WUKUMBUSO 10:12 - Biblia Ilagho Jiboie Kwa Wandu Wose

¹² “Idana inyo wandu wa Israeli, sikirenyi seji BWANA Mlungu onyu ukunde. Mnekenyi ishima na kumuobua, M'bonye seji ukundagha; mumkunde na kumdumikia kwa ngolo renyu rose;

WUKUMBUSO 10:12 Խաչաձեւ Հղումներ

1 WAZURI 3:3

Solomoni oremkundeghe BWANA, ukakaia ukighenda kwa kunugha sharia ra ndee Daudi, kasoro tu orekoghe ukifunya vizongona vake andu kotasira mighondinyi.

2 WAZURI 10:31

Ela Jehu nderelindirieghe kunugha seji sharia ya BWANA Mlungu wa Israeli iko kwa ngolo yake yose, hata nderetaneghe na kaung'a ra Jeroboamu kwa iro orewishekerieghe Israeli kungia kaung'enyi.

2 WAZURI 18:3

Ukabonya mecha imbiri ya BWANA karakara na ndee Daudi.

2 WAZURI 18:6

Angu oremazirianeghe na BWANA; hata nderetaneghe nao jingi, ela oreiwadieghe memu iyo BWANA oremlaghirieghe Musa.

1 MALAGHO GHA NGELO 28:9

“Na oho mwana wapo Solomoni, kummanye Mlungu wa ndeyo, na kukufunya kumdumikia kwa ngolo yose; kwa kukaia BWANA waichi maghesho na bea redu rose. Kukamghendia, uchakurumiria; ela kukamsigha, uchakudagha noko toe.

2 MALAGHO GHA NGELO 15:12

Wikabonya ilaghano jemlola BWANA Mlungu wa weke ndee kwa ngolo rawo rose, na kwa roho rawo rose;

AYUBU 36:11

Wikasikira na kumdumikia, wichatumia matuku ghawo ghisigharikie kwa nicha na kuboilwa.

ZABURI 119:2

Warasimilwa awo wiiwadiagha memu yake, awo wimlolagha BWANA kwa ngolo yawo yose.

ZABURI 128:1

Warasimilwa kula mundu umuobugha BWANA, na kunugha sharia rake.

ZABURI 145:20

BWANA wadawilindia wose wimkundagha, ela uchawitotesha wawiwi wose.

ZABURI 18:1

Ee BWANA ndighi rapo, nakukunde nandighi.

ZABURI 34:9

Muobuonyi BWANA inyo waeli wake, angu awo wimuobuagha ndewisowagha kindo chingi anduangi.

ZABURI 81:13

Yakaiagha nicha saki ngera wandu wapo wadanisikira, na Israeli ubonye seji nikunde!

ZABURI 81:14

Nadawikaba wamaiza wawo shwa wori, na kuwisima.

KUFUMA 23:25

Mkanitasa Ini BWANA Mlungu onyu, nichamrasimia kwa vindo na machi, na kuinja makongo ghenyu ghose.

MCHILI 12:13

Kutua kwa malagho ni uku: Maza rose ramerie kusikirwa. Muobuo Mlungu na kuiwadia memu yake, angu ihi niyo kazi ya mdamu.

EZEKIELI 11:20

eri wipate kunugha sharia rapo na kuiwadia memu yapo na kuikatisha; nawo wichakaia wandu wapo, nani nichakaia Mlungu wawo.

MIKA 6:8

Hata! BWANA wadimanyishire ijo jiko icha. Ijo BWANA ujikundagha kodu ni iji: Kubonya ijo jiko ja hachi, kukaia na lukundo lukatie, kukusera na kukaia na wungara na Mlungu odu.

ZEFANIA 3:9

“Niko nicharighalua mbari ra wandu wipate kunitasa ini niekeri, hata si milungu mizima anduangi. Wandu wose wichanisikira.

MATHAYO 22:37

Jesu ukatumbulia, “Kumkunde Bwana Mlungu wako kwa ngolo yako yose, na kwa roho yako yose, na kwa akili rako rose.

LUKA 10:27

Ukatumbulia, “Kumkunde Bwana Mlungu wako kwa ngolo yako yose, na kwa roho yako yose, na kwa ndighi rako rose, na kwa akili rako rose, na mmbenyu kumkunde sa iji kukukundagha kumoni.”

LUKA 11:42

“Ela ni bugha konyu inyo Mafarisayo, angu mwafunya mafunyo gha malemba gha marumba mecha, na kula mbogha, ela mwaisigha hachi na lukundo lwa Mlungu. Maza iri eremfwanieghe muribonye, na iro zima wori mserisighe.

MABONYO GHA WADUMI 9:31

Niko ikanisa jikakaia na sere Judea kose, Galilaya na Samaria, jikiaghika kiroho; najo jikighenda imbiri kwa kumuobua Bwana, na kuhoreshwa ni Roho Mweli, jikachurikia.

WAROMA 1:9

Mlungu, uo nimdumikiagha kwa ngolo yapo yose ngijichila ijo Ilagho Jiboie ja Mwana wake, nuo mshahidi wapo kukaia, nadamkumbuka inyo matuku ghose kwa malombi ghapo;

WAROMA 8:28

Isi damanya angu kwa maza rose Mlungu wadabonya kazi chiaimweri na awa wimkundagha kwa kureda mecha; awo orewiwangieghe kunughana na kukunda kwake.

