ya BWANA Mlungu onyu.

WUKUMBUSO 28:47

BWANA Mlungu wako orekunekieghe vindo vose kwa wungi, na oho kukalegha kumdumikia kwa ngolo ya kuboilwa;

WAFILIPI 4:4

Boilonyi andenyi ya Bwana matuku ghose; naghamba sena, Boilonyi.