WUKUMBUSO 12:5 - Biblia Ilagho Jiboie Kwa Wandu Wose

⁵ Ela mchalola wulalo andu BWANA Mlungu onyu uchaakusaghua kufumanya na vichuku venyu vose, upate kukubonya kukaia andu komtasira;

WUKUMBUSO 12:5 Խաչաձեւ Հղումներ

1 WAZURI 12:27

Awandu wikajoka kufunya vizongona kwa BWANA Hekalunyi Jerusalemu, wadima kughalusa maghesho ghawo wimmburie Mzuri Rehoboamu wa Juda, nawo winibwaghe.”

1 WAZURI 14:21

Rehoboamu mwana wa Solomoni orekoghe ukibonya nguma isanga ja Juda, nao orekoghe na miaka mirongo ina na imweri ingelo orezoyagha kubonya nguma. Ukabonya nguma kwa miaka ikumi na mfungade aja Jerusalemu, ugho muzi ghoresaghuloghe ni BWANA aghadi vichuku vose va Israeli, eri utasoghe aho. Mae orewangwagha Naama Muamoni.

1 WAZURI 8:16

‘Kufuma ituku jija nerewijosereghe wandu wapo Israeli kufuma isanga ja Misri, seresaghueghe muzi ghungi aghadi ya vichuku vose va Israeli nipate kuagha Hekalu enitasira; ela nerekusaghueghe oho Daudi, kupate kuwibonyera wandu wapo Israeli nguma.’”

1 WAZURI 8:20

“Idana BWANA wameria kujikatisha ilaghiro jake, kwa kukaia nawikilo nichiserie icho kifumbi cha nguma cha Israeli wulalo ghwa aba Daudi, sa iji koni BWANA orelaghirieghe. Idana nameria kuiagha Hekalu emtasira BWANA Mlungu wa Israeli.

1 WAZURI 8:27

“Ela loli Mlungu wadima kukaia ndoenyi? Zighana mlungunyi kwa ighu ndekukukatagha, ni kuchumba saki i Hekalu nakuaghia!

1 WAZURI 8:29

Kuizighane Hekalu ihi kio na dime, andu kukusaghue kutasoghe. Iji nalomba ngiilangaya Hekalu ihi, kunisikire.

2 WAZURI 18:22

Nako mkanizera, “Daawuyakusaghika kwa BWANA Mlungu odu,” welee, suo moni Hezekia uvuchue andu kwake kotasira mghondinyi na ukizera wandu wa Juda na Jerusalemu, “Mchatasa BWANA imbiri ya madhabahu ihi Jerusalemu?”

1 MALAGHO GHA NGELO 22:1

Niko Daudi ukaghamba, “Aeni aha niko koni Hekalu ya BWANA Mlungu na madhabahu ekoria vizongona va wandu wa Israeli ichaakaia.”

2 MALAGHO GHA NGELO 7:12

Niko BWANA ukamfutukia Solomoni nakio ukamzera: “Nameria kusikira ilombi jako, nani nameria kukusaghua andu aha kukaie kwa wundu ghwa Hekalu efunyira vizongona.

EZRA 3:2

Jeshua mwana wa Jehosadaki, chiaimweri na wakohani wambao, na Zerubabeli mwana wa Shealtieli chiaimweri na wakwawo, wikawuka na kuiagha madhabahu ya Mlungu wa Israeli ekoria vizongona aighu yaro, seji iandikilo sharienyi ya Musa mundu wa Mlungu.

EZRA 6:12

Mlungu uo oreisaghueghe Jerusalemu kukaie andu komtasira, ndemsime mzuri uo ose, angu wandu wichaakunda kughalusa momu ughu angu kukunda kuinona iyo Hekalu iko Jerusalemu. Ini Dario nabonya ilaghiro, nani nakunde jisikiro kwa kufunga ndighi kose.”

EZRA 7:17

“Kutumie pesa iro nicha. Kughuo njau, bauru, na wana wa ng'ondi, chiaimweri na mafunyo ghawo gha viro na mafunyo gha kunywa; kuvifunye aighu ya madhabahu gha Hekalu iko Jerusalemu.

NEHEMIA 1:9

ela mkaniwuria na kughiwadia malaghiro ghapo, na kughibonya hata ngera mwasaghisiro hata kutua kwa ndoenyi, nichamkwanya na kumreda andu nikusaghue nitasoghe.’

ZABURI 78:68

Ela oresaghueghe kichuku cha Juda, na Mghondi ghwa Sioni ugho ughukunde.

KUFUMA 15:2

BWANA nuo ndighi rapo na lumbo lwapo, nao wawuya kukia kwapo; Uhu nuo Mlungu wapo, nani nichamkasa; ni Mlungu wa aba, nani nichamkuma.

KUFUMA 20:24

Kuaghe madhabahu gha ndoe kwa wundu ghwapo, kufunye vizongona vako vekora na vizongona vako va mapatano aighu yaro, ng'ondi rako na ng'ombe rako, andu kose nichaabonya irina japo jighoro; nani nichacha na kumrasimia.

KUFUMA 25:22

Nani nichakwana nakumoni ghadi na ghadi ya iro fwana ra makerubi iwi, riko aighu ya Sanduku ya Ilaghano, na kukuneka agho malaghiro gha wandu wa Israeli.

JEREMIA 26:2

ukaghamba, “Kaia kimusi awazenyi ya Hekalu, kughorie wandu wa mizi yose ya Juda, awa wawuyacha kutasa Hekalunyi, malagho ghose nichaakulaghira kuwizere; kuseghirie ilagho jingi.

JEREMIA 7:12

Idana ghendenyi aho kwapo Shilo andu nerekusaghueghe kufuma imbiri, mpate kuwona seji nerekubonyereghe kwa wundu ghwa wuwiwi ghwa wandu wapo Israeli.

JEREMIA 7:14

Kwa wundu ugho, sa iji koni nerebonyereghe Shilo, nichaibonyera wokoni iyo Hekalu iwangilo kwa irina japo, iyo muko na irumirio nayo, na andu aho nerekunekieghe weke ndeyo na inyo.

WALAWI 17:4

kuseko na kuireda mnyangonyi ghwa Hema ekwania, ipate kukaia inosi imbiri ya BWANA, andenyi ya Andu Kokaia kwa BWANA, mundu uo uchatalwa kukaia wadia bagha kwa makosa; nao uchatalwa kukaia mkosi, na kutanywa na wandu wake.

MITALO 7:89

Nao iji Musa wangia andenyi ya Hema ekwania kughora na BWANA, ukasikira lwaka lwa BWANA lukighora nao kufuma naighu ya kilemeko, icho kifumbi cha wughoma cherekoghe aighu ya Sanduku ya Ilaghano, chiko na makerubi awi.

WUKUMBUSO 12:11

niko mchaareda ivo vose namghoria, andu BWANA Mlungu onyu uchaasaghua kukaie andu komtasira: mafunyo ghenyu ghekora, na vizongona venyu vizima, na ifungu jenyu ja ikumi, na mafunyo ghenyu mredagha kwa ngolo, na malipo ghenyu gha ighemi mghemie kwa BWANA.

WUKUMBUSO 12:13

Mlindie msefunye vizongona venyu vekora andu mkusaghuyagha mmbeni,

WUKUMBUSO 12:18

Ela mchaja imbiri ya BWANA Mlungu onyu, andu uchaakusaghua; mchaja oho, na mwana wako wa womi na wa waka, mdumiki wako wa womi na wa wa waka, na Mlawi mkwanye; nenyo mchaboilwa nandighi imbiri ya BWANA Mlungu onyu, kwa maza rose muribonyagha.

WUKUMBUSO 12:4

Inyo msetase BWANA Mlungu onyu seji awo wibonyagha.

WUKUMBUSO 14:23

Ijo ifungu ja ikumi ja viro vako na divei na mavuda, na wavalwa wa imbiri wa mfugho rako na ng'ondi, kuchajijia andu uko kose BWANA Mlungu wako uchaasaghua kukaie andu komtasira; eri kupate kukufundisha kumuobua BWANA Mlungu wako kari kose.

WUKUMBUSO 14:24

Na ikakaia andu kwaro kooka kula, kusedimagha kughenja ifungu jako ja ikumi, ja ivo vindo BWANA Mlungu wako ukurasimie navo,

WUKUMBUSO 15:20

Kuwijeghee kula mwaka imbiri ya BWANA Mlungu wako oho na nyumba yako andu BWANA uchaakusaghua kukaie.

WUKUMBUSO 16:11

M'boilo imbiri ya BWANA Mlungu onyu, chiaimweri na wana wenyu wa womi na wa waka, na wadumiki wenyu wa womi na wa waka, na Mlawi uko mzinyi konyu, na mghenyi omara-mara, na mwana usewadie ndee, na mka mkiwa uko aghadi konyu, andu BWANA ukusaghue kukaie komtasira.

WUKUMBUSO 16:15

Mum'bonyere BWANA Mlungu onyu iyo ndima kwa matuku mfungade andu uchaakusaghua, kwa kukaia BWANA Mlungu onyu uchakurasimia kwa mavalo ghenyu ghose; na kwa kazi renyu rose mchaabonya; na oho kuchulo ni kuboilwa.

WUKUMBUSO 16:2

Mumfunyire BWANA Mlungu onyu kizongona cha Pasaka cha ng'ondi angu cha ng'ombe, andu BWANA uchaakusaghua kukaie komtasira.

WUKUMBUSO 16:6

ela ahoeni BWANA Mlungu onyu uchakusaghua kukaie andu komtasira; aho niko mchaafunya kizongona cha Pasaka luma lwa kenyi iruwa jikineng'ena, sa ija ngelo morefumagha Misri.

WUKUMBUSO 16:7

Mchidoghose na kuchija andu BWANA Mlungu onyu uchaakusaghua; nakesho mmbuye hemenyi konyu.

WUKUMBUSO 17:8

“Mwandu ghungi ghukakaia ghukurie msedimagha kughutanya mizinyi konyu, sa mwandu ghobwagha angu kulola hachi aghadi ya mundu na mmbao, angu kushoghonuana, mghende andu BWANA Mlungu onyu uchaakusaghua;

WUKUMBUSO 18:6

“Mlawi ukacha kufuma andu ukaiagha andenyi ya muzi ghungi ghwa mizi enyu ya Israeli, nao ukunde moni kutasa andu BWANA ukusaghue kukaie komtasira,

WUKUMBUSO 26:2

kula umu onyu uwade mavalo ghamu gha imbiri gha ndoe gha kula kichuku agho mkuwidagha andenyi ya ijo isanga mnekwagha ni BWANA Mlungu onyu; mughikumbe kikapunyi, na kughighenja andu BWANA Mlungu onyu uchaakusaghua kukaie komtasira.

WUKUMBUSO 31:11

Muwishomie wandu wa Israeli wose iyo sharia wikisikira, ngelo wikwanyikagha imbiri ya BWANA Mlungu onyu andu uchaakusaghua wimtase.

WAKOLOSAI 2:9

Angu andenyi ya Kristo, ghwadakaia wulungu ghose kwa chia ya mumbi;

WAEBRANIA 12:22

Ela inyo mwaghuvikia Mghondi ghwa Sioni, na muzi ghwa Mlungu uko moyo, Jerusalemu ghwa mlungunyi, na weke malaika wisetalikagha wakwanyika kwa kuboilwa;

JOSHUA 18:1

Hata iji wameria kusima isangenyi, izungu jose ja wandu wa Israeli jikakwanyika Shilo na kuidunga iyo Hema Ekwania.

JOSHUA 22:11

Wandu wa Israeli wikaghorelwa, “Olenyi Wareubeni na Wagadi, na nusu ya kichuku cha Manase, waagha madhabahu mpakenyi andenyi ya isanga ja Kanaani mbai na mbai ya Jordani, najo ni isanga ja wandu wa Israeli.”

JOSHUA 9:27

Ela ituku jija, Joshua ukawibonya wazumba weshoa mbande na kudaya machi kwa wundu ghwa izungu ja wandu na madhabahu ya BWANA; nawo wadabonya huwo hata idime andenyi ya kula andu kuwikilo kotasa.

WUFUNUO 14:1

Niko ngazighana, nao hoja Mwana wa Ng'ondi uko kimusi aighu ya Mghondi ghwa Sioni, wikwanye nao waja wandu elfu ighana na mirongo ina na inya, awo wereandikiloghe irina jake na irina ja Ndee chamunyi kwawo.