WUKUMBUSO 10:11

Nao BWANA ukanizera, nizoye charo ngimkiria imbiri, eri mpate kungia na kujiwada isanga ijo orewighemieghe weke ndeyo kukaia uchawineka.

WUKUMBUSO 10:13

msikire malaghiro ghake nimlaghiragha idime, kwa wundu ghwa wucha ghonyu.

WUKUMBUSO 11:1

“Mumkunde BWANA Mlungu onyu, na kuwadia sharia rake rose.

WUKUMBUSO 11:13

“Na inyo mkasikira malaghiro na kumkunda BWANA Mlungu onyu na kumdumikia kwa ngolo renyu rose, na kwa roho renyu rose, seji nimlaghiragha idime,

WUKUMBUSO 26:16

“BWANA Mlungu onyu wawuyamlaghira idime kurikakatishe iri sharia na malaghiro ghake; na huwo mlindie kurikatisha kwa ngolo renyu rose na kwa roho renyu rose.

WUKUMBUSO 27:10

kwa huwo mumsikire na kuwadia sharia rake rose nimnekagha idime.”

WUKUMBUSO 30:16

Mkasikira malaghiro gha BWANA Mlungu onyu nimlaghiragha idime, kwa kumkunda BWANA Mlungu onyu na kubonya seji ukunde, na kughiwadia malaghiro ghake na sharia rake na mafundisho ghake, mchakaia moyo na kuchurikia; na BWANA Mlungu uchamrasimia isangenyi mujingiagha mujiwuse.

WUKUMBUSO 30:20

Mumkunde BWANA Mlungu onyu; mumsikire na kuwadiana nao; angu kwa kubonya huwo, mchakaia na irangi, sena mchakaia na matuku mengi isangenyi ijo BWANA orewilaghirieghe weke ndeyo, Abrahamu, na Isaaka na Jakobo kukaia uchawineka.”

WUKUMBUSO 4:29

Na aeni aho kuko, kuchamlola BWANA Mlungu wako, na kumpata iji kwamlola kwa ngolo yako yose na kwa roho yako yose.

WUKUMBUSO 5:29

Hee, na ngera wadakaia na iyo nia cheni eniobua na kuiwadia memu yapo kari kose, yadakaia nicha kwawo na kwa wana wawo kwa kala na kala.

WUKUMBUSO 5:33

Mghende seji BWANA Mlungu onyu ulaghirie, mpate kukaia moyo na kuwona nicha; matuku ghenyu ghikaie mengi andenyi ya isanga mchaajiwusa.

WUKUMBUSO 6:13

Kumuobuo BWANA Mlungu wako, kumdumikie, na kubonya ighemi kwa irina jake.

WUKUMBUSO 6:2

Na oho kumuobua BWANA Mlungu wako; oho, na mwana wako, na wawayo, kwa kuwadia iro sharia rake na memu yake nikulaghiragha kuiwadia irangi jako jose; eri matuku ghako ghikaie mengi.

WUKUMBUSO 6:24

Niko BWANA ukadilaghira dirikatishe sharia iri rose, dipate kumuobua BWANA Mlungu odu kwa wundu ghwa wucha ghodu ngelo rose, eri upate kudiwika moyo seji diko idime.

WUKUMBUSO 6:5

na oho kumkunde BWANA Mlungu wako kwa ngolo yako yose, na kwa roho yako yose na kwa ndighi rako rose.

1 TIMOTHEO 1:5

Na malaghiro ghedu isi ni kukunda wikaie na lukundo ulo lufumagha kwa ngolo ielie, na nia iboie, na irumirio ja loli.

WAEBRANIA 12:28

Kwa huwo ndedifunye chawucha na kuboilwa kwa kuwusa wuzuri ghusedimagha kusughuswa; nesi ndedimtase Mlungu kwa chia im'boiagha, kwa ishima, na kuobua;

JOSHUA 22:5

Mlindie kuiwadia memu na sharia iro Musa mdumiki wa BWANA oremlaghirieghe; kumkunda BWANA Mlungu onyu, na kubonya lukundo lwake kwa kula chia; kuiwadia memu yake, kuwadana nao na kumdumikia kwa ngolo renyu rose, na kwa roho renyu rose.”

JOSHUA 24:14

Joshua ukachuria kughora, “Idana mumneke ishima na kumdumikia BWANA kwa ngolo na kwa wuloli, muinje nambai milungu ya weke ndeyo wereidumikieghe aho Mesopotamia na Misri, mpate kumdumikia BWANA.

1 JOHANE 2:15

Msakeghukunda wurumwengu, hata vilambo va wurumwengu; ngera mndungi waghukunda wurumwengu, kumkunda uja Aba ndekuko andenyi kwake anduangi.

1 JOHANE 5:5

Nao nani udimagha kughusima wurumwengu, iseeka ni uo urumiriagha kukaia Jesu ni Mwana wa Mlungu?

1 SAMUELI 12:20

Niko Samueli ukawizera wandu, “Msakeobua hata ngera mwabonyere ugho wuwiwi, bora tu mseghaluke mkimsigha BWANA, ela mumdumikie kwa ngolo renyu rose.