WUKUMBUSO 10:18 - Biblia Ilagho Jiboie Kwa Wandu Wose

¹⁸ Wadabonya maza riko ra loli kwa wana wakiwa na waka wakiwa, nao wadamkunda mghenyi, na kumneka vindo na nguwo.

WUKUMBUSO 10:18 Խաչաձեւ Հղումներ

2 MALAGHO GHA NGELO 19:7

Idana muobuonyi BWANA; mkulindie na ijo m'bonyagha, angu BWANA Mlungu odu ndelaghashagha loli, hata ndesaghuagha, hata ndetuwagha.”

ZABURI 10:18

kupate kubonya ijo ja loli kwa wana wakiwa, na awo wikorongwagha; eri mdamu ubonyero kwa ndoe, useduo ukiobosha wandu.

ZABURI 103:6

BWANA uchawidederia na kuwipatira hachi wandu wose wikorongwagha.

ZABURI 145:9

BWANA ni mucha kwa wose, nao oko na wughoma aighu ya vilambo vose uvibonyere.

ZABURI 146:9

BWANA wadawilindia waghenyi wiko isangenyi kodu; wadawitesia waka wakiwa na wana wakiwa; ela wadainona mipango ya wandu wawiwi.

ZABURI 68:5

Mlungu, uo ukaiagha andenyi ya Hekalu yake, nuo ndee wa wana wakiwa, na mlindiri wa waka wifuilo ni womi.

ZABURI 68:6

Awo wisighilo wadawineka muzi ghokaia, wadawitesia wafungwa wipate mecha; ela waleghi wadakaia isanga jiomie.

KUFUMA 22:20

“Mundu uo ose uchaafunyira milungu mizima vizongona isaakaia ni kwa BWANA moni, utotesho putu.

KUFUMA 22:21

“Kusakem'bonyera kiwiwi mghenyi hata kumkoronga, angu na inyo morekoghe waghenyi isanga ja Misri.

KUFUMA 22:22

Kusakemkita mka mkiwa angu mwana mkiwa.

KUFUMA 22:23

Mkawikoronga nao winililie, loli nichasikira kililo chawo,

ISAYA 1:17

Mkufundishe kubonya mecha, muilole hachi; witesienyi awo wawuyawonelwa, mnekenyi mwana usewadie ndee hachi yake, mdederienyi muka-mkiwa.”

JEREMIA 49:11

Sigha wana wako wisewadie weke ndee, nichawiwika wikaie moyo; na waka wakiwa wako wisuwirie kwapo.”

HOSEA 14:3

Ashuru ndechaadikira, hata farasi ra wuda nderichaaditesia. Ndediwuyaaghora sena kwa milimu, iyo kazi ya mikonu yedu, wei ni milungu yedu. Ee BWANA, kuwiwonie wughoma awo wisewadie weke ndee.”

WALAWI 25:35

“Mwanyinyu Muisraeli ukawuya mkiwa usedimagha kukutesia moni, kumtesie sa mghenyi angu mundu okaia kiwughenyi. Kumtesie upate kukaianya na oho.

MITALO 10:32

Kukaghendanya nesi, dichakubonyera mecha ghose BWANA uchaadibonyera.”

MATHAYO 5:45

eri mpate kukaia wana wa Ndeyo onyu uko mlungunyi. Angu uo wadawilangalishira mwengere ghwa iruwa awo wiko wecha na wawiwi, na kuwinyeshera vua wahachi na wakaung'a wori.

MABONYO GHA WADUMI 14:17

Ela sena nderekusighieghe uo moni kuseko na wushuhuda, angu orebonyereghe nicha kwa kumneka vua kufuma mlungunyi, na vimu va mvono; ukamneka vindo, na kuchura ngolo renyu kuboilwa.”

WUKUMBUSO 27:19

“‘Mundu ukailaghasha hachi ya mghenyi omara-mara, angu ya mwana mkiwa, angu ya muka mkiwa, uwado ni njowe.’ Na wandu wose widikie, ‘Amen.